حافية على جسر عشقي بقلم سارة محمد الجزء السابع
أنصاعت له لتدلف لغرفتها ثم وقفت خلف الباب بعد أن أغلقته تسترق السمع لما يحدث بالخارج..
أبعد “ريان” القناع عن وجهه فظهرت ملامحه المُريبة، ليكور كفه ثم لكُمه بعنف كاد أن يطيح بأسنانه، ثم صرخ به بألفاظ نابية:
– بتدخل بيت ريان الجندي و تهددني بـ مراتي يا ***** دة أنا هطلع *****، مين باعتك يالا!!! رد يا حيلة أمك!!
حاول يلتقط أنفاسه ولكن “ريان” لم يُعطيه فرصه بل سدد له ضربه أخرى بوجهه جعلت وجهه محجّباً بدماءٍ مُريعة المظهر، ليردف وسط أنفاسه قائلاً:
– أبوس إيدك أرحمني وأنا هقول كل حاجة يابيه..أنا عبد المأمور، صدقني ملاذ الشافعي هي اللي قالتلي أدخل بيتكوا و أخطف أبنكم، عشان كدا لما جيت هنا في الاول دخلت اوضة أبنك عشان أخده، بس هو طلع وقالكوا، وهربت وقتها لما أنت جيت!!!
جُحظت عيناه بقوة، لتنتفض كل خلية بجسده عندما ذُكر أسمها رافضة ما يقوله ذلك الأبله، لينهض من فوقه غير مصدقاً حرفاً، وصدمته تزداد أضعاف عندما أكمل الأخير:
– قالت أن كان فيه بينكوا تار (ثأر) قديم لما روحت أتجوزت بعد مـ سيبتوا بعض، و أن هي بتاخد حقها!!!
نظر له بعدم تصديق، لينحني عليه مزمجراً بقسوة شديدة:
– أنت كداب و ابن ****، ملاذ متعملش كدا أبداً!!!!
اسرع الأخير بقوله وهو يضع كفه أمام وجهه ليحمي نفسه من بطش هذا البربري:
– والله يا باشا اللي بقولهولك دة اللي حصل أنا مليش ذنب في حاجة، متقتلنيش يا بيه بالله عليك أنا عندي عيلين بصرف عليهم، هيتيتموا من غيري أبوس إيدك!!
أمسك تلابيب قميصه ليجعله ينهض، ثم أوقفه قائلاً وهو يهزه بعنف:
– و أنت مفكرتش في دة ليه لما كنت جاي تخطف أبني، و انت فاكر إني هرحمك، دة أنا هخليك تشوف أسود أيام حياتك لما أسيبك، عارف ليه هسيبك تمشي؟ عشان توصلها أنها غبية، و أن حقي هاخده منها، وهدمرلها حياتها زي مـ هي عايزة تدمرهالي!!!!
دفعه بعيداً ثم هتف بنزق:
– أطلع بــرا، و خليك فاكر إني مش هرحمك، فـ لو شوفتني في حتة امشي من الشارع التاني، عشان لو شوفت وشك العِكر دة مرة تانية هطلع عين أهلك!!!
أومأ الأخير ثم خرج من الباب سريعاً، ليتجه “ريان” إلى الكهرباء ثم أشعل الأنوار، فـ ذلك الحقير قد قطع الكهرباء عنهم حتى يُنهي فعلته الدنيئة!!!!
و قبل أن يتجه إلى غرفتهم حتى يطمئن على “هنا” وطفله، وجدها تخرج من الغرفة وعلى وجهها غضب ناري، لتقف أمامه قائلة:
– ملاذ مين يا ريان!!!!
