رواية صغيرة في قبضتي بقلم آية عيد الجزء الرابع
خليل بغضب: هي مين دي ال تبقي واحدة مننا، انت بتتكلم جد مستحيل اقبل بالبنت دي في القصر.
الجدة بعصبية:مينفعش ياادم البنت دي اكيد سحرتك مينفعش تفضل معانا.
ادم بغضب: بحبها
الكل سكت بصدمة ومذهول من رده.
سهر قربت منه بضيق وحطت ايدها في منتصف صدره :لا يا ادم، من يوم ما ابوك مات وانت قلبك مات معاه…. ازاي تقول انك بتحبها.
نظر لها ادم في عينها وتحدث بنبرة هادية: رجعتني للحياه، خلتني اعرف انام بعد ما كونتش بدوقه…. انا فعلا كنت هكمل الخطة علي الطلاق، بس قلبي ولاول مرة يمنعني…. فكرتني بأبويا لما كان بيقولي انت قاسي يا ادم، حنن قلبك دا شوية وانتي عارفة كدا كويسة عشان كنتي معانا.
رجعت سهر خطوتين للخلف ونظرت للاسفل بصدمة، وهي بتفتكر كلام كامل.
خليل بغضب:ولو، البنت دي مش هتفضل في بيتنا.
ادم نظر له بحده وغضب:هي بيت جوزها، مش في بيت حد غريب.
الجدة نظرت لسهر ال اتأثرت بكلامه فعلا، وبعدين بصت لادم بحده وقربت منه:متنساش انها بنت عدونا، وانت ال هتبقي مسئول عن اي حاجة تحصل.
نظر لها بجمود:وانتي عارفة اني قد المسؤولية كويس.
سكتت الجدة، وخليل بصله:يعني خلاص، هتعمل ال في دماغك…. وهتخلي بنت قاتل ابوك تعيش معانا.
نظر له ادم بحده وقال:ليها اسم…. دا اولا،ثانيا بقي هي هتعيش معانا هنا في البيت وتعاملوها زي جنا ورغد ويستحسن معاملتكم تكون كويسة معاها هي خصوصا.
نظرت له الجدة بحده:دا مستحيل نعاملها كأنها واحدة مننا.
نظر لها بقوة:براحتك بقي، وانا ال عندي قولته.
واتحرك وخرج خارج القصر يكلم زين في حاجة.
الجدة بعصبية:انا مش مصدقة ازاي يعمل كدا.
خليل بضيق:انا كنت شاكك من الاول.
الجدة بضيق:طريقة كلامه كانت بتخليني اشك برضوا انه هيخليها علي زمته…. بس ماشي يا ادم، انا مش هخليك تتهني بيها.
واتجهت لغرفتها، وكانت في نفس الدور مش فوق. خليل اتنهد بضيق، وطلع علي اوضته، وسهر اخدت نفس بضيق وعقلها مشوش، طلعت علي اوضتها. ورغد وجنا وسيف، طلعوا من الحتة ال مستخبين فيها، وكان علي ملامحهم الضيق والاستغراب.
في غرفة براء، دخلت البلكونة ال كانت واسعة ومزينة بأحدث ديكور، وفيها كنب وتربيزة، اتجهت تبص تحت واتصدمت، المكان عالي جدا وكأنها في الدور الخامس…. اتنفست بقوة، لانها اصلا عندها فوبيا من الاماكن المرتفع. ونزلت دمعتها، لان حتي مش معاها تلفونها. ودخلت جوا، وبصت ناحية الباب، قعدت علي الارض جمب الكنبة وهي مستندة عليها، وخبت وشها وعيطت، هي في بست غريب مع ناس غريبة، ومش عارفة حد…. وقاعدة خايفة وزعلانة علي حالها.
