حافية على جسر عشقي بقلم سارة محمد الجزء الأخير
تنهدت “ايناس” ودموعها تنهمر على وجنتيها، تردف بحنو:
– مش عارفة كنا هنعمل أيه من غيرك يا ملك، لولا أنك اتدخلتي ومنعتيها كان الله اعلم ايه اللي هيحصل، متشكرة يابنتي، جميلك دة مش هعرف اردهولك أبداً!!!!
أسبلت عيناها بحُزن قائلة:
– جِميل أيه بس يا طنط دي أختي، أنا بس مصدومة من اللي جواد عمله، هو حتى مسمعهاش، مسمعنيش انا ع الاقل، انا حاسة انه مش هو دة اللي انا حبيته واتجوزته!!!!
– هو جواد طول عُمره كدا، لما بيغضب بيتحول لشخص تاني، انا نفسي بحس إني معرفهوش!!!
تنهدت “ملك” بضيق، لتطلب منها “إيناس” الذهاب لغرفتها للأرتياح فذلك اليوم كان شاق عليهم جميعاً، رفضت “ملك” قائلة:
– لاء يا طنط أنا هقعد معاكي لحد م أطمن على ياسمين، أنا أصلاً مش عايزة اشوفه..!!
هتفت “إيناس” قائلة:
– لاء يا حبيبتي روحي أرتاحي ومتقلقيش عليها، و ألتمسيله العُذر يا ملك، أي حد في مكانه كان هيعمل كدا!!!
هتفت بعصبية طفيفة:
– عُذر أيه بس دة كان هيموت اخته!!!
– بعد الشر يارب مشوفش فيكم أي حاجة وحشة، انا عارفة جواد مستحيل يوصل للدرجة دي، وانا عارفة أنه دلوقتي عايز ييجي يطمن عليها بس مش قادر، متزوديهاش عليه يا ملك يابنتي، يلا يا حبيبتي روحي أرتاحي!!!
نهضت “ملك” بعدم أقتناع بما قالته، ثم ذهبت لغرفتها، وجدته جالس على إحدى المقاعد واضعاً رأسه بكفيه، تجاهلته تماماً لتذهب إلى فراشها، متدثرة اسفل الغطاء، ولكنها سمعته يقول بصوتٍ لمس قلبها:
– مش كُنتي عايزاني اسمعك، أنا سامعك!!!
نهضت جالسة، تقول ببرود:
– بجد؟!! دلوقتي حضرتك اتكرمت عليا وعايزني احكيلك اللي حصل!!! بعد أيه!!! أنت مستحيل تكون جواد اللي أنا حبيته!!!
نظر لها بعيناه الخضراوتان، لتنهض واقفة أمامه قائلة بعينان تبرقان من الدموع:
– جواد الي كنت بترمي في حُضنه و انا صغيرة عشان خايفة من بابا، جواد اللي كان دايماً حنين عليا و عُمره مـ أذاني، مستحيل تكون انت نفس الشخص!!!!
النهاردة فكرتني بـ بابا لما كان يحبسني و يضربني بالحزام وانا لسة طفلة صغيرة، عارف ليه؟!، عشان دايماً كان بيضرب ماما، و كل اخواتي كانوا يقفوا في وشه، وكان يحبسنا كلنا وينزل فينا ضرب معادا ظافر، عشان ظافر كان بيعمله مصالحه، و ظافر هو اللي كان بيخرجنا من الاوضة دي، كان بيشيلني من تحت إيده و أنا غرقانة في دمي، كنت بصرخ نفس صراخ ياسمين، حاسة إني شايفة بابا قدامي، مش جواد، بابا اللي إيده متلطخة بالدم، بقيت زيُه بالظبط!!!!!
