أنت مكافأتي بقلم دفنا عمر الجزء الثالث
فرمقته بنظرة تستجدي عفوه وسماحه.. فرد لها نظرتها بعتاب صامت!!
فقالت للصغيرة : وعد روحي شوفي ماما بتعمل أيه وساعديها عشان عمو ينبسط منك!!
فذهبت الصغيرة على الفور .. فاقتربت أروى قليلا من بلال والتقطت القلم وراحت تخط أمام عينيه ما تريد!!
أنا أسفة .. ماتزعلش مني .. مش هزعلك تاني!!
ثم تركت القلم لتترقب رد فعله ، فأمسك نفس القلم وكتب أسفل كلماتها
” لازم تصالحيني بحاجة حلوة ”
هتفت أروى وقد فاض بها الصمت :
قولي عايز أيه يا بلال عشان تسامحني .. أنا مش قادرة على زعلك!
فقال بصوت خافت : قولي كلمة تسعدني!
فهمت ما يقصد ، فأمسكت القلم وخطت تلك الكلمة
” بحبك أوي ” !!
رقص قلبه عند قراءتها ، فقال بصوت خافت مقتربًا من إحدى أذنيها : عايز أسمعها .. مش اقراها..!
صمتت وتصبغت وجنتيها بحمره الخجل ، وازدادت دقات قلبها.. فنبرة صوته الحانيه ، قد أنبأتها بحصولها على غفران وعفو حبيبها .. !!
*********************
الفصل الرابع عشر
*******
_مش هتأخر عليكي يا ماما .. ساعة زمن هاخد وعد أجيبلها شوز الفرح.. وتاج لشعرها وحاجات بسيطة تاني.. مش عايزة أجيبلك حاجة معايا ؟
_ لا ياحبيبتي عايزة سلامتك ، وترجعوا بسرعة ..
………………
بالسنتر!
بيسان : خليكي واقفة هنا ياوعد ، هشوف حاجة هناك بسرعة وأجي ، أوعي تتحركي من هنا أحسن أزعل منك!
وعد بطاعة : حاضر يا مامتي!
………………
معاذ بالسنتر ويجرى مكالمة هاتفية:
سليم أنا في سنتر لقيته في طريقي وشوفت شوزات حلوة جدا للأطفال وسالوبتات تجنن لآدم.. ابعتلي ع الواتس مقاسات أخواته الكبار عشان عايز اشتري حاجات من هنا..!
سليم : ياحبيبي ماتتعبش نفسك عندهم كتير..
معاذ : مالكش دعوة أنت، ابعتلي بس اللي قلت عليه .. سلام !
مضت بضعة دقائق ومعاذ يتجول ويختار كل ما يروق له من ملابس تناسب أولاد صفا وأبن أخيه سليم، إلى أن وصل لقسم ( الأحذية ) .. فراح يدقق النظر حتى يأخذ المناسب منها ، ودون أن ينتبه تعثر بأحدٍ أمامه.. فوجدها طفلة صغيرة جدا وجميلة تنظر له من أسفل، وتعاتبه ببراءة:
_كده ياعمو كنت هتوقعني!!
جثي معاذ على ركبتيه قائلًا : أنا أسف ياحبيبتي ماشوفتكيش والله .. طب في حاجة وجعتك؟ وراح يفحصها بعيناه .. فقالت بصوت رقيق:
_لا ياعمو ماتخافش .. أنا قوية وباكل كويس عشان كده مش وقعت!
