حافية على جسر عشقي بقلم سارة محمد الجزء السابع
فرغت شفتيها بصدمة شديدة، لتجحظ عيناها بعدم أستيعاب، جالسة على الفراش خلفها مصعوقة، قائلة والدموع تنهمر من عيناها:
– عرفتي أزاي!!!
لانت نظراتها نحوها، لتجلس جوارها مربتة على كتفيها بشفقة، قائلة برفق:
– متخافيش يا ياسمين، أحنا نقدر نحل الموضوع دة من غير مـ حد يعرف، و أنا أوعدك مش هقول حاجة لحد!!!!
نظرت لها “ياسمين” بعينان حمراوتان، لتنهض كمن لدغتها عقربة، صارخة بها بقسوة:
– ملكيش دعوة بحياتي، أنا مطلبتش منك مساعدة، ولو فاكرة أنك كدا بتذليني أو بتكسري عيني يا ملك تبقي غلطانة، و لو عايزة تروحي تقولي لـ جواد ولا ماما قوللهم، أنا ميفرقش معايا!!!
نهضت “ملك” لتمسكها من كتفيها تهزها بقوة قائلة بإنفعال شديد:
– أنتِ أتجننتي، عارفة لو جواد عرف بحاجة زي دي هيعمل فيكي أيه؟!!، مش بعيد يقتلك!!!، فوقي يا ياسمين أنتِ كدا بتضيعي نفسك، سيبيلي أنا الموضوع دة و أنا هحله!!
نفضت ذراعيها عنها صارخة بحقد:
– طبعاً، لازم تطلعي البطلة الشجاعة والطيبة دايماً، عايزة تنقذيني ليه رغم أنك عارفة أن لو جواد عرف إنك عرفتي الموضوع دة وخبيتي عليه هيقلب عليكي؟!!!
– أنا مش عايزة أطلع البطلة ولا حاجة، أنا بس عايزة أشيلك من اللي أنتِ فيه دة قبل مـ تحصل حاجة وحشة، وصدقيني جواد مش هيعرف أي حاجة، خليني أساعدك يا ياسمين لو سمحتي!!!
قالت “ملك” بنبرة شبه راجية، لتنظر لها “ياسمين” بتردد، فـ أسرعت “ملك” قائلة بحزن:
– عارفة جواد قالي أيه النهاردة؟!! قالي أنه حاسس أن هو مقصر في حقك أوي من ساعة مـ عمو أتوفى، وأنه هيحاول يعوضك عن وجوده بأي طريقة!!!
رفعت “ياسمين” عيناها بصدمة، لتمتلئ عيناها بالدموع قائلة وهي تمسك يدها:
– بجد يا ملك؟!!! بجد قالك كدا!!!
أشفقت “ملك” عليها، لتقترب منها تجذبها لأحضانه، قائلة بنبرة متأثرة:
– والله قالي كدا يا حبيبتي، بس لو عرف باللي بتعمليه هتبقي خسرتيه العُمر كله يا ياسمين!!!
أنفجرت “ياسمين” في البكاء بأحضانها، لتتشبث بملابسها قائلة بحزن:
– غصب عني أنا حبيته أوي، وهو عوضني عن الفراغ اللي كنت عايشاه!!!
تنهدت “ملك” مربتة على ظهرها قائلة بحنان:
– هو بيحاول يعوضك عن النقص اللي عندك في موضوع الأهتمام دة، لحد مـ تبقي في إيده، وياخد اللي هو عايزه ويمشي!!!
