حافية على جسر عشقي بقلم سارة محمد الجزء الرابع

وجدته يتقدم منها بعصبيه واضعاً كفه على فمها و الأخر أمسك به بعنقها من الخلف هادراً بغضب:
– أفصلي شوية أيه راديو يخربيتك!!!!!

جحظت بعيناها لتضع أناملها على كفه الخشن تحاول إبعاده ولكنه ظل شارداً بها، بعيناها الواسعة وبشرتها البيضاء، خصلاتها التي لأول مرة يراها منذ أن كبرت، كم أصبحت طويلة تصل لِما بعد ظهرها، و تلك الكنزة الخفيفة الملتصقة بها، مع بنطال من نفس اللون الأبيض ذو نقشات بسيطة، ليتصاعد بعيناه إلى عيناها المرتعدة، لينزع كفه ماسحاً على وجهه، ليُمسكها من كتفيها يجلسها على الفراش، ثم جلس بجوارها ممسكاً بكفيها معاً، يردف بهدوء وصبر:
– أنا اللي هقولهولك دة صعب، أنا عارف أنك مش هتستوعبيه، بس أنتِ لازم تعرفيه يا ملك..

خفق قلبها بعنف لتردف بخفوت:
– في أيه ناوي تقولي سر من أسرار الدولة ولا حاجة؟!!!

جمد وجهه ليقرب وجهه من وجهها هامساً:
– الموضوع كبير ومتهزريش فيه..

أبتعدت عنه زامة شفتيها قائلة:
– طب قول يا جواد عشان وضعنا دة مش تمام و أنا قاعدة قدامك كدا بالبيجامة!!! قول بسرعة بقى و أمشي!!!!

أومأ متنهداً بتفكير كيف سيُخبرها، لينطق بعد ثوانٍ:
– ملك أنتِ مراتي، من و أنتِ صغيرة ظافر و أخواتك كلهم صمموا أني أكتب عليكي، لما كانوا بيشوفوا أنا بعاملك أزاي و أد أيه انتِ متعلقة بيا، وقتها كان عندك حوالي 10 سنين ومكنتيش فاهمه حاجة، طبعاً اللي حصل دة كان غلط لأنه يعتبر جواز قاصرات عليه سجن وحُكم، بس طبعاً مكنش في حد يقدر يتكلم أصلاً مع عيلة الهلالي، كل عيلتك وعيلتي عارفين أنك مراتي بس خبوا عليكي وقالوا نصبر شوية ونقولك، بس أنا مقدرتش وقولت أنك لازم تعرفي بـ دة!!!!!

وثبت “ملك” من على الفراش تبتعد عنه لتترقرق عيناها بالدموع قائلة بنفيٍ تام غير مستوعبة ما يحدث:
– أنت كداب، مستحيل أهلي يعملوا كدا أنت بتكدب يا جواد!!!!

ثم أشارت إلى الباب قائلة بصراخ و أنهيار أقلقه عليها:
– أطلع برا البيت، أطلع مش عايزة أشوفك تاني !!!!

نهض يقترب منها محاولاً لمس وجنتيها في محاولةً منها لتهدئته لتنفض كفيه صارخة به بجنونٍ:
– أبعد عني متلمسنيش إياك تلمسني، أنت مش جوزي يا جواد مش جوزي!!!!

دلفت “فتحية” بقلق لتقول بتوجسٍ:
– في أيه يا بنتي!!!!

ركضت لها “ملك” ممسكة جلبابها تقول في بكاءٍ ينفطر له القلب:
– ألحقي يا دادة بيقولي أنه جوزي وأن أهلي جوزوني ليه و أنا 10 سنين، دادة أنتِ أكيد كنتي موجودة ومافيش حاجة من الكلام دة حصل، قولي له يا داداة أني مش مراته!!!!!