رواية سبر أغوار قلبي ولكن بقلم نورهان سامي الجزء الحادي عشر
ابتسمت تالا لها و قالت فى سرعة : لا خلينا أم و بنتها أحسن
ربتت منال على كتفها و قالت بجدية : يلا قومى بقى
اؤمأت تالا برأسها و هى تدعو الله أن يحميها من ماجد و يسترها حتى تظل بكنف تلك العائلة التى لن تجد مثلها مهما بحثت .. هى تطمع بكرم و رحمة ربها و تثق بأنه كريم رحيم لن يرد دعائها ابداً .
✾ الفصل الأخير – الجزء الأول – ✾ج2
كان يقف أمام باب الفيلا ينتظرها و هو يسند على سيارته بعدما استأذن و ترجى والدها لساعات ليخرجا للغداء .. خرجت و وقفت أمامه ليقول هو بابتسامة غيظ : لازم أعزمك على الغداء عشان أشوفك ؟
ابتسمت أسيل ابتسامة صغيرة و قالت بملل : لو مش عاجبك أنا ممكن أرجع تانى .. أردفت قائلة : ديه فتحية عاملة أكل يجنن أنهارده .. صاحت به قائلة : أسر نبقى نخرج مرة تانية تعال نتغدا هنا انهارده .. التفتت لتذهب للداخل لكنه أوقفها عندما أمسك ذراعها قائلاً بغيظ : ندخل جوه ايه ؟ ده أنا صوتى أتنبح و أنا بطلب من أبوكى نخرج لدرجة إنى كنت هستدعيه فى القسم .. أسجنه الساعتين اللى هنخرجهم و نعدى عليه نخدوا و أحنا مروحين .. صاح بها قائلاً : و أنتِ تقوليلى نتغدا جوه
أبعدت يده عنها بضيق و قالت بملل : أسر لو سمحت متتكررش تانى .. أوكيه
زفر أسر و قال بنافذ صبر : حاضر بس ممكن نـــ يلا
اؤمأت برأسها و تخطته و ركبت بمقود السائق لينظر لها بفم فاغر من الدهشة و هو يقول بتساؤل : مالك ؟ هاه مالك ؟ أنتِ سخنة ؟
أسيل بدلع : أسر بليز ممكن أسوق
تنهد بهيام قائلاً : العربية تحت أمرك .. أردف قائلاً بتساؤل : تاخدى القميص أو البنطلون أو الشراب لو تحبى .. أردف قائلاً بصوت خافت : و الله بليز كمان من بتوعك دول و مستعد ابيعلك اللى ورايا و اللى قدامى
جلس بجانبها لتنطلق هى بالسيارة .. ظل صامتاً و يده على قلبه خائفاً على سيارته .. نظر لها و قال بتساؤل : مدام نفسك إن أنتِ اللى تسوقى ليه مركبناش عربيتك ؟
أسيل بعتاب : أنت خايف على عربيتك منى ؟
زفر بقلق ثم قال بجدية : خلينا فى المهم .. تالا أنهارده خلصت امتحانتها صح ؟
اؤمأت أسيل برأسها ليقول أسر بجدية : طب يلا بقى خلال أسبوع كده نعمل الخطوبة .. و أنا هبقى أكلم أدهم أشوفه هيجى أمتى حتى لو يجى يوم و يسافر تانى
نظرت له أسيل قائلة بجدية : أنا كلمت تالا إنهارده كان صوتها تعبان أوى عشان راحت عملت علاج طبيعى و كمان شكل سفر أدهم مضايقها .. أردفت قائلة : قالتلى أن أدهم هيرجع بعد اسبوعين أو تلاتة فنستنى لحد أما يرجع بقى
