حافية على جسر عشقي بقلم سارة محمد الجزء السابع

– لاء، لاء يا ملك هو مش كدا، أنا هخليه ييجي يتقدملي من جواد و هتجوزه!!
هتفت ببكاء، ف أبعدتها “ملك” عنها قائلة بعقلانية:
– هو عُمره مـ هيتجوزك، عارفة ليه؟ عشان أنتِ بالنسباله واحدة خانت ثقة أهلها وبتكلمه من وراهم، عشان كدا مش هيآمن على نفسه و على شرفه لما تتجوزيه، عارفة هيقول أيه؟ هيقول زي مـ كلمتني قبل الجواز وبعتتلي صورها هتكلم حد تاني بعد الجواز وهتخوني معاه، صدقيني هو دة تفكيرهم!!!

طالعتها بذهول لتمسح دموعها بصدمة قائلة:
– معقول!!!

– طبعاً، حتى جربي تفاتحيه في موضوع الجواز وتقوليله يبجي يتجوزك، هتلاقيه طلعلك بألف حجة، مرة يقول لسة بكون نفسي ولسة لما أخلص دراستي، بلاش يا ياسمين الطريق اللي أنتِ ماشية فيه ده، أنا خايفة عليكي!!!

نظرت لها بحيرة ثم هتفت كالطفلة التائهة:
– طيب أعمل أيه دلوقتي!!!

– أنا هقولك!!!
أجلستها على الفراش، ثم أخذت هاتفها لتجعلها تفتحه، قرأت المحادثات بينهم، لتتوسع عيناها بصدمة، وهي تنظر للصور المبعوثة له لـ “ياسمين” بشعرها وبملابس لنقول عليها فاضحة!!!!
نظرت لها “ملك” بصدمة، واضعة كفها على فمها، فـ نكست “ياسمين” رأسها بخجل، لتردف الأخيرة بعصبية:
– يا نهار أسود أزاي تبعتيله صورك كدا!!! ليه كدا يا ياسمين، أدعي بقا أن ربنا يسامحك!!!!

بكت “ياسمين” بقهر، فـ نهضت “ملك” لتردف بضيق:
– أعمليلُه block حالاً من كل حاجة حالاً، وانا هنزل أشتريلك خط جديد قبل مـ جواد يرجع!!!

• • • •

صف “ريان” سيارته خارج الملاهي، ليركض “عمر” خارج السيارة مع “هنا”، صفق “عمر” بحماس، ليدلفا ثلاثتهم للملاهي، أشار الصغير على أحد اللعب التي تناسب عمر، فألتفتت “هنا” إلى “ريان” وسط الإزدحام، ولكنها وجدته جوارها، يحاوط خصرها قائلاً بتحذير:
– المكان زحمة أوي، خليكي جنبي ومتبعديش عني..!!!

نظرت له بصدمة لترمش بأهدابها، أخفت إبتسامته عنه، ليذهبا معاً يقفا أمام “عُمر” المستمتع باللعب كثيراً، بينما “هنا” كانت مستمتعة بوجودها جواره، قريبة منه لتلك الدرجة، ورائحته تدغدها، أرتعش جسدها عندما حاوط كتفيها ليضمها لصدره بتملك، أرتكزت رأسها على صدره، و السعادة تكاد تقفز من عيناها، كل خلية بجسدها تحفزت لتحاوط خصره، ولكن حياءها منعها من ذلك، أبتسمت وهي ترى فرحة صغيرها، لتلتفت إلى “ريان” فوجدت وجهه يعتليه الجمود، قطبت حاجبيها قائلة :
– في حاجة يا ريان، شكلك مضايق؟!!!