أنا الخائن بقلم نور الشامي

نظرت السيده اليها بحده ثم تحدثت:

سكوته؟! دا جتل بنتي وبتجولي سكوته… ليه هو فيه حاجه تانيه ناوي يعملها اكتر من اكده

ليالي بقلق:

هيعمل يا حجه ال عرفته انه هيروح يعيش مع اهله تاني وانتي عارفاهم زين عيله السيوفي مستنيه اللحظه ال يرجع فيها ابنهم بجالهم سنين وكمان انتي عارفه هما كانوا بيكرهوا رباب ازاي وهو وجف جدامهم كلهم علشانها فانتجامه هيبجي صعب مش هيكفيه موتها

بدريه بصدمه:

يعني اي وفريده؟! دي الحاجه الوحيده ال فاضله من بنتي الله يرحمها ليالي بالله عليكي يا بنتي انتي كنتي اكتر من اختها علشان خاطري حاولي تخليني اشوف فريده

نظرت ليالي اليها بضيق ثم تحدثت بتفكير:

يا حجه جوليلي بصراحه رباب فعلا كانت بتخون رحيم انا مش مستوعبه ال حوصل دي كانت بتحبه جوي وهو خسر كل حاجه علشانها

نظرت بدريه اليها بتوتر ثم تحدثت:

واه واه اي ال بتجوليه دا يا ليالي انتي عارفه رباب زين معقول تفكري في صاحبتك اكده دا انتي اكتر واحده عارفاها اكيد عيله السيوفي هما ال عملو

الفصل الثاني

انصدم الجميع عندما وجدوا رحيم يشعل النيران في البيت وهو يقف وسيجارته في فمه بثقه فأقتربت بدريه منه وتحدثت بأنهيار:

حرام عليك بتعمل اكده ليه يعني تحرق البيت جدام عيوني ومتخلنيش اعيش فيه انت عايز تعمل فيا اي اكتر من اكده مش كفايه انك جتلت بنتي

نظر رحيم ليها بغضب وتحدث:

بنتك دي لو كنت اجدر اخليها تعيش تاني واجتلها مليون مره كنت عملت اكده دا انا ندمان اني جتلتها بالسهوله دي كان لازم اعذبها الاول واجطع من جسمها حتت وارميه لكلاب السكك بس للاسف ماتت بسهوله

نظرت ليالي اليه بتوتر لم تتوقع ان فيه قلبه كل هذا الحقد تجاههم ومن هذه اللحظه ادركت انه لم يهدا بسهوله وهذه البدايه فقط فأقتربت من بدريه ورددت:

يلا يا حجه تعالي بيتي مفتوح ليكي في اي وجت متتكلميش مع حد

نظر رحيم اليها بسخريه وتحدث:

تفتكري انا هسيبك بسهوله يا ليالي اكده تخليها تعيش عندك ولا لع.. تفتكري انا هسيبك انتي نفسك تعيشي دا لسه حسابك جاي فبلاش تستعجليه

ليالي بحده:

حسابي؟! ليه بجا ان شاء الله يا ابن السيوفي كنت عملت لحضرتك اي محسسني ان فيه تار بيني وبينك

رحيم ببرود:

ما هو فعلا فيه تار بيني وبينك انتي اكتر واحده عايز انتجم منها اكتر واحده عايز اشوفك تحت جزمتي ومتخافيش هتيجي جريب جوي لحد عندي وتتحايلي عليا علشان ارحمك