عشق الرجال بقلم سارة مجدي ج3

صدمه ما أصابه الأن صدمه كلامها حقيقى هل أيضاً سيكون حقيقى فيما يخص الطفلة أخذ نفس عميق ثم قال

– هو ممكن يعنى البنت تكون خدت المرض ده من أمها

تنهد الطبيب وهو يقول

– أنا سألتها وهى قالت أن المرض جالها بعد ما ولدت علشان سوء التغذيه وكمان عدم الأهتمام الصحى بعد الولاده فالبنت ملهاش علاقه خالص بالموضوع

أغمض راشد عينيه بإرهاق ليكمل الطبيب كلماته قائلا

– مدام نانسى لازم تفضل فى المستشفى علشان تكون تحت الملاحظة طول الوقت

هز راشد رأسه بنعم و تحرك ليطمئن أيضاً على الصغيره ويصل لقرار بماذا سيفعل فى القادم

وقف أمام غرفة طبيبة الأطفال ينتظر خروجها وبالفعل لم تتأخر لتبتسم حين خرجت إليه إبتسامه مهزوزه وهى تقول

— البنت عندها ضعف شديد من قلة التغذيه … ده غير كمان أن جسمها كان فى جروح كتير من عدم النظافة لكن كل الحاجات دى أن شاء الله هتتحل بس لازم البنت تفضل تحت الملاحظة طول الأربعة وعشرين ساعه ولفتره حقيقى مش عارفه هتفضل قد أيه

هز رأسه بنعم لتغادر الطبيبه ليقترب من الزجاج و نظر إليها لعدة دقائق بحيره ثم غادر بإرهاق

•••••••••••••••••••••••••••••••••••••••

أستيقظ رحيم على صوت الهاتف ليقطب جبينه وهو يرى أسم حمزه ينير شاشته أعتدل فى جلسته وهو يقول

– أيه يا عريس فى عريس يتصل بعريس فى وقت زى ده

ليضحك حمزه بسخريه ولكنه قال

– أنا محتاج دكتور نفسى ثقه

ليقطب رحيم حاجبيه وهو يقول

– على أساس أن أنت بتكلم ميكانيكى مثلاََ أومال أنا أيه

ليقف حمزه أمام النافذه وتنهد بهم ثم قال

– لا مش ميكانيكى بس أنا مش عايزك أنت ها تعرف حد ثقه ولا هتطلع ميكانيكى فعلاً

ليضحك رحيم وهو يقول

– ماشى هبعتلك أسم الدكتور وعنوانه دلوقتى بس مقولتليش صحيح عايزه لمين

ليغلق حمزه الهاتف دون أن يجيب على سؤاله ليبتسم رحيم بسخريه وهو يرسل له أسم الطبيب وعنوانه

ثم أنزل قدميه على الأرض وتوجه إلى الحمام ليبدل ملابسه وذهب إلى المطبخ ليحضر الفطار حين دلفت مسك وهى ترتدى بنطلون قصير وبلوزه نصف كوم حافيه القدمين وتمسك بين يديها دميتها وشعرها مشعث وتفرك عينيها أبتسم بأندهاش أنها تشبه الأطفال وهى بتلك الهيئة البريئه والبريه أيضاً أقتربت منه وهى تقول

– أنا جعانه

ليقول بابتسامه واسعه

– صباح الخير … أنا بجهز الفطار أهو روحى أغسلى وشك وغيرى هدومك على ما الفطار يكون جهز