رواية صغيرة في قبضتي بقلم آية عيد الجزء الرابع
فجاة الباب اتفتح، وهي اتخضت بس طلع ادم، كان داخل بهدوء، يضع يده في جيبه واليد الاخري ممسك بها كوب من الحواف به عصير.
رفعت رأسها ونظرت له وهو يقترب منها، ودموعها علي خدها. نظر لها واقترب وقعد جمبها علي الكنبة، لكن هي علي الارض وهو يجلس علي الكنبة. ووضع الكوب علي التربيزة، وشالها من اذرعتها كالطفلة الصغيرة، وقعدها جمبه.
نظرت له بشهقاتها :ا ادم، ارجوك…. انا عايزة امشي.
حرك يده وقربه منها ووضعه علي خدها يمسح خدها اليمين من دموعها بأبهامه قائلا بهدوء:ششش.
نظرت لها قائلة بصوت مبحوح:ا ارجوك.
حاوط خدها وهو ينظر لها بهدوء بصوته الرجولي:مش هينفع يابراء.
مسكت ايده برجاء ودموع:ا ارجوك، عايزة اتطمن علي بابا.
نظر لها واتنهد :هخليكي تزوريه بكرا.
قالت بلهفة:ط طب هو كويس.
سكت قليلا وقال بهدوء:كويس.
قالت برجاء:ططب خليني اروحله، م م عايزة اقعد هنا لبكرا.
قال بتنهيدة حادة:براء.
قالت بدموع:ارجوك.
مردش عليها،ومسك كوب العصير ومده ليها:اشربي.
قالت بدموع:مش عايزة حاجة، انا عايزة اروح.
قال بحده:طب اسمعي الكلام واشربي.
براء بحزن:ادم.
قال بحده:انا صبري قليل… فا اشربي وانتي ساكتة، يلا.
نظرت له بدموع وحزن، ومدت ايدها اخدت الكوباية، تمسها بيديها الاثنين.
نظرت له، ولقته بيبصلها، ارتشفت رشفة، وكانت تبلعها بالعافية من جفاف حلقها وقبضة صدرها. مدته له قاءلة بحزن وضيق:م مش قادرة. قال بحده:اشربي يابراء.
نظرت له ولحدة وجهه، نظرت للكوب وسط شهقاتها ورعشتها، شربته ببطء. وبعد ان شربت منتصف الكوب مدته ليه وهي تحرك رأسها بمعني لا وضيق. اتنهد واخذ منها الكوب ووضعه علي التربيزة.
قال وهو يقف :تعالي، غيري الفستان والبسي حاجة من جوا.
قامت وقفت ونظرت له :بس انا مش عايزة افضل هنا، ارجوك.
قال بحده:مش هكرر كلامي تاني، واقولك اسمعي الكلام.
رجعت خطوتين للخلف بدموع وعصبية وهي تنظر له:لا بقي، انا مش لعبة عندك عشان تتحكم فيا بالطريقة دي، انت دمرت حياتي عشان انتقامك، دمرت عيلتي…. دمرتني…. خلتني زي اللعبة ال في ايدك.
قال بحده:براء.
اكملت بصوت عالي ودموع: خلتني احس معاك بحاجات مكنش ينفع احس بشعورها اصلا، مع واحد زيك….. عدو عيلتي، عشان تنتقم من بابا، دمرتني انا واخدت مني كل حاجة خلتني افتكر اني مهمة عندك، وانت كنت بتستغلني عشان انتقا*مك، عايز مني ايه تاني، عايز ايه بعد ما كسرتنييي، كسرت عيلتي وكسرت قلبي بعد ما حبيتك.
