حافية على جسر عشقي بقلم سارة محمد الجزء الرابع

• • • •

أفاقت “ملاذ” من نومها بعينان متورمتان من شدة بكاءها، لتنهض من على الفراش بخطوات خفيفة مرتجفة، ثم فتحت باب الغرفة بحذر حتى لا يسمعها، أطلت برأسها على بهو الشقة فلم تجده، أتجهت نحو الباب الخارجي لتحاول فتحه، ولكنها وجدته موصد بالمفتاح، سمعت صوته الساخر خلفها قائلاٌ ببرود:
– متحاوليش!!!!مش هتعرفي تهربي مني!!!!

وقع قلبها أرضاً لتتقاذف الدمعات من عيناها بقوة تُغمضها بيأسٍ، لتلتفت له تطبق على عيناها بيأسٍ ترفض رؤيته، ثم فتحتهما بعد مدة لتجده يقف أمامها مربعاً ساعديه أمام صدره، لتقترب منه واضعه سبابتها على صدره، غارزة ظفرها بقميصه الأسود، قائلة بنبرة قوية رُغم عيناها التي أُغرقت بالدموع الساخنة:
-أنا همشي من هنا، بمزاجك أو غصب عنك همشي ومش هتشوف وشي تاني، و كُل واحد يروح في طريقه!!!!

أبتسم بسُخرية شديدة ليمسك أصبعها برفق، ثم قبض على كفها بأكمله وأمسك بكفه الأخر كفها المتحرر أيضاً، ثم أرجعهما وراء ظهرها ليلصقها بصدره قائلاً بنبرة مخيفة:
– طب حاولي كدا تخطي عتبة الشقة و أنا هـ!!!!!

قاطعته بصراخٍ باكٍ:
– هتعمل أيه يا ظافر، هتضربني تاني ولا هتبوسني بالعافية و أحتمال تجبرني على حاجات تانية مش كدا

أرخى قبضته عن ذراعيها ليقول بنبرة هادئة أستشعرت بها الحنو:
– أنا مكنتش أقصد أمد إيدي عليكي!!!!

ثم أكمل بتنهيدة:
– و أنتِ عارفة أني مستحيل أجبرك على حاجة زي دي!!!!!!

أرتدت مبتعدة عنه لتضربه على صدره مردفة بغضبٍ:
– أومال كنت بتبوسني بالعافية ليه!!!! رد عليا!!!!

أمسك بكتفيها يهزها بصراخٍ عال:
– عشان أعاقبك!!!! أعاقبك على اللي أنتِ قولتيه، عشان أثبتلك أنك ملكي وكل حاجة فيكي بتاعتي أنا ومش هسمحلك تجيبي سيرة الطلاق أبداً مرة تانيه لو قولتيها تاني هكرر اللي عملته مرة تانية!!!!!

عادت برأسها للوراء تطالعه، ملامحه المشدودة بقوة، عيناه القاسية والتي لم تعد ترى بها ذلك الدفئ الذي دائماً ما كان يغمرها، حتى صوته الذي أصبح أغلظ، لا ترى به ذلك الحنو الذي كان يطمئنها، لتردف بنبرة شبه باكية:
– أنتَ مين؟!!!!!

دُهِش من سؤالها لتُكمل بصوتٍ جعله يتمنى لو أن يق/تل نفسه:
– مش أنت اللي أنا حبيته، مش أنت اللي أتجوزته و أنا عارفة أنه مش هيزعلني ومش هيخليني أنام معيطة كل يوم ومش هيطفيني وهيدفن روحي، مش أنت ظافر اللي كنت مطمنة معاه وبحس أن محدش هيقدر يأذيني و أنا في حضنك، طلعت أن أنت اللي بتأذيني، مش أنت اللي عينك كانت كلها حنان و حُب ليا، أنت مش ظافر، أنت تاجر سل*اح بتق/تل وبتنهب وبتضُر بلدك بأقذر الطرق، و بتضربني وبتحبسني هنا بالغصب، ليه وصل بينا الحال لكدا؟!!! طب أنا أذيتك في أيه عشان تأذيني بالطريقة دي!!! ليه يا ظافر؟!!!!