عشق الرجال بقلم سارة مجدي ج3

الفصل الثامن والعشرون

أستيقظت ورد وهى تشعر بيدين قويتين تحاوطها بقوه رفعت عيونها قليلاً لترى وجهه الذكورى بسمرة بشرته وملامحه الرجولية المميزه أبتسمت وهى تتذكر ما حدث بالأمس

حين جلسوا ليتناولوا الطعام لم يدعها تجلس على الكرسى بل أجلسها على قدميه ومنعها أن تمد يدها على شئ كان هو يطعمها فى فمها بيديه وحين أعترضت قال بحب

– دى لحظه حلمت بيها من أول مره عرفت بحبى ليكى حلمت أقعدك على رجلى وأكلك بأيدى

كانت نظراتها المندهشة ترسم بسمه صغيره على ثغره بعد أن أنتهوا حاولت الوقف ليمنعها فسألته بأندهاش

– مش هتغسل أيدك

ليقول بحب

– خايف

لتقطب جبينها بأندهاش ليكمل هو

– خايف أقوم ولما أرجع ما تقعديش تانى على رجلى

أحمرت وجنتاها بخجل وأخفضت رأسها ليضع أصبعه أسفل ذقنها وهو يقول

– أرجوكى متخبيش عينك عنى …أنا مصدقت أنى بقى ليا كل الحقوق فيكى ليا حق أبص فى عينك وأبقا أنا إللى ساكنها ليا حق ألمسك ليا حق أضمك يوم ما تفرحى أكون أنا سبب سعاتك يوم ما تزعلى حضنى يكون المكان الوحيد إللى تلجائيله

كانت تستمع إليه والدموع تأخذ مجراها من عيونها إلى وجنتها ليمد يده يمسح تلك الدمعات وعلى وجه إبتسامه هادئه مريحه لتحاول هى تغير الموضوع قائله

– أيدك مش هتغسلها

ليضحك بصوت عالى ثم قال

– أنت منستيش

لتهز رأسها بلا ليقول هو بمشاغبه

– طيب هقوم أغسلها بس توعدينى

– أوعدك بأيه !؟

صمت لعدة ثوانى يشاغبها بعينه ثم قال

– لما أرجع تفضلى قاعده فى حضنى وتنامى كمان فى حضنى

أغمضت عينيها بخجل ليقول هو بمهادنه

– أنا أتفقت معاكى …..متخافيش أنا عايزك تتعودى على وجودى فى حياتك … عايزك تطمنى أنا هنا علشانك

لتهز رأسها بنعم ليبتسم وغمز لها وهو يقول

– ها توعدينى

لتهز رأسها من جديد ليقبل جبينها ثم قال

– أنت كمان بقيتى محتاجه تغسلى وشك

عادت من أفكارها وهى تبتسم على مشاغباته وتلك القصة الغريبه التى أراد بشده أن يقصها عليها

– أفتكرتى القصه وعلشان كده بتضحكى

لترفع عينيها إلى عينيه وهزت رأسها بنعم ليضحك و هو يضع ذراعه أسفل رأسه وقال

– أنا عارف أنها قصه فاشله بس أنا حبيت أعمل معاكى زى أبطال المسلسلات التركى

لتضحك بصوت عالى وهى تخبئ وجهها فى صدره ليكمل هو بكل براءه ويده الأخرى تلاعب خصلات شعرها

– فاكره الممثل الملزق ده إللى كان ديما يبوس البطله من منخرها