عشق الرجال بقلم سارة مجدي ج5

– صباح النور يا بنتى …. أنتِ فى بيتك يا بنتى أعملى إللى تحبيه

لتبتسم ورد بسعاده وانحنت تقبل يد وداد وقالت

– شكراً يا ماما … وأنا هعملك فطار وغدا تكلى صوابعك وراهم

سحبت وداد يدها سريعاً وهى تقول بلوم

– ليه يا بنتى كده بس … ربنا يبارك فيكى … أنا واثقه أن الأكل هيبقى تحفه

وكان هو يتابع ما يحدث من بعيد بسعاده لا توصف أن وردته آثرت أمه بعطرها الأخاذ وكم هو فخور بها

••••••••••••••••••••••••••••••••••••••••••••••••

جلس نديم وخالد فى ذلك المكان الذى تقابلا فيه أول مره بعد غياب خمس سنوات كان خالد ينتظر حديث نديم لكنه ظل صامت ليقول خالد بنفاذ صبر

– ما تفهمنى يابنى أيه إللى فى دماغك

أبتسم نديم وظل صامت ينظر إلى صديقه لعدة ثوانى ثم قال

– شوف يا خالد أنا باتصالاتى عرفت قد أيه أندورا بيكره الاسدى … وفرح جداً أنه مات وكمان عرفت أنه كان مخطط يقتل حمزه بس بأسلوبه و إللى حصل سبقه

صمت لثواني ثم قال

– الجديد بقى أن فى شخص جديد أنضم للمافيا من حوالى شهرين والشخص ده بيتم تجهيزه علشان يكون أيديهم هنا

وابتسم إبتسامه صغيره لكنها تحمل فى طياتها خبث كبير ليقول خالد مستفهما

– والشخص ده مين ؟

ليأخذ نديم نفس عميق وهو يقول

– الشخص ده عميل فى المافيا برضوا بس سلاح …. وكده بقى نقدر نقول إن فى تحالف بيحصل وده مش فى مصلحتنا

ليقول خالد بشىء من العصبية

– ونزول أندورا ده هيفرق فى أيه دلوقتى … أنا كنت عايز اقبض عليه كنت فاكر أنه الكبير لكن كده المواضيع بتكبر

لتظل إبتسامة نديم تزين وجهه ثم قال

– أندورا مش نازل لوحده …. متقلقش كله تحت السيطرة .

كان خالد يشعر بعدم الفهم وعدم الراحه أيضاً ولكنه يثق فى عقل نديم وتخطيطه وخاصه مع تلك النظرة التي يراها فى عينيه

••••••••••••••••••••••••••••••••••••••••••••••••

كان جالسا خلف مكتبه حين دلف سليمان إليه وهو يقول

– أنت مريح روحك وقاعد هنا وسايبنى أنا لابس المشروع لوحدى

نظر إليه كامل باندهاش وهو يقول

– والله كل واحد فينا وله شغله أنا بصمم على الورق وحضرتك بتنفذ

ليجلس سليمان قائلاً بضيق

– أنا عايز أجازه محتاج أنا و حور نسافر مكان بعيد عن هنا محتاجين نبنى حياتنا من الأول

وقف كامل وتحرك من خلف مكتبه ليجلس على الكرسى المواجه لسليمان وقال