حافية على جسر عشقي بقلم سارة محمد الجزء الرابع
ألتفتت لها “فتحية” لتضربها على رأسها بخفة قائلة بمزاحٍ:
– يابت جولي صباح الخير الأول!!!!!
زمت شفتيها بعبوس لتعود مبتسمة قائلة وهي تشرأب برأسها تنظر للأواني أمامها:
– صباح الخير ياقمر..
ضربت “فتحية” كف على الأخر قائلة بحسرة:
– البت أتچننت..
ثم أكملت بصرامة زائفة:
– اوعي يابت عشان أحضرلك الفطار جبل مـ تمشي..
خرجت سريعاً من المطبخ ت قائلة بصوتٍ عالي حتى تسمعها:
– لاء يا دادة أنا همشي مش عايزة أتأخر على المحاضرة بتاعتي..!!!وبعدين ريم مستياني تحت البيت…
خرجت “فتحية” راكضة ورائها تقول:
– أستني يا ملك..!!!!
ألتفتت “ملك” لها قائلة بإهتمام:
– أيوا يا دادة؟!!!
أقتربت “فتحية” منها تقول بحذرٍ وهي تربت على كتفيها:
– خلي بالك يابتي أنا مش برتاح للي أسمها ريم دي أبداً!!!!!
قطبت”ملك” حاجبيها بغرابة لتسألها:
– طب وأنتِ تعرفيها منين يادادة؟!!!!
– أنتِ ناسية يابتي أنها كانت بتچيلك القصر، و أنا كنت بحس أنها بتيچي عشان تلعب على مازن أخوكي..بلاش ياضنايا الصاحبة اللي زي دي!!!!!
أعتقدت “ملك” بأنها تتوهم سلوك صديقتها الحبيبة، لتقول بسذاجة:
– يا دادة دي ريم دي حتة سُكرة وجدعة أوي!!!!، وعلى العموم متقلقيش أنا هاخد حذري منها.
• • • •
تأففت المدعوة “ريم” بغلٍ لتقول بنبرة مليئة بالحقد المتوقد بنيران مستعرة داخلها:
– يا ساتر أما باردة بشكل!!!! هفضل واقفة مستنية الهانم كدا!!!! يلا إن كان لك عند الكلب حاجة قوله ياسيدي، أهي بتوصلني بعربيتها ورحماني من المواصلات وقرفها!!!!!!
وجدتها تخرُج من البناية لتصتنع إبتسامة صفراء على الفور، ثم إتجهت لها لتحتضنها بحُبٍ زائف قائلة:
– وحشتيني أوي يا لوكا!!!!! عاملة أيه يا حبيبتي!!!!
بادلتها “ملك” العناق على الفور لتقول ببراءة حقيقة:
– انتِ كمان يا ميمو وحشتيني أوي والله!!!!
أبتسمت “ريم” لتبتعد قائلة بعجالة:
– طب يلا بقا بسرعة عشان منتأخرش ع المحاضرة.. العيال بيقولوا ان الدكتور أتغير وجِه مكانه دكتور سخيف جداً مش بيرحم حد!!!!
قطبت حاجبيها بإنزعاج لتتجه لسيارتها قائلة بضيق:
– أصلاً المادة صعبة وكمان يجيلنا دكتور يكرهنا فيها أكتر!!!!! يلا أركبي..
أستقلتا السيارة لتقود “ملك” سريعاً..!!!
وصلا للجامعة لتصف “ملك” سيارتها، ثم ترجلتا منها ليتجها معاً للداخل، شعرت “ملك” ببطنها تؤلمها من شدة الجوع لتقول إلى “ريم” سريعاً:
– بقولك أيه يا ريم أنا مفطرتش..روحي أنتِ المحاضرة بسُرعة و أنا هجيب حاجة من الكافتريا أكلها على طول مش هتأخر..
