أنت مكافأتي بقلم دفنا عمر الجزء الرابع
بلال بصوت جهوري غاضب : أيييييه هو البعيدة معندهاش دم !!😠 مش مالي عينك أنا ، بتتغزلي في صاحبي قدامي!
أروى ببراءة : أيه ياحبيبي هو أنا بتكلم عن حد غريب .. ده صاحبك! 😔
بلال : هو عشان صاحبي تتغزلي فيه وتقولي شعر .. أنا شكلي هصور قتيل انهاردة بسببك !!😠
أروى بدلال لتمتص غضبه بعد إستيعابها أنها أثارت غيرته عليها دون قصد : أخص عليك يا لولي هو عيني تشوف أحسن منك يا غالي !!
أضيقت حدقتي بلال، وهو يعيد أسم دلالها له باشمئزاز ، ويشير بإصبعه على جسده الضخم :
لولي ! .. بذمتك ده واحد يتقالو لولي!!
بصي ياروحي لولي ده تبقي تدلعي بيه بنتنا أما نخلف إن شاء الله ، وأخر مرة أسمعك بتمدحي في حد .. فاهمة!
أروى موضحة : يا حبيبي أنت مش فاهم .. الحمارة دي بتحب معتصم .. وهو كمان بيحبها ، يبقى ترفض ليه وتضيع حبها من أيدها ؟!
بلال بتساؤل : وعرفتي منين أن معتصم بيحبها ؟
أروى: يوم فرحنا نظراته كانت مكشوفة جدا للأعمي أنه دايب فيها !!
بلال بإستنكار : أنتي كنتي سايبة جوزك جمبك وبتبصي على معتصم وتحللي نظراته ؟؟؟ شكلي هخنقك قبل ما اقتلك 😠
أروى بنفاذ صبر : يا ابني مش كده .. بس البت رغد السوسة بقيت كل شوية تيجي جمبي وتعوج رقبتي بالعافية أما اتلوحت ، وتقولي ، شوفي بيبصلها أزاي ، و داير وراها من مكان لمكان.. لحد ما صدعتني!
بلال : امممم واضح إن رغد دي سوسة ومش سهلة!!
أروى بإيماءة مؤيدة : وحشرية جدا !!
بلال : طب ياحبيبتي خدي أول قرار دكتاتوري مني!
أروى : قول ياروحي، هما اللي بياخدو قرارات ديكتاتورية أحسن منك في حاجة!
بلال : مش كده بردو! .. ثم أقترب من أذنيها موشوشا لها بصوت خفيض : أقطعي علاقتك برغد!
******************
_ تحب نروح نرتاح عند أخويا بدر الأول ، قبل ما نزور قبر والدتك يا بهاء !
_ لا يا سيف شكرا ، أنا هروح لوحدي الأول ، وبعدها هروح شقتي ، وأنت عادي روح لأخوك بدر ووالدتك وولاده ، أكيد وحشينك!
_ الزيارة دي كلها ليك أنت ، أنا زورتهم قريب ، وهروح معاك المقابر مش هسيبك ع الاقل في المشوار ده !! وبعدها ممكن أسيبك تروح شقتك ترتاح وبكرة نتقابل لأن أخويا عايز يتعرف عليك ..
_ ربنا يسهل يا سيف ، خليها للظروف !!
……………………… .
كلما خطى بقدميه لمكان ضريحها ، كلما اهتز داخله ، يشعر برهبة، بخوف ، وندم بذات الوقت لأنه لم يحاول زياراتها قبل الآن .. وهاهو أمامها يطالع أسمها الحبيب مخطوطا ويصاحبه لقبها القاسي على نفسه
” المرحومة ” !!
منعقدًا لسانه لايعرف ماذا يقول .. عيناه مغرورقة ، تتساقط دموعه فلم يعد يرى أمامه .. فتحول بكاءه الصامت إلي أنين مسموع ثم إلى بكاء يقطع نياط القلب وهو يخفي وجهه تحت كفيه ، فأمسكه سيف وأجبره علي الجلوس :
أسمعني يا بهاء.. حاسس بيك وبوجعك ، بس لازم تمسك نفسك شوية ، ولازم تتكلم وتقول الي في قلبك كأنها قدامك ، وصدقني هي دلوقتي سامعاك وشايفاك ومستنية هديتك ليها!!
تسائل بهاء بتعجب بعد أن ازال كفيه عن وجهه الباكي: هديتها؟؟!!
سيف بإيماءة تأكيد : طبعا .. دعائك ليها هدية .. قراءة القرآن علي روحها هدية ، وعدك أنك هتكون ابن بار وصالح بعد مماتها هدية!!
