رواية صغيرة في قبضتي بقلم آية عيد الجزء الرابع
جنا:معاها حق، هي جافة في المشاعر معانا كدا.
براء :اتفضلوا.
اتجهوا وقعدوا علي الكنبة،وهي قعدت معاهم.
رغد بابتسامة:انتي عايزة تخرجي….عشان شوفتك يعني واقفة برا والحارس مرضيش يخرجك.
براء بسرعة:اه بجد، كنت عايزة اخرج شوية…. بس الحارس مش راضي.
جنا:خلاص كلمي ابيه ادم الاول…. اصل هما مستحيل يخرجوكي لو مش واخدة منه اذن.
براء بضيق:انا مش مضطرة اعمل كدا.
فجاة سمعوا صوت سيارة تحت. جنا جريت علي البلكونة واتصدمت، دخلت تاني قائلة:الحقي يارغد…. البت رنا هنا.
رغد ضحكت وقامت وقفت:انا عارفة البت دي، متقدرش تقعد يوم واحد من غيري.
جنا بصت لبراء:تيجي معانا.
براء بتوتر:فين؟!
رغد:هناخد صاحبتي جنا ونروح المول.
براء بتوتر:ه هو ينفع اجي.
جنا :اكيد طبعا، بس قولي لابيه ادم الاول.
اتنهدت براء وبصت في تلفونها.
رغد:طب احنا هنستناكي برا لحد ما تكلميه.
اومأت لها براء، وخرجت رغد وجنا.
براء دخلت سجل المكالمات، واحضرت اسمه…. اتصلت عليه، اتأخر في الرد…. لكنه رد قائلا :اممم.
قالت بتوتر:ا ادم.
قال:نعم؟!
تحدثت بتردد:م ممكن اخرج؟!
رد:فين؟!
قالت:م مع اختك و ورغد… هنروح المول.
سكت قليلا ثم قال: هتروحي مكان تاني؟!
ردت بتوتر:لا.
اتنهد وقال:ماشي يابراء… روحي،وهاتي ال انتي عايزاه.
ابتسمت بخفة قائلة :شكرا.
قال:خلي بالك من نفسك.
قالت بخجل:حاضر.
اغلق معها، وهي اتنهدت وحاولت تنسي كل ما حدث، دخلت وجابت شنطتها والفيزا وخرجت.
نزلت امام القصر وشافت البنات مستنينها.
رنا بابتسامة:ايه الحلاوة دي، بقي عندنا رفقة جديدة.
ابتسمت لها براء بخفة.
واتجهوا وركبوا في العربية، لكن لقوا عربيات الحراس وراهم.
جنا نظرت للسائق باستغراب:ليه الحراسة؟!
قال باحترام:ادم بيه ال امر بكدا ياهانم.
نظرت لبراء بخبث،وبراء اتكسفت ونزلت رأسها…. وبعدها انطلقت العربيات.
في مكان مجهول. كان يقف الكثير من الرجال، ويقومون بتحميل الكثير من الصناديق لشاحنة كبيرة. كان يقف ادم بعيد عنهم قليلا واغلق هاتفه، واقترب من الشخص الذي يقف يشرف عليهم.
ادم بهدوء:تاخدهم وتروح علي فرنسا علي طول.
اومأ له الشخص قائلا:تمام….رغم ان دي كمية كبيرة.
اخرج ادم علبة سجاءره:متقلقش… انا مجهز كل حاجة.
ابتسم الشخص:انا مش بقلق طول ماانت واثق في نفسك كدا.
وضع ادم السيجارة بين فمه وهو ينفث الدخان.
