حافية على جسر عشقي بقلم سارة محمد الجزء السابع
أنفجرت في البكاء ليضمها لصدره واضعاً رأسها على موضع قلبه، يمسح على خصلاتها ليُهدئها، مردفاً بصوته العذب:
– قوليلي طيب عايزة أيه؟!! أي حاجة عايزاها هعملهالك دلوقتي!!!
رفعت عيناها الحمرواتان الباكيتان له، لتردف برجاء:
– أنا مش عايزة أعيش معاك، سيبني يا باسل أَمشي، و أوعدك مش هتشوف وشي تاني!!!
صُدم مما قالته، ليرفع ذقنها له، قائلاً بهدوء شديد يخالف البراكين المشتعلة به:
– إلا الطلب دة!! هعملك أي حاجة إلا إنكوا تبعدوا عني!!!!
أزاحت كفه بعيداً قائلة بحدة وهي تنهض من على الأريكة مشيرة بيديها:
– و أنا مش عايزة غير الطلب دة!!! كفاية نتعب في بعض بقا!!!
نهض أمامها يردف بهدوء:
– أنتِ ناسية إنك حامل في بنتي؟!!
قطبت حاجبيها لتقترب منه، تنظر له بسُخرية قائلة:
– مش كنت بتقول إني مش حامل منك؟! وإني واحدة خاينة وزبالة؟!! و لا نسيت أنت قولت وعملت أيه!!!
قاطعها بنبرة عالية مغمضاً عيناه:
– رهــف!!!!
لم تُبالي بعلو صوته، بل أخذت تُزيد في الضغط على موضع ألمه بدون رحمة، قائلة بنبرة متهكمة:
– لو أنت نسيت أفكرك؟ عشان أنا عُمري مـ هنسى أنك أتهمتني في شرَفي من غير حتى مـ تسمعني!!!
أبتعد عنها ليوليها ظهره، رافضاً الأستماع إلى كلماتها التي تُصيبه في مقتل، ولكن صوتها الحزين أخترق أذنه وهي تقول:
– و أنا اللي كنت بقول أن باسل واثق فيا أكتر من نفسه، و عُمره مـ هيصدق حاجة وحشة عني، كنت فاكرة أني أتجوزت الشخص الصح، مكنتش أعرف أن جوازي منك كان أكبر غلطة!!!
شعر “باسل” بإختناق حقيقي، ليضع كفه على صدره مغمضاً عيناه بألم شديد، أغرورقت عيناه بالعِبرات، ليغلق جفونه بعنف، ليستمع لها وهي تسترسل تقضي على ما تبقى من قلبه:
– سيبني أمشي يا باسل، و أوعدك لما أولد إن شاء الله هتشوف البنت وقت مـ تعوز ومش همنعها عنك أبداً، بس سيبني أكمل اللي باقي من حياتي و أنا مش خايفة أنك ترجع تشُك فيا، أو تستخدم دراعك من غير مـ تسمعني!!
أستند على الحائط جواره، حاول أن يلتقط أنفاسه ولكن الأكسجين يأبى الدخول لرئتيه، أهتاجت أنفاسه، فلاحظت هي الحالة المريبة التي سيطرت عليه، لتقترب منه واضعة كفها على كتفه تردف بقلق:
– أنت كويس؟!!
سعل “باسل” بقوة، ليميل برأسه للأمام وهو يحاول تهدئة نفسه، فوقفت أمامه لتنحنى برأسها له واضعه كفها على كتفه تهتف بتوجس:
– في أيه؟!!
