رواية سبر أغوار قلبي ولكن بقلم نورهان سامي الجزء الحادي عشر
✾ الفصل الأخير – الجزء الأول – ✾
سمعت صوت ماجد و هو يقول للطبيب : لو سمحت يا دكتور ممكن حضرتك تحددلنا ميعاد مع دكتور نساء شاطر عشان نجهض الجنين
اتسعت حدقة عينيها و حدقت به بصدمة .. ماذا يقول هذا الأحمق .. هل يريد إنهاء حياة جنينها الذى دعت الله به كثيراً بصلواتها .. ما شأنه هو .. ما شأنه بجنينها حتى يقرر قراراً كهذا .. لا شأن له به إنه جنينها هى و أدهم .. حتى هى و أدهم لا يملكان حق قرار إبقاءه من عدمه .. لماذا يصر على تخريب حياتها و تدميرها .. نزلت دموعها و حاصرت أحشائها التى يقبع بها جنينها بكلتا يديها حتى تحميه من بطش هذا الشيطان الذى يقف أمامها .. صاحت به و بالطبيب قائلة بحدة و أواصلها ترتعش إرتعاشاً : محدش هيقرب من أبنى .. أنتو فاهمين .. محدش هيقرب منى و لا من أبنى .. يلا بره .. أخرجوا بره
أشار لها الطبيب بيده حتى تستكين قائلاً بجدية : خلاص هنخرج بس أهدى بس .. أهدى محدش هيقرب منك ولا هيجى جمبك .. أردف مسايساً إياها حتى تهدأ كلياً : مش أنتِ عايزة الجنين يبقى أهدى عشان الإنفعال غلط عليكِ و عليه
حاولت تهدئة نفسها فيجب أن تحفظ جنينها هى و أدهم إلى أن يخرج للنور .. استكانت كلياً و قالت بدموع من بين إرتجاف جسدها : لو سمحت يا دكتور خرجه بره .. خرجه بره مش عايزة أشوفه بكرهه .. ضمت ركبتها إلى صدرها و بكت بعدما دفنت رأسها بينهما قائلة من بين ارتعاش جسدها : أدهم .. حد يتصلى بأدهم .. هاتولى أدهم
الطبيب بجدية : حاضر هنعملك كل اللى أنتِ عايزاه .. بس أهدى .. حول نظره لماجد قائلاً بحزم : لو سمحت يا أستاذ ممكن تتفضل تخرج بره عشان نسيب المدام تستريح شوية
صاحت بالطبيب قائلة : أنا مش الزفت المدام .. هو مش جوزى ولا عمره هيبقى جوزى .. أنا جو..
قاطعها ماجد قبل أن تكمل قائلاً : خلاص يا دكتور .. يلا نخرج و نسيبها تهدى
عندما استمعت لكلماته صمتت عن حديثها و استكانت مجدداً .. خرج ماجد و وراءه الطبيب و تركوها وحيدة تدعو الله أن يسترها و يحميها هى و جنينها .. تمنت حقاً وجود ملاكها الحارس الذي سخره الله لحمايتها و مساندتها دائماً بجانبها الأن لكنه بكل أسف مسافر !
اصطحب الطبيب ماجد إلى غرفته و قال بتساؤل : ممكن أعرف ايه اللى بيحصل هنا ده .. أردف قائلا بضيق : حضرتك شكلك متعلم و عارف إن عمليات الإجهاض ديه عمليات مشبوهة لو سببها قت.ل الجنين و ميعملهاش غير دكتور معندوش ضمير ولا دين و غير ده كله حضرتك مش والد الطفل من كلامها عشان تقرر حاجة زي ديه
