أنا الخائن بقلم نور الشامي

غيرتلها هدومها يا فندم وهي دلوجتي نايمه انا هفضل معاها اهنيه لحد ما تفوب ان شاء الله

رحيم بضيق:

شطرا يا جيهان معلش انا تعبتك وعارف ان الوجت متأخر

جيهان بابتسامه:

متجولش اكده يا بيه انت خيرك عليا

ابتسم رحيم ثم نزل الي الاسفل فجلس بجانبه جاسر وتحدث مردفا :

هي دي السكرتيره بتاعتك صوح… ال ليالي كانت بتجول انك بتخون صاحبتها معاها

رحيم بسخريه:

اه هي ال بيجولوا عليها شوهوا سمعه البنت من غير حاجه

رفع جاسر نظره الي الاعلي وتحدث:

تصدج بالله انا اول مره اشوفها مع اني كلمتها في التليفون كتير جوي علشان الشغل.. بس معاهم حق البنت حلوه

رحيم بحده:

جاسر لم نفسك البنت محترمه ومش بتاعت الكلام الفاضي دا كله

جاسر بضيق:

يا ابني هو انا جولت حاجه ما البنت فعلا شكلها محترم جوي طيب تعرف بجا انا معجب بيها

نظر رحيم اليه بضيق ثم صعد الي الاعلي مره اخري ليري ليالي وفي الصباح فتحت ليالي عيونها وانصدمت عندما وجدت نفسها علي الفراش فنهضت بسرعه وتحدثت بلهفه:

انا فين اي ال جابني اهنيه هو عمل فيا اي

جيهان بهدوء:

اهدي حضرتك انا ال كنت معاكي طول الليل ورحيم بيه معملش اي حاجه بالعكس هو كان بيدخل يطمن عليكي ويخرج علطول

ليالي باستغراب:

انتي مين… انا حاسه اني شوفتك جبل اكده

جيهان بابتسامه:

انا جيهان السكرتيره بتاعت رحيم بيه

نظرت ليالي اليها بصدمه ثم تحدثت بغضب:

جصدك ال كان بيخون رباب معاها صوح انتي بجا عشيجته

جيهان بصدمه:

عشيجته؟! هو اي ال حضرتك بتجوليه دا؟!

جاءت ليالي لتتحدث ولكن قاطعها دخول رحيم الذي تحدث بحده مردفا:

كنت عارف ان لسانك طويل وهتزعليها.. بجا يا ال معندكيش دم هي ال فضلت معاكي طول الليل.. انتي فاكره الناس كلها زباله زي صاحبتك ومعندهمش احترام.. مفيش حد كان خاين غير صاحبتك .. جيهان شكرا ليكي جوي انزلي انتي العربيه هتستناكي تحت وروحي ارتاحي انتي اجازه انهارده

جيهان بحزن:

حاضر.. لو حضرتك احتاجت حاجه اتصل بيا

القت جيهان كلماتها ثم ذهبت فدخل جاسر وتحدث بلهفه:

رحيم طلع حمدي اخوه هو ال عمل اكده

ابتسم رحيم بسخريه ثم تحدث :

هو فيه بينكم مشكله ولا اي يا ليالي

ليالي بعدم فهم:

هو مين دا انا مش فاهمه حاجه انت بتجول اي

نظر رحيم اليها بغضب ثم تحدث:

تصدجي بالله انا هاين عليا دلوجتي ادوس علي رجبتك واجتلك واخلص منك ومن شكلك…. اي ال بينك وبين اخو الو *س*خ ال كانت صاحبتك بتخوني معاه