حافية على جسر عشقي بقلم سارة محمد الجزء الخامس
نظرت له والدته بعتاب لتقول:
– تمشي تروح فين يا مازن دي البنية دايبة فيك وبتعشجك أنت معذور لما مكنتش موچود كنت بحس أنها چسم بيتحرك بس روحها وجلبها وعجلَها كانوا معاك، دة أنت لما چيت عينيها لمعت زي النچوم، أنا هجعد معاها وهلين جلبها نحيتك شوية وبعدين أنت تروح لمرتك وتاخدها في حضنك حتى لو غصب عنها، ماشي يا مازن؟!!!
أغمض عيناه مستنداً برأسها داخل كفيه لتربت هي على كتفه، نهضت حاملة “يزيد” ثم أراحت جسده الصغير في محلها جوار “مازن” لتسير مبتعده عنهم تدلف خارج الغرفة، نظر “مازن” إلى “يزيد” يتأمل ملامحه المشابهة لها كثيراً، بدايةً من الخصلات البنية مروراً بالأنف و الشفاة الصغيرة، نهص ليفتح النافذة ثم عقد ذراعيه معاً ينظر من خلالها بشرود..
• • • •
دلفت “رقية” لغرفتها دون طرق الباب، لتخط بخطواتها نحوها ترمقها بعطفٍ لشهقات بكائها التي تمزق القلب، جلست جوارها على طرف الفراش لتمسد على خصلاتها و هي تراها لازالت على حالها، لتهتف قائلة بشفقة:
– سامحيه يابنيتي، دة ربنا بيسامح مش هتسامحيه أنتِ ياحبيبتي، صدجيني يافريدة الدنيا جصيرة اوي مش مستاهلة العذاب دة كِلياته “كله”، مازن مش وحش للدرچة دي، مازن بيحبك والله أبني و حافظاه لمعة عينيه ولهفته عليكي بيجولوا أنه بيحبك، أستهدي بالله وسامحيه يابنتي!!!
رفعت “فريدة” رأسها لتنظر لها والدموع تملأ حدقتيها بوجهٍ أحمر وشفتين ورديتين ترتجف بقوة، لتردف قائلة بحُرقة:
– مازن أتأخر أوي ياطنط، جه بعد مـ أنا كرهته خلاص ومبقتش قادرة اسامحه على اللي عمله معايا زمان، صدقيني الوقت فات اوي ومش هيرجع تاني!!!!
تنهدت “رقية” من عِناد تلك الفتاة، لتربت على كتفيها وهي لا تريد الضغط عليها أكثر ثم قالت:
– براحتك يابنتي، بس أنا بجولك اهو دلوكتي هتندموا على الأيام اللي بتفوت دي!!!!!
ثم تركتها وذهبت بقلة حيلة لتعود لمازن الذي وقف يُنفث دخان سجائره، ألتفت لها سريعاً يهتف بلهفة:
– قالتلك أيه يا أمي!!!!
أطلقت زفيراً حانقاً على حالهم، لتقول بإيجاز:
– دماغها صعيدية كِيف “زي” دماغنا!!!!!
بعد أن أُنيرت عيناه بشعله عاشقة، عادت مُنطفئة مجدداً ليُلقي بلُفافة تبغه من النافذة بعنف، ثم أطاح بالمزهرية أرضاً لينتفض جسد الصغير بعد أن كان غارق بالنوم، صرخ “مازن” بحدة بوجه والدته:
– هي أيه بقا مش هتبطل عِنادها دة أعتذرتلها و قولتلها نبدأ صفحة جديدة مع بعض بردو مافيش فايدة فيها!!!!
