عشق الرجال بقلم سارة مجدي ج3

– ها يا كامل عايزنى معاك هنا فى الشركه ولا أشوف الأرض الزراعيه أحسن

ليبتسم كامل وهو يقول

– ليك فى الحسابات

ليضحك والده وهو يقول

– مكنتش أحب أتأخر عليك والله بس مليش .

ليهز كامل رأسه وهو يقول

– يبقى تشوف الأرض أفضل لأن تمام كمان على آخره .

••••••••••••••••••••♪••••••••••••••••

وصل تمام بيت الوريدى حتى يأخذ ورد لترى الجناح الخاص بهم … جلس أمام نعمان ينتظرها حتى تجهز أبتسم نعمان وهو يرى تمام ينظر كل لحظه و أخرى نحو الباب ليقول نعمان بهدوء

– أنا كنت عايز أقولك على حاجه

لينظر له تمام بأهتمام وقال

– طبعا أتفضل .

ليبتسم عمران وهو يقول

– أنا مش هوصيك على ورد لأنى عارف ومتأكد أنك مش محتاج توصيه … بس كل إللى عايز أقوله أنك هتواجه معاها صعوبه فى حاجات كتير … محتاج منك صبر وطولة بال

ليبتسم تمام بحب وهو يقول

– صدقنى مفيش صعوبه … كل إللى ورد محتاجاه أنا جاهز بيه مهما كان وده وعد منى .

نظر إليه نعمان بفخر حقيقى من ذلك الرجل الحقيقى بكل معنى الكلمه

حين حضرت ورد وقف تمام ينظر إليها بحب ثم قال لنعمان

– ساعتين وهرجعها

ليبتسم نعمان إبتسامة ثقه وهز رأسه بنعم

كانت تجلس بجانبه فى السياره صامته وخجله … وربما خائفه أيضاً هو يحاول تجنب تلك الفكره الأخيره نظر إليها نظره سريعه وهو يقول

– طمنينى عليكى يا ورد

ظلت صامته تنظر إلى الأمام حتى ظن أنها لم تسمعه وكاد أن يكرر سؤاله ولكنها أجابت بصوت ضعيف

– كويسه .

– الحمد لله يارب ديماََ تكونى كويسه وبخير .

نظرت إليه بأنشداه ليبتسم وهو يقول

– أنا عملت تعديلات حلوه أوووى فى الجناح عايز أخد موافقتك عليهم وتحددى ألوان الحيطان … وتختارى كمان الفرش .

كانت تشعر أنها داخل دوامه من الأفكار … كيف ومتى أصبح لها رأى … متى كان يسألها أحد ماذا تفضل وما تكره… من كان يهتم بأخذ رأيها فى أى شئ مهما كان بسيط … والأن يأتى ذلك الرجل بكل تلك الهيبه يخفض لها جناحه ويتعامل معها بنديه ويعطيها مساحه خاصه لها … ويظهر أحترامه لكلماتها وأرائها ومشاعرها

كان يشعر بما يدور داخل عقلها… فصمت حتى يعطيها مساحتها كافيه فى أستيعاب كل ما يحدث … تنهد وهو يفكر حقا لا يفهم لماذا تشعر بكل تلك الضئاله فماذا يقول هو عن نفسه … أنها ناعمه رقيقه … كورده جوريه تساقطت عليها قطرات الندى لتشع رائحتها العطره تملئ المكان