رواية عهد الهوى بقلم فاطيما يوسف
#البارت_الاول
بينما هي جالسه تحفظ وردها اليومي المقرر عليها في الجامعة في العيادة التي تعمل بها،
دخلتا عليها امرأتين إحداهما في العقد الخامس من عمرها ،والأخري في العقد الثاني،
فأغلقت مصحفها ورفعت أعينها وقالت بوجه بشوش:
_ أهلاً بيكم اتفضلوا،
وتابعت بعملية:
_كشف ولا استشارة؟
أجابت السيدة الكبري:
_كشف إن شاء الله .
سألتها عن الإسم وأعطتها إياه،
سجلت الإسم في مدونة الكشوفات وقالت بمهنية :
_ تمام يامدام هنا دورك الثالث والدكتور قدامه ساعة ويجي وللأسف الحجز بالتواجد إنتي عارفة إحنا في قرية والناس مش بترحم حد .
ردت حماتها وقالت بطيبة:
_عادي إحنا هنقعد نستني الدكتور ورانا إيه يعني ،
واسترسلت متسائلة بإبتسامة:
_ اسمك إيه بقي ياقمر ؟
ردت الممرضة بإبتسامة:
_ إسمي مهرة ياحاجة .
سألتها باستكشاف:
_بنت مين يامهرة ؟
قلبي ارتاح لك أول ماشفتك ياعسل .
أجابتها مهرة بإبتسامة خفيفة:
_بنت محمد الشريف .
ابتسمت لها السيدة إبتسامة تنم عن معرفتها بأبيها قائلة:
_أها عارفةباباكي وعمك كمان يبقي اسمه وليد مراته أم محمد كانت صاحبتي جدآ ،
هيا عامله إيه بقالي كتيييييير مشفتهاش ؟
أجابتها مهرة بود قائلة:
_ كويسة الحمدلله هبقى أوصل لها سلامك ياحاجة.
سألتها باستكشاف آخر:
_إنتي بتشتغلي هنا بقالك كتير؟
مهرة : لأ بقالي شهرين بس ، بسلي نفسي وكليتي مش بروحها كتير،
ثم وجهت حديثها إلي زوجة ابنها قائلة:
_وأنتي ياقمر جاية تعبانة من إيه؟ شكلك عروسة جديدة ومش بقالك كتير .
ردت هنا وقالت:
_ آه متجوزه بقالي شهر وبطني تاعباني فجيت أكشف.
ردت حماتها وقالت بصدق:
_علشان نشوف القمر أم وش بشوش دي .
قالت مهرة بخجل:
تسلمي لي يا حاجة ،ده إنتي إللي قمر والله وتبادلا أطراف الحديث ومر الوقت ،
ثم قالت السيدة بتأكيد:
_ والله لاأجوزك إبني ده إنتي دخلتي قلبي من أول ماشفتك وحبيتك يامهرة ياقمر إنتي.
قلب وجه مهرة ألوان الطيف ولم ترد، واستغربت حديثها وتلك الجملة التي رددتها كثيراً ،
وفجأة بالهاتف المحمول الخاص بالعيادة يرن استجابت علي الفور وردت بمهنية شديدة:
_ أيوه يادكتور ، حضرتك مش جاي النهاردة ؟
رد عليها قائلا:
_أيوه يامهرة عندي حالة ولادة اعتذري للناس، واللي حاجز النهاردة يجي بكرة
أجابته بطاعة قائلة:
_ تمام يادكتور ،
