حافية على جسر عشقي بقلم سارة محمد الجزء السابع
• • • •
جلست “ملاذ” في غرفتها بعد أن روَت لـ “رقية” ما حدث و ما قاله “ظافر” لشقيقتها فأخطأته “رقية” بالطبع، فهو ليس من حقه أن يفعل هذا حتى وإن كانت على خلاف مع أختها، أنتظرته “ملاذ” كثيراً حتى أتى وأخيراً دلف للجناح، نهضت سريعاً ليدلف لغرفتهم ثم نزع سترته ليبدأ في حل أزرار قميصه و عيناه تنظر للخواء بإرهاق، فـ أقتربت منه قائلة بجمودٍ:
– عايزة أتكلم معاك!!!!
نظر لها ليردف قائلاً بتبلُد:
– أنا تعبان وعايز انام!!!!
ضربت الأرض بقدميها قائلة بحدة:
– وانا بقولك عايزة اتكلم معاك في موضوع مهم!!!!
إسودت عيناه ليهدر بعنف ممسكاً ذراعها بقسوة:
– إياكي تتكلمي معايا بالطريقة دي مرة تانية فاهمة!!!!
حاولت إبعاد ذراعها عنه قائلة بتمردٍ:
– أبعد عني، أنت ازاي متقوليش أن براءة حاولت تكلمني!!! ليه مقولتليش و أنا اللي كنت بتمنى أسمع صوتها!!!
تركها ليتجه نحو المرحاض تاركاً قميصه مفتوح ليُظهر صدره ، ولكن لم تعطيه الفرصه لتنقض عليه ممسكة بتلابيبه صارخة:
– متسيبنيش وتمشي ورُد عليا!!!!!
قبص على ذراعيها بقسوة شديدة ليهُزها بعنف يزأر كالأسد أمام فريسته:
– عايزة تعرفي ليه مقولتلكيش؟!!! عشان أنتِ غبية وهبلة وهتروحي تقابليها طبعاً، وانا مش هسمحلك تعملي كدا، بطلي بقا ضعفك قدامها دة، دي واحد **** عايزة تستغلك و عُمرهاـ مـحبتِك أنتِ مبتفهميش!!!!
أرتجف جسدها وهو يصرخ بها هكذا وملامحه أصبحت كابوسٍ أسود، اظافره الغارزة بذراعيها وعيناه البارزة بجحوظٍ أرعبها، شفتيه التي ترتجف لشدة الإنفعال و إهتزازات جسده الغاضب أخافتها، فحاولت الإبتعاد عنه ليتركها هو بعنف ماسحاً على وجهه يحاول تهدأة أعصابه، ليعود ينظر لها وهي تفرك أصابعها ببعضهما جالسة على طرف الفراش تنظر أمامها كالتائهه ، التي فقدت أبيها و أمها وسط الإزدحام، لتردف بنبرة تمزق القلب:
– مش عارفة أكرهها، رغم كل اللي عملته فيا مش قادرة أكرهها يا ظافر، كُرهها ليا بيخليني كارهة نفسي، هو أنا أخت وحشة أوي كدا عشان تكرهني بالطريقة دي؟!!
لتتابع وشهقاتها تتوالى:
– ويوم لما اخيراً تبقى كويسة معايا وعايزة تتكلم متقوليش وتقولها اني مش عايزة اكلمها!!!
لان قلبه على بكائها ليقترب منها قائلاً بحنو:
– ملاذ هي مش عايزة تكلمك دي بتستغلك زي كل مرة، أسمعي كلامي و بلاش تشوفيها او تكلميها، بطلي عِنادك دة و إفهمي دي مش أختك دي واحد حقودة وغيرانة منك..!!!
