أنت مكافأتي بقلم دفنا عمر الجزء الثالث
والتقطت كف الصغيرة، وذهبت لتختفي تمامًا من مجال رؤيته، وهو على نفس وقفته تتآكله الحيرة!
لما مازالت تقذفه بعتاب ولوم گما كانت؟!
لما أسمت ابنتها هي وقاسم بأسم يحبه هو!؟. ولما لم ترد تحية عزائه كما يجب!! يحوطها غموض لا يفهم سببه! .. ألم ترتوي بعد أمومتها بتلك الطفلة الجميلة؟! ..ألم تغفر له انسحابه السابق،بعد أن ذاقت هذا الإحساس الذي كانت تشتهيه بفطرتها؟!
صدح رنين هاتفه ، فأخرجه من دوامة أسئلته وحيرته التي غرق بها .. ليرد علي والدته التي تتسأل عن موعد عودته .. فأخبرها بأنه قريب وغادر هو الأخر .. ولكن لم تغادر الحيرة عقله!
***********************
_ فاضل 5 أيام علي فرح أروى، تفتكري هقدر 3 كيلو كمان؟
_ وحتى لو مالحقتيش يارغد، أنتي خسيتي 20 كيلو لحد دلوقت .. بجد برافو عليكي ، طلع عندك عزيمة من ورانا يا لئيمة !
_ عزيمة أيه بس يا حسرة .. ده أوامر الدكتور أما لقى بعد فحصي إن الكوليسترول ونسبة النقرس عاليين جدا، لدرجة رجلي مش قادرة امشي من ألمها .. وخدي التقيلة بقى.. قالي إن أنا فاضلي حاجة بسيطة ويجيلي مرض السكر .. بصراحة خوفت على نفسي، أنا لسه صغيرة ومادخلتش دنيا ولا عشت حياتي!
_ يااااه كل ده .. لا ياحبيبتي بعد الشر عنك .. كويس جدا إنك عملتي كده .. أولا عشان صحتك.. وثانيا عشان تعيشي سنك وتلبسي اللي يعجبك بدون تأيد!!
_ عندك حق يا نودي .. وعلى ذكر اللبس، هنلبس أيه في الفرح ؟!
_ندى دون أكتراث : أي حاجة!
_رغد متعجبة : أي حاجة ؟! غريبة! ده أنتي كنتي مابتصدقي تحضري فرح عشان تشخلعي نفسك سوريهات وحركات!!
ابتسمت ندى بتهكم: كنت!
سبح خيالها بذلك اليوم البعيد ، وحديث معتصم المهين واحتفاره لها ..أصبحت تكره كل رداء سهرة مهما كان محتشم .. مجرد رؤيته بواجهة المحلات المختصة، صار يذكرها بصورتها القبيحة بعيناه!
رغد بقلق : أيه يا ندى حصل أيه.. هو انا كلامي ضايقك في حاجة ؟ ..
هزت رسالة رأسها بنفي : لا مافيش حاجة ، سرحت بس شوية .. عموما بكرة نتقابل واختارلك حاجة مناسبة .. ثم واصلت بمزاح ، ماهو أخيرًا تختوخة خست وهنلاقي فستان مقاسها ، وده حدث مش ممكن يفوتني !
رغد بيأس وتذمر : بردو مش هخلص من لقب تختوخا ؟؟!!
هو مش باين عليا اني خاسة 20 كيلو ولا أيه ؟؟!!!!!
