حافية على جسر عشقي بقلم سارة محمد الجزء الخامس

نظر لها بلُطف ليقول:
– لاء ياحبيبتي خليه!!!
نفت سريعاً قائلة وهي تمسح دمعاتها:
– لاء أطفيه يا جواد وأنا معاك مش بخاف من حاجة!!!

أنثنى بثغره مقبلاً جبهتها قبلة مطولة أغمض بها عيناه، ثم حملها بذراعٍ واحد بسهولة و أغلق الأنوار، ليتجه إلى الفراش، جلس وهي بأحضانه ليجعلها تجلس على قدميه، ثم أمسك بذراعيها وحاوط بهما عنقه لتستند برأسها على كتفه العاري، لتهتف بخجلٍ:
– جواد خليني أنام على السرير عادي!!!

أردف بحزمٍ:
– من هنا ورايح مش هتنامي غير في حُضني كدا!!!!

نظرت لعيناه الخضراوتان قائلة:
– أنا بس مش عايزة أبقى تقيلة عليك!!!

أبتسم بسُخرية قائلاً:
– تقيلة مين بس دة أنت عاملة زي الطفلة، والله أنا لو واخد بنت أختي اللي لسة مجاتش في حُضني كانت هتبقى تقيلة عنك!!!!

أستندت برأسها على عنقه، ثم طبعت قبلة على كتفه ليبتسم هو بعشقٍ، و أنامله تصعد و تهبط على ظهرها، في لمساتٍ جعلتها تغرق في النوم، ليبقى هو فاتحاً جفنيه لم يزُره النوم، ليتمتم بنبرة قاسية مُرعبة:
– المرض رحمُه مني!!!!!

• • • •

– بقالكوا 3 شهور مش عارفين تلاقوا مراتي، الأرض أنشقت وبلعتها يعني!!!!
هتف “باسل” و هو يضرب بكفيه على مكتب الضابط أمامه، ليزفر الأخر بضيق قائلاً بعقلانية:
– يا بيه أهدى لو سمحت و أقعد نتكلم!!!

زمجر “باسل” ليجأر به بقسوة:
– أهدى!!!! أهدى و أنا مش عارف مراتي و أبني اللي في بطنها فين، أكتر من 3 شهور مش عارف حتى إذا كانت عايشة ولا حصل فيها حاجة، مش عارف بتاكل وتشرب منين و أنا هنا متكتف مش عارف أعمل حاجة و لا أنتوا عارفين تلاقوها، متقوليش أهدى عشان مهدِش القسم دة على دماغكوا!!!!

نفذ صبر الضابط لينهض هادراً به بعنف شديد:
– بقولك أهدى يا باسل بيه عشان نتفاهم مراتك أنا بدور عليها بنفسي من 3 شهور و قوى بحالها بتحاول تلاقيها مش موجودة في أي حتة أحنا مش ناقصين غير أننا نخبط على البيوت ندور عليها!!!!

مال “باسل” بجزعه للأمام واضعاً كفيه على المكتب ليكُن في مواجهته، يهتف بنبرة مخيفة:
– لو وصلت أننا نفتش البيوت عليها، نعمل كدا!!! مش دة شغلكوا!!!

ضرب الضابط كفيه معاً بقلة حيلة، ثم جلس على مقعده ليُضيق عيناه قائلاً:
– يا فندم المدام بخير أكيد أهدى بس أحنا مش ساكتين بندور عليها في كل حتة بس مش لاقيينها صدقني، مافيش حل غير أنها ممكن لا قدر الله حصلها حاجة و جثتها مش موجودة!!!!!