رفيف الايهم بقلم سمسمة السيد
يعني ايه يا حسام
سألت رفيف جوزها وهي بتبصله ومستنيه اجابته
حسام ببرود
يعني زي ما سمعتي يا رفيف اختاري يا تفضلي علي ذمتي يا اطلقك وتربي ابن اختك براحتك
انت اټجننت يا حسام بتخيرني بين جوازنا وبين ابن اختي اختي ماټت يا حسام وهي بتولده سيباه حتت لحمه حمرا عاوزني ارميه !
ده اللي عندي يا رفيف ابوه موجود ويقدر يراعيه او يتجوز لكن انا ليه اتحمل مصاريف عيل مش من دمي
بصتله رفيف وقالت بهدوء وهي بتحاول متعيطش
تمام يا حسام تقدر تشوف الوقت اللي يناسبك عشان نروح للمأذون ونطلق
بصلها حسام پصدمه
بتفضلي ابن اختك عليا
بصتله رفيف بحزن
انت اللي خيرتني وانا اخترت
سابته رفيف ودخلت اوضتها لمت هدومها وحاجتها ولبست وخرجت من اوضتها بصت ناحية حسام لقته واقف مكانه لسه بيتابعها بجمود
رفعت راسها بكبرياء وقالت
يا تكلمني نروح بكل هدوء عند مأذون ونطلق يا تبعتلي ورقتي علي بيت اهلي
خلصت رفيف كلامها وسابته ومشيت حطت شنطة هدومها في العربيه بتاعتها وركبت وساقت لبيت اهلها وهي بتفكر في ردت فعلهم علي قرارها اكيد مش هيرضوا بقرارها لانها مكملتش سنة جواز لكن هي مش هتتنازل عن ابن اختها ابدا مهما كان التمن
بعد شوية في بيت عيلة رفيف .. دخلت رفيف وهي بتسحب شنطتها وراها قابلتها مامتها اللي بصت لشنطة هدومها بااستغراب
خير يا رفيف انتي غضبانه من جوزك ومټخانقين ولا ايه
ركنت رفيف شنطتها علي جمب وراحت قعدت علي اقرب كرسي وبصت لمامتها بهدوء
لا يا ماما انا وحسام اتفقنا علي الطلاق
شهقة سعاد وهي بټضرب علي صدرها
يا نصيبتي طلاق ايه يا رفيف ده انتوا مكملتوش سنه لسه
اهو اللي حصل بقي يا ماما طريقنا وصل لحيطه سد ومش هينفع نكمل
وايه اللي وصل الامور بينكم للطلاق يا بنت بطني اكيد عملتي حاجه ضايقته
رفيف با انزعاج
علي فكره يا ماما لو مش واخده بالك انا اللي بنتك مش هو
شوحت سعاد باايدها وهي بتبصلها بغيظ
ما انتي عشان بنتي عارفه انك متتعاشريش هتنطقي تقولي ايه اللي حصل ولا اكلم حسام اعرف منه
نفخت رفيف بزهق وقامت وهي رايحه لااوضتها
لا كلميه واعرفي منه واعرفي اني مش هرجع عن قراري
خلصت رفيف كلامها ودخلت اوضتها وقفلت الباب علي نفسها وفضلت ټعيط…
شوية وسمعت صوت خبط علي باب اوضتها مسحت دموعها وقامت فتحت لقت مامتها في وشها بتبصلها پغضب
عاوزه تطلقي عشان ابن اختك يا رفيف تضحي بجوازك عشان طفل ابوه موجود وهيعوضه
رفيف پصدمه
وده مش سبب كافي اطلق عشانه ده خيرني بينه وبين ابن اختي اللي لسه بيبي انتي متخيله
عنده حق راجل ومش عاوز يصرف علي عيل مش من صلبه هو حر لكن انتي تختاري العيل علي جوازك
هو انتي مش واخده بالك يا ماما انك بتتكلمي علي حفيدك اللي بنتك ماټت وهي بتولده ووصتني عليه قبلها
سعاد بحزن
زي ما هو حفيدي انتي كمان بنتي وانا مش عاوزه الناس تبصلك بصه وحشه انتي متعرفيش المطلقه بيتبصلها ازاي
ميهمنيش لكن انا مش هتنازل عن ابن اختي
هزت سعاد راسها بياس من عناد بنتها
ربنا يهديكي يا بنتي
سابتها سعاد وخرجت وفضلت رفيف قاعده بتفكر في حياتها الجايه ..
تاني يوم الصبح راحت رفيف بيت جوز اختها وخبطت علي الباب لحد ما فتحتلها المربيه ..
دخلت رفيف وهي بتبص حواليها
فين ايهم
المربيه با احترام
ايهم بيه خرج راح شغله يا مدام رفيف
رحيم فين
قبل ما المربية ترد علي رفيف سمعوا صوت عياط رحيم جريت رفيف علي اوضته ودخلت قربت من سريره وشالته بين ايدها براحه وهي بتحاول تهديه لحد ما حست بجسمه السخن
يا خبر دي حرارته عاليه خالص لازم دكتور يشوفه
طب نستني لما ايهم بيه يجي يا مدام رفيف عشان ..
قطعتها رفيف پحده
استني ايه بقولك الولد تعبان هاتي هدوم اغيرله وهاخده اكشف عليه
المربية بتوتر
حاضر يا مدام رفيف
راحت المربية جابت هدوم لرحيم وادتهم لرفيف اللي بدأت تغير هدوم رحيم بسرعه وحذر وبعد ما خلصت شالته ونزلت بيه لااقرب دكتور اطفال ..
بعد ما خلصت كشف علي رحيم والدكتور طمنها جت تخرج من العيادة لقت حراس ايهم وايهم واقف قدامها بيبصلها ببرود
خرجتي با ابني من غير اذني ليه يا مدام رفيف
رفيف بسخريه
مش محتاجه اذن حضرتك عشان اخد ابن اختي اكشف عليه اكيد وهو تعبان
لا محتاجه ومحتاجه كمان اذن عشان تشوفيه
رفيف پصدمه
نعم ايه اللي انت بتقوله ده
ايهم ببرود
زي ما سمعتي محتاجه اذني عشان تشوفي رحيم غير كده انسي
خلص كلامه وهو بيشيل رحيم النايم من بين ايدها واداه للمربية بتاعته
رفيف با اعتراض
ايهم الولد تعبان سيبه معايا لازم حد يهتم بيه
بصلها ايهم ببرود
ابني انا هعرف اهتم بيه بمعرفتي
نزل ايهم والحراس وراه ورفيف نزلت وراهم قبل ما ايهم يركب عربيته شدته رفيف من دراعه ناحيتها وهي بتقول
رحيم انا اولي حد بتربيته يا ايهم سيبهولي انا هعرف اهتم بيه واراعيه لو سمحت
بص ايهم لايدها اللي ماسكه دراعه ورجع بص في عنيها ببرود
ويا تري يا رفيف هانم حسام باشا موافق علي كلامك الاهبل ده
رفيف بغيظ
انا وحسام هنطلق
هز ايهم رأس بتفهم
لما تبقوا تطلقوا ابقي افكر وقتها اسمحلك تقربي من ابني لكن طول ما انتي علي ذمة عدوي مضمنش ممكن تعملي ايه يأذي ابني عشان تأذوني
رفيف با انزعاج
انا مالي ومالك انت وحسام ما ټولعوا مع بعض انا اللي يهمني رحيم ابن اختي دلوقتي
ركب ايهم عربيته وقبل ما يقفل الباب بصلها وقالها
اللي عندي قولته يا رفيف هانم
خلص جملته وقفل باب العربية وامر سواقه بالمشيان وساب رفيف واقفه بتبص عليه بضيق وغيظ..
بليل ..كانت رفيف قاعده قدام حسام وقدامهم المأذون بيخلصوا اجراءات الطلاق وبعد ما انتهي كل شئ وقف حسام وبصلها بمكر
هترجعي يا رفيف وهتبوسي ايدي عشان اردك بس مش هردك ابدا
ابتسمت رفيف ابتسامه صفرا
ابقي اتغطي كويس يا حسام وانت نايم
خلصت وسابته ومشيت وفضل حسام واقف مكانه بيبص حواليه بعصبيه ..
عند ايهم ..كان قاعد مع صاحبه بيخلصوا شوية اوراق خاصه بالشغل لحد ما سمع صاحبه هادي بيساله
ناوي علي ايه دلوقتي يا ايهم
ايهم بهدوء
رفيف
هادي با انزعاج
يا دي ست رفيف اللي بقت طلعالنا في البخت دي
بصله ايهم پغضب
لما تتكلم عنها اتكلم كويس يا هادي سامع
بلع هادي ريقه پخوف وقال بتوتر
انا مش قصدي انا بس شايف انك تعيش حياتك وتكبر دماغك منها معتقدش انها هتطلق من حسام
قاطعهم صوت تليفون ايهم مسك ايهم تليفونه وفتحه وهو بيسمع الطرف التاني من غير ما يتكلم ثواني عدت وكانت ابتسامه ايهم المرسومه علي وشه كبيره
ايهم بهدوء
تمام خلي عينك عليها
خلص كلامه وقفل ولسه الابتسامه علي وشه ساله هادي بقلق
في ايه يا ايهم مالك منشكح كده ليه
اطلقوا
هما مين
رفيف وحسام اطلقوا
ايهم بلاش تعشم نفسك بحاجات مش هتحصل
هتحصل يا هادي ضيعتها مره من ايدي مش هضيعها تاني
مفيش فايده في دماغك مترجعش تزعل لما تكسر قلبك تاني
مشي هادي وساب ايهم في دوامه ذكرياته
فلاش باك
كان ايهم قاعد قدام رفيف في مطعم من المطاعم وبيبصلها بحب
ايهم
رفيف انا عاوز رأيك في حاجه
ابتسمت رفيف
اكيد يا ايهم قول
انا بحب واحده وعاوز اتقدملها
طيب حلو فين المشكله
المشكله ان اختها بتحبني واللي بحبها دي
بتحب اختها اوي ومستعده تضحي بنفسها وبسعادتها عشان اختها
بلعت رفيف ريقها بآلم وهي فكراه بيتكلم عن نهي اختها وحبه ليها فاابتسمت ابتسامه مهزوزه وهي بتقول
لا يا ايهم انت غلطان نهي بتحبك ومش هتستغني عنك ولا عن حبها عشاني اما انا فاانا مش بحبك الحب ده انت بالنسبالي صاحبي واخويا
بصلها ايهم پصدمه وقفت رفيف وعنيها مليانه دموع بتحاول متعيطش
ربنا يسعدك انت ونهي يا ايهم هبلغها بكلامك وهنستناك تشرب الشاي مع ماما
جريت رفيف علي بره وسابت ايهم قاعد مكانه مش قادر يتحرك من الصدمه مش بتحبه يعني كل اللي كان بيحسوا منها ده وهم !
باك
فاق ايهم من دوامة الذكريات علي صوت تليفونه اللي بيرن … ابتسم بحزن وهو شايف اسمها علي موبايله ورد ببرود
خير يا مدام رفيف
ايهم انا عاوزه اشوف رحيم
وانا قولت اللي عندي في الموضوع ده لما تبقي …
قاطعته رفيف
انا وحسام اتطلقنا ممكن اشوف رحيم بقي بعد اذنك
ايهم بدهشه مصطنعه
ايه ده بالسرعه دي
ابتسمت رفيف بسخريه
ده علي اساس الحارس اللي ممشيه ورايا مبلغكش
ابتسم ايهم علي ذكائها
بيعجبني فيكي ذكائك يا رفيف
عاوزه اشوف رحيم
طبعا ابن اختك مقدرش احرمك منه تقدري تشوفيه في اي وقت
شكرا يا ايهم
بعد ما المكالمه خلصت ابتسم ايهم وهو بيقول
قريب هتبقي ليا يا رفيف
بعد مرور ٣ شهور …كانت رفيف قاعده بتلاعب رحيم وهو بيضحكلها ابتسمت بحب وحنان علي شكل ضحكته اللي تجنن
سمعت صوت جرس الباب بيرن فااتجهلته وراحت المربيه تفتح
دخل ايهم ووراه واحده جميله اوي بشعر اصفر وعنين زرقا وبقيت ملامحها مش باينه من كتر الميك اب
قرب ايهم من رفيف اللي اتجاهلت وجوده وقال بهدوء
رفيف اقدملك هنا خطيبتي
غمضت رفيف عيونها بآلم وفتحتهم تاني ووقفت وهي بتدي رحيم للمربيه
خديه علي اوضته يا دينا لو سنحتي وهاجي وراكي
تحت امرك يا رفيف هانم
مشيت دينا برحيم وطلعت علي اوضته ولفت رفيف تبص ل ايهم ول هنا اللي بتبصلها بغرور
بصلها ايهم بتفحص
مش هتباركيلي
رفعت رفيف حاجبها وهي بتبصله من فوق لتحت
اباركلك علي ايه يا ايهم
علي خطوبتي انا وهنا
ودي خطبتها امتي دي
النهارده
بصت رفيف حواليها وبصت لاايهم تاني
فين ده ولا كنت عاملها سكيتي
هنا بااشمئزاز
يااي سكيتي بيئة اوي يا ايهم ازاي مخليها تقعد مع رحيم
شاورت رفيف علي نفسها وهي بتسأل
انا بيئة
هنا بسخريه
مش شايفه غيرك هنا
