حافية على جسر عشقي بقلم سارة محمد الجزء الرابع
ثم أبتسم بسُخرية مكملاً:
– قالي إن أهم حاجة في الدنيا دي الفلوس، و أننا مخلوقين عشان نعمل فلوس مهما كانت الطريقة دي، قالي أني لازم أطلع زيه، لأنه شاف فيا القسوة بتاعته، واخدت نفس عينه و فيا من طباعه اللي بحاول أغيرها دلوقتي!!!!
سقطت الدموع من عيناها لتحاوط وجهه قائلة بحزن:
– طب و أيه الحاجة التانية؟!!!
– قالي أوعى في يوم تآمن لواحدة ست، الستات أتخلقوا عشان يخدمونا، كلهم خاينين وطماعين، وبيجروا بس ورا الفلوس!!!!، غرس فيا ده!!!! عُمره مـ حب أمي!!! كان بيحب قبلها واحدة، بس خانته مع صاحبه، كان كل يوم يضرب أمي قدام عيونا، كان بيعمل فيها حاجات بشعة و زبالة!!!! عارفة وقتها أنا وعدت نفسي أني عُمري م هعمل كدا مع مراتي أو مع أي واحدة، وقتها خدني أشتغل معاه في صفقاته ال****، كان بيعلمني تجارة السل*اح بس، وفعلاً بقيت أحسن منه في وقت قصير، وقتها أمي قالتلي كلام عُمري م أنساه!!!، عيطت وقالتلي أني هبقى نسخة من أبويا، و أني هطلع أسوأ منه كمان!!!!، كل مرة تقولي بلاش تضيع نفسك، بلاش تبقى زي أبوك، كنت ببقى عايز أبعد فعلاً وأسيب تجارة السل*اح بس مكنتش بقدر، لما كنتِ صغيرة وجيتي عشان تاخدي منه فلوس و هو حبسك في الأوضة اللي أتحبسنا فيها كلنا بداية مني حتى ملك كانت تقعد تعيط عشان يطلعها وهي صغيره و مكنش بيوافق، حتى أمي لما كانت تفتح بؤها كان يضربها ويحبسها هي كمان في أوضتهم!!!!!، أنا بس اللي كنت بخرج ملك لأن هو مكنش يقدر يرفضلي طلب، و لما أنتِ أتحبستي وقتها حسيت أن قلبي واجعني و أنا سامع صوتك، ولما طلعتك و أغمى عليكي قدام عيني قلبي وقع في أرضي، عارفة يا ملاذ قولت أيه وقتها في سري، قولت أن هيبجي اليوم اللي تبقي مراتي فيه ..لحد م أتجوزت مريم، أتجوزتها عشان أبويا و أبوها كان بينهم مصالح، وطبعاً أختارني أنا عشان مريم كانت بتحبني من زمان، بس انا عُمري مـ حبيتها، دورت عليكي كتير بس مكنتش بلاقيكي، ولما شوفتك في الشركة أول مرة كأن روحي رجعتلي، لما الزفت سالم دخل وكان هيضربك الدم غلي في نافوخي، كنت أكبر كداب لما قولتلك أني مضربتوش عشان سواد عيونك، و أني ضربته عشان مش بستحمل أشوف راجل يستقوى على بنت قدامي، أنا ضربته عشان أستجرأ و رفع أيده عليكي ولما أتهجم عليكي في البيت كنت عايز أقطعه حتت عشان أتجرأ وقرب منك، المهم هكملك أبويا تعب و أبو مريم شركاته فلِست، و أبويا عرف وقتها أن جاله سرطان في الدم، كان بينهش في جسمه!!!!! لما مات حسيت أن ضهري أتكسر، متستغربيش أنا فعلاً عُمري مـ حبيته، بس وجوده كان مقويني!!!! أنا مطلعتش تاجر سل*اح عشان أنا عايز كدا، أنا بتاجر في السل*اح عشان أنا متعود على ده، بس كنت خايف، مش خايف من الموت، خايف أني أقابله و أنا كدا!!!!!! ملاذ أنتِ الوحيدة اللي عشقتها، أنتِ اللي حسيت معاها أني ظافر القديم، مش تاجر السل*اح اللي بيق/تل بدم بارد!!! متسيبنيش يا ملاذ، أنتِ نقطة ضعفي!!!!!
