عشق الرجال بقلم سارة مجدي ج5

– مين إللى قتل سعد ؟

انتفض رامز وهو يقول سريعاً

– مش أنا والله ده غيث بعد ما أكتشف أنه كان بيعمل شغل لنفسه ولأندورا من وراه

ظل خالد ينظر إليه بصمت ليكمل رامز قائلاً

– أصله قتل الست إللى كان مرافقها وطلع جوزها أخو الدكتور إللى غيث قتله وكمان هو إللى أدى لأندورا نسخه من الملف إللى كان فيه كل المعلومات إللى تخص العيلتين وكان بينفذ أوامر أندورا إللى كانت ديماً عكس أوامر غيث

كانت الخيوط تتجمع فى يد خالد الأن وكان هذا الرامز يحركه خوفه من نديم عليه أن يشكر نديم على ما فعله به

ترك خالد ملابسه وربت على كتفه بقوه ليتأوه رامز بشده لتتسع إبتسامة خالد الباردة ثم قال بصوت ثلجى

– عجبتنى صراحتك وتعاونك معايا ولو فضلت كده أوعدك تخرج حى من هنا

هز الآخر رأسه سريعاً وقال

– أنا تحت أمرك بس أبوس إيدك من غير ضرب تانى أنا هقولك كل حاجه أنت عايزها

ليبتسم خالد بجانب فمه ثم قال بصرامه

– أنت كنت تعرف مرات الشهيد حمزه منين يلا ؟

لتجحظ عين رامز وينتفض جسده كله برعب وخوف ولم ينطق بحرف ليحركه خالد بعنف و هو يقول

– انطق يالا بدل ما ادفنك حى مطلعش شياطينى

لترتعش شفاه رامز فى محاوله لإخراج الحروف وقال بصوت ضعيف

– والله ما كنت أعرفها أندورا هو إللى جابلى كل حاجه تخصها وطلب منى أعمل كده

– وعملت أيه بقى يا روح أمك ؟

ليقص عليه كل ما حدث مع علياء وكيف بدء يجذب انتباهها له وإلى حديثه و كيف بدء بسحبها إلى التجاوب معه وإلى أين وصلوا

– لكن الشهاده لله هى ست محترمه يمكن حودت شويه عن الصح لكن كتير كانت بتبقى عايزه تتراجع وتقطع كلام لكن أنا إللى مكنتش بديها فرصه وكمان عمرها ما تجوزت فى الكلام

ليرفع خالد قدمه ويضربه فى صدره بقوه وهو يقول

– أومال التسجيلات الصوتية دى أيه

تأوه رامز بشده ورأسه مستريحه أرضاً يرى فقط حذاء خالد قال باستسلام للألم

– كان مجرد كلام عادى والتسجيل إللى فيه كلام مش تمام ده تركيب علشان أوهم جوزها أننا كنا بنتكلم فون كمان

أشتعلت نار حارقه داخل صدر خالد ليضربه بقوه بقدمه فى معدته ثم بصق عليه وغادر سريعاً

كان نديم يجلس خارج المخزن على صخره كبيره ينتظر خروج خالد الذى جلس بجانبه بصمت نظر إليه نديم وقال

– أيه الخطوه الجايه ؟

نظر خالد إليه ثم قال

– عايز حراسه جامده عليه …. وبلاش ضرب أحنى لسه محتاجينه .