أنا الخائن بقلم نور الشامي

القي حمدي كلماته ثم مسك يد اسماء وجاء ليخرجها من البيت ولكن وجد ليالي امامه ثم دفعته بغضب ودخلت وهي تبحث عن الاطفال حتي وجدتهم فأقتربت منهم واحتضنتهم بلهفه وتحدثت:

فريده… تميم.. انتوا كويسين حد عملكم حاجه

فريده ببكاء:

طنط خدينا من اهنيه بالله عليكي

نظرت ليالي اليهم بدموع ثم مسكت يديهم وتحدثت:

يلا نمشي انا مش هسيبكم اهنيه

بدريه بحده:

لع مش هيمشوا يا ليالي وانتي كمان هتموتي اهنيه

نظرت ليالي اليها بغضب وجاءت لتتحدث ولكن قاطعها دخول رحيم وجاسر وبعض الحرس الي الييت وفجأه اقترب رحيم من تميم ووجه س\لاحه علي راسه وتحدث:

لو حد عمل اي حاجه هجتله دلوجتي

ليالي بلهفه:

حمدي سيبه حرام عليك ازاي تعمل اكده

بدريه بحده:

هات الفلوس يا رحيم بدل ما اخليه يجتله

تميم بحده:

بابا انا مش خايف منهم هما اصلا ناس شريره

رحيم بقلق:

خلاص يا حمدي هديم الفلوس بس سيبه.. وكل ال طلبته هاخده

حمدي بغضب:

هات الفلوس الاول وانا اسيبه

نظر رحيم الي جاسر الذي وضع حقيبه النقود علي الارض وركلها بقدمه تجاه حمدي الذي اقترب منها ولكن تلقي ركله قويه من ليالي التي سحبت تميم منه بلهفه فاقترب رخيم ولكمه علي وجهه بغضب وهو يتحدث:

انا غلطان اني مموتكش انت كمان.. كان لازم اجتلك انت والحقيره دي

القي رحيم كلامه ثم لكمه علي وجهه بقوه فانتبهت ليالي لبدريه التي تاخذ الس\لاح وتصوبه تجاه رحيم فصرخت ليالي ووقفت امامه وفجأه انطلقت الرصاصه في ليالي التي وقعت علي الارض وجاءت بدريه لتهرب ولمن تلقت رصاصه من جاسر فاقترب رحيم من ليالي وتحدث بلهفه:

ليالي… ليااالي

ليالي بتعب:

والله العظيم ما عملت حاجه ولا كان جصدي اني اخدعك انا عملت كل دا علشان تميم يعيش معاك سامحني بالله عليك سامحني

رحيم بلهفه:

اسكتي.. بلاش تتكلمي علشان متتعبيش اكتر من اكده

القي رحيم كلماته ثم حملها وذهب بسرعه الي المستشفي وبعد فتره كان يجلي رحيم امام غرفه العمليات وهو يحتضن اولاده فتحدث تميم بحزن:

بابا متزعلش طنط ليالي هتبجي كويسه

فريده بحزن:

ايوه يا بابا هي هتبجي كويسه مش هتمشي وتسيبنا هي وعدتني تفضل معانا طول العمر

احتضن رحيم اولاده ثم تحدث بحزن :

ان شاء الله… هي هتبحي كويسه انا متاكد

جاسر بضيق:

بدريه لسه عايشه الرصاصه جات في كتفها بس وحمدي هرب بس حراسنا وراه ومش هيسيبوه