عشق الرجال بقلم سارة مجدي ج5

دلف إلى الغرفه وجلس بجانبها كانت صامته تماماً كلوح ثلج قال بصوت يملئه الألم

– نجاة ارجوكى اسمعينى

لم يصدر منها أى ردة فعل ليبدء هو فى قص كل ما حدث معه هو ومها وفى النهاية قال

– نجاة أنا كنت مجروح وشايف كل الستات خاينين كنت شايف كل الناس مها أنا آسف على إللى حصل منى من أول يوم ارتبطت بيكى وآسف على إللى حصل النهارده

ظلت صامته تنظر إلى الأمام ثم قالت

– ببساطه كده تقولى آسف فا أنا أقولك ولا يهمك متشغلش بالك ونعيش وكأن ولا أى حاجه حصلت وكأنك مثلاً دوست على رجلى مش على كرامتى

كانت نظراته تائه راجيه لتقف هى أمامه وقالت بصوت عالى

– أنت عارف …. أنا بكرهكم كلكم … كلكم خونه … كلكم صنف واحد

كانت تنظر إليه ودموعها تملئ عينيها …. ولكنها قالت

– أنت إللى جبان … أنت إللى ضعيف … ربنا مخلقناش خونه … زى ما مخلقكوش عنيكم زايغه

اقتربت خطوه وهى تقول بقوه لا تعلم من أين لها بها

– أنت جبان … اتجوزتنى ليه وأنت ناوى تظلمنى …. اتجوزتنى ليه وأنت ناوى تعيشنى فى ذل ومهانه … اتجوزتنى ليه وهى لسه جوه قلبك… أنا نفسى انكسرت … روحى شاخت … قلبى مات …. وكله منك … طول عمرى بحلم بالبيت إللى هبنيه وأعيش فيه ملكه. .. وفى قلب شريكى ميكونش فى غيرى … أحس أن فى حد بيحبنى من قلبه بجد وأن أنا عنده الدنيا كلها … حلمت أنى أحس بأهميتى … منك لله … أنت دمرتنى .

لتسقط أرضاً تبكى بحرقه وألم

كان ينظر إليها وهو يستمع لكلماتها التى تشبه النصال الحاده التى تنغرز فى قلبه دون رحمه وشفقه … انهيارها الأن كان يتوقعه منذ تزوجها ……. وأيضاً حضور مها وتلميحاتها التى لا تخفى على أحد مع تاريخهم سوياً كل ذلك يجعلها تقول أكثر من ذلك …كان يتابع رعشة يديها جسدها الذى ينتفض من أثر البكاء وقوته جعلت عيناه التى لم تعرف للدموع طعماً يوماً تزرفها بقوه الأن … ليجثوا على ركبتيه أمامها وهو يقول

– أنا كنت ميت وعلشان كده مقدرتش احيكى … كنت جسد من غير روح … وعلشان كده سجنت روحك … كنت خايف وترجمت خوفى بأنى اقهرك … بس كل إللى حصل بينا كوم وإللى مها كانت عايزه توصله ليكى كوم تانى مها ملهاش مكان فى قلبى اقسملك بالله ….. من أول ما بقينا فى بيت واحد وأنا اتعلقت بيكى وما بقتش بفكر فى حد غيرك