حافية على جسر عشقي بقلم سارة محمد الجزء السابع

هتف بجمود:
– لاء!!!

حمحمت صديقتها بإحراج لتردف وهي تذهب من أمامهم:
– طيب يا جماعة عن إذنكوا أنا بقا..

ألتفتت تردف بحزن:
– رقصة واحدة بس يا ريان!!!!

أشتعلت عيناه كالجمر ليقول بحدة:
– مش هتقومي من جنبي يا هنا!!!

– اوففف…
تأففت وهي تلصُق ظهرها بظهر الأريكة المزينة برُقي، ثم نظرت أمامها بعبوس، فأتت والدته التي هتفت بفرحةٍ:
– مالك يا حبيبتي قاعدة كدا ليه، قومي يلا عشان ترقُصي!!!

أنفلتت أعصابه ليزمجر في والدته بفتور:
– مافيش رقص يا أمي، وياريت نلِم الليلة دي عشان عايز أمشي!!!!

نظرت له “هنا” بطرف عيناها بغضب، ثم قالت لوالدته التي ضربت كفاً على آخر:
– طنط ممكن تنادي بابا عايزة أشوفه..!!!

– عنيا يا حبيبتي!!!
هتفت والدته بحنان لتذهب من أمامهم، ليجلس هو كما هو جامداً لا يؤثر به شئ، جاء والدها ليُلقي عليه نظرة غاضبة، ليُبادله بنظراتٍ باردة وكأنه يخبره أنه أنتصر عليه عندما عاندته أبنته و تزوجت به، ليتجه الأب نحو أبنته، فـ نهضت “هنا” لترتمي في أحضانه قائلة بحُزن:
– هتوحشني أوي يا بابا!!!، بس والله أول مـ أرجع من لندن هجيلك على طول!!!

ضمها بقوة له وكأنه آخر عناق لهما، ليردف متنهداً بتأثُر:
– ربنا يعلم الشهر اللي هتقضيه في لندن دة هيعدي عليا إزاي، متعودتش تغيبي عني يوم مش شهر يا هنا!!!!

أبتعدت “هنا” عنه لتنظر له ببراءة قائلة:
– خلاص ريان يروح لوحده بقا وأنا هفضل معاك!!!!

أبتسم بحنان لينظر لأبنته التي سرعان ما كبِرت و أرتدت ثوبها الأبيض متألقة به، ليُربت على خصلاتها قائلاً بلُطف:
– مينفعش يا حبيبتي تسيبي جوزك يروح لوحده، بس لو حصل أي حاجة تكلميني فوراً وأنا هبعت طيارة مخصوص تجيبك!!!

– حاضر!!
قالت بهدوء يليه دمعات أغرقت عيناها وهي تردف:
– كان نفسي ماما تبقى معايا في اليوم دة!!!

قطب حاجبيه بدهشة ليقول وقد ظهرت بحة حُزن في صوته:
– أول مرة تقولي كدا يا هنا، لما سامية “الأم” ماتت كنتِ يادوب 3 سنين، وطول عمرك بتقوليلي أنت كفاية عليا!!!

– مش قصدي يابابا والله متزعلش مني، بس أي بنت يوم فرحها بتبقى عايزة مامتها جنبها، بس أنت دايماً كنت الأب والأم ليا، أنا بحبك أوي يا بابا..!!!

أنهت كلامها لتحاوط عنقه كالطفلة الصغيرة، والدموع تسقط من عيناها وهي لا تتخيل عدم وجوده جوارها طيلة ثلاثون يوماً!!!!