أنا الخائن بقلم نور الشامي

نظرت رباب اليه بصدمه لم تستوعب انه علم بهذا الامر ايضا فتحدثت بتوتر:

انا….. مين ال جال اكده.. لع ال جالك اكده كداب

رحيم بسخريه:

محدش جالي انا شوفت بعيوني لما خليت حد يجبلي الرسايل المحذوفه عندك علي الواتس بينك وبين امك طلعتي بتسمميني يا حبيبتي وبسم بطيئ كمان علشان اموت دا انتي عملتي كل حاجه حرام في الدنيا فاضلك تعبدي الاصنام وتبجي اكده خلصتي كل حاجه

بصت رباب اليه بخوف ودموع وجاءت لتتحدث ولكن:

يلا اتمني منشوفش وش بعض تاني ربنا يجحمكم بجا مكان ما هتروحوا

القي رحيم كلماته ثم صوب عدت رصاصات اصابت هدفه ووقعوا الاثنين غارقين في دماءهم فدخل زين وتحدث:

كل الادله معاك ومش هتاخد يوم واحد كمان ومتخافش عيلتي وعيلتك والكل هيكون وراك انا طيارتي كمان ساعتين اول ما اوصل هكلمك

فلاااش باااك

انتهي رحيم من كلامه ومازالت بدريه تنظر اليه بصدمه فتحدث جاسر:

بس اكده كلنا عارفين ال حوصل بس الحاجه الوحيده ال مكنش حد عارفها مين تميم لحد ما ليالي كشفت كل حاجه

بدريه بصراخ:

ليييييه كنت طلجها وسيبها… موت بنتي ليه حرام عليك… واي ال جابني من اهنيه طلعني بجااا… طلعني اي المكان دا

رحيم ببرود:

دي مستشفي الامراض العقليه هتجعدي اهنيه معززه مكرمه لحد ما تموتي فيها واها دا احسن بكتير من انك تطلعي علشان لو طلعتي جسما باالله ال عملته في بنتك مش هيكون ربع ال هعمله فيكي… يلا بعد اذنك بجا علشان انا وعيلتي رايحين نتعشي كلنا مع بعض

القي رحيم كلماته ثم ذهبوا من المستشفي وتركوا بدريه تصرخ بشده وبعد مرور شهرين كانوا الجميع يقفون في احدي قاعات الافراح الكبيره حتي نزلت ليالي من علي درجات السلم بفستان زفاف طويل ورحيم يمسك يديها وعندما نزلوا ركضوا اليهم تميم وفريده وهم يحتضنوهم بشده فتحدث تميم بسعاده:

هااااي بابا وماما هيتجوزا

ضحك الجميع علي كلامته ثم تحدثت فريده بسعاده:

بابا انت شكلك حلو جوي انت وماما كان نفسي اشوفك وانت عريس من زمان

ابتسم الجميع عليهم ثم اقترب رحيم منهم واحتضنهم وهو يتحدث:

انتوا ال زي الجمر ربنا يخليكم لينا يارب

اقترب الجميع منهم وبدايوا في تهنئتهم حتي تحدث زين وهو يمسك يد سهي:

وافجت ها نعمل خطوبه ولا جواز علطول

جاسر بتذمر:

هو كلكم هتتجوزوا وانا ال هفضل اكده

سهي بضحك:

طيب ما تتجوز انت كمان