حافية على جسر عشقي بقلم سارة محمد الجزء الثالث
أغتصبت “ملك” أبتسامة صفراء قائلة بإقتضاب:
– متقلقيش يا عمتو هقعد في شقة الزمالك مع دادة فتحية..
نظرت لها بضيق لتلتفت إلى “رقية” و “باسل” قائلة بقنوط:
– و أنتوا موافجين على اللي هي بتجوله دة؟!!!
ردّ “باسل” بضيق:
– أيوا يا عمتي أنا و ظافر موافقين، ملك لازم تكمل جامعتها وتطلع دكتورة زي مـ هي عايزة..
لتقول “رقية” بإرتباك:
– مدام ظافر و باسل وافجوا يبقى خلاص يا سُمية..
أومأت “سُمية” بعدم أقتناع لتردف “ملك” بجدية:
– أنا هطلع أحضر شنطة هدومي بعد اذنكوا…
قالت “رهف” بإبتسامة لتنهض خلفها:
– أستني يا ملك أنا جاية معاكي..
صعدا الفتاتان إلى غرفة “ملك” لتتجه “رهف” إلى الفراش جالسة عليه قائلة بحزن:
– يعني أنتِ كمان هتسيبيني يا ملك زي ملاذ..
جلست “ملك” بجانبها لتقول بمرح تخفي خلفه حزن ليس له نهاية:
– يا بكاشة أنا هقعد أسبوع ولا أتنين وهاجي أزهقك تاني متقلقيش…
أبتسمت لها “رهف” لتقول:
– ماشي يا لوكا يلا أما نجهز شنطتك..
• • • •
وصل “ظافر” لشركته ليتابع الصفقات التي تنهال عليه، رفض الكثير وقبِل منهم أيضاً، لاحظوا الموظفون غضبه و مزاجيته و عنفه معهم، ليصل “باسل” فوقف أمام مكتبه قائلاً بغرابة:
– مالك يابني أيه العصبية اللي أنت فيها دي، وبعدين ملاذ أزاي تسيبك تنزل من تاني جواز؟!!!
رفع بصره له لينظر له نظرات نارية و هو يقول بحدة:
– باسل.. أسمها مراتك او أي حاجة تانية لكن ملاذ حاف كدا لاء!!!
أبتسم “باسل” ليجلس و هو يقول :
– يآآآه يا ظافر عيشت وشوفتك بتحب أوي وكدة!!!!!
زفر بحدة ليتابع النظر إلى الأوراق التي في يده، قائلاً بجدية:
– صفقة السلاح اللي جاية من إيطاليا أخبارها أيه..
نظر له “باسل” بضيق قائلاً:
– بتسألني أنا ليه أسأل جواد.. ظافر أنا خايف عليك بلاش الصفقات ال**** دي بقا لو سمحت..
نظر له بملل لينهض، ألتفت له ليجلس أمامه قائلاً بسُخرية:
– يابني بطَل عبط بقا، الصفقات **** دي هي اللي عملتلنا أسم..
هتف “باسل” بحدة:
– أنت عارف أخرتها كويس اوي يا ظافر!!!!!
-أخرتها أيه مثلاً؟ الموت؟ طب وأيه يعني كلنا هنموت..
– أخرتها غضب ربنا عليك، أخرتها هتخسر كل اللي حواليك.. أنا كأني شايف أبويا قدامي يا ظافر، أنت خدت منه كل حاجة، قسوته و أنانيته، أبوك مكنش مهتم غير بالشغل والفلوس، كل أعماله كانت مشبوهة، قلبه كان ميت من كتر البلاوي اللي كان بيعملها، شوفت أخرتُه كانت أيه؟!!! سرطان كان بياكل في جسمه لحد مـ قضى عليه تماماً، أنا متأكد أنه دلوقتي بتمنى يرجع للدنيا لحظة واحدة بس عشان يكفر على الذنوب اللي عملها، فكر في كلامي كويس، أنا رايح لشركتي بعيد عن صفقاتك.. سلام!!!!
