رواية صغيرة في قبضتي بقلم آية عيد الجزء الرابع
جاءت الجدة وهي تنظر لها بحده:انتي مين؟!
سيرين بغرور:ازيك يا تيتة….فين ادم.
الجده بحده:انتي بتتكلمي ليه كدا…. وعايزة ادم ليه.
زين بحده:اطلعي ياسيرين.
سيرين بعصبية:مش طالعة غير لما اشوفه واتكلم معاه.
في غرفة ادم. كان مستلقي علي السرير عاري الصدر، ويحتضن براء من الخلف، ضهرها امام صدره. كانوا مستيقين، وهو قرب من رقبتها يستنشق رائحتها. اما هي كانت تنظر امامها بدون تعابير وجه، ومازالت ترتدي بجامتها.
قال بصوته الرجولي في اذنها: بدأنا نتعود اهو.
سكتت. وهو استغرب سكوتها، ولفها لعنده، حاوط خدها بايده:انتي كويسة؟!
نظرت له في عينه ولم تتحدث.
اتنهد وقال :عارف ان كل حاجة غريبة عليكي، وانتي اكيد مش هتنسي ال حصل.
لقاها مازالت ساكتة. وابتعد عنها وقام قعد علي حرف السرير معطيها ظهره. واخرج علبة سجاءره بضيق، واخرج واحده واشعلها، وبدأ ينفث الدخان. وقال وهو ينظر امامه بضيق:صدقيني يابراء، دا افضل… انا كنت هطلقك يوم الحفلة، ودي كانت هتكون كسرة اكبر بالنسبالك…. انتي لازم تتقبلي وضعك الجديد، الماضي راح ومش هيرجع.
نظرت له وقامت قعدت. واكمل كلامه قائلا :مكنتش هقدر اسيبك معاهم، كانوا هيقتلوكي…. وساعتها كان هيحصل كتير، قرارك انك تكملي معايا، اكدلي تفكيري وانك لازم تبقي معايا انا، بس المرة دي قدام الناس… مش هنعمل حاجة تاني بالسر.
اقتربت منه ووضعت رأسها علي ظهره، تذكرت الفرق بينه معاملته ليها ومعاملة والدها، افتكرت انه حققلها حلمها في ثواني، الحلم ال والدها مكانش قابله.
قالت بنبرة حزينة:ادم.
قال بهدوء:نعم؟!
قالت بتوتر:م ممكن نعيش في الفيلا؟!
اتنهد وقال بضيق:مش هينفع يابراء، حاليا مش هينفع…. لازم اكون الفترة دي مع عيلتي.
سكتت بحزن وضيق. وهو لف لها وحاوط وجهها بايده:حاضر، بس اصبري عليا…. مش دلوقتي…. اهم حاجة دلوقتي تهتمي بجامعتك، ومتفكريش في ال حصل…. افتكري دايما انك ملكيش علاقة بال بيحصل.
نظرت له واتنهد، وبعدين اومأت بخفة.
ابتسم ابتسامة صغيرة،واقترب منها طابعاً قبلة صغيرة علي خدها.
نظر لها قائلا :عايزك ترجعي تضحكي تاني.
وقرص خدها بخفة كأنها طفلة، وهي نظرت له، وفجاة تلقاءيا ظهرت ابتسامة صغيرة علي رثغها، فا قربه منها ينسيها العالم بأكمله.
ابتسم بخفة وتاه في جمال عيونها وابتسامتها، اقترب منها وطبع قبلة خفيفة جدا علي شفايفها…. ابتعد عندما سمع صوت رنين الهاتف.
