أنا الخائن بقلم نور الشامي

نظرت فريده اليها بضيق ثم تحدثت بدموع:

تيته ابعتينا عند بابا بالله عليكي انا مش عايزه اجعد اهنيه عايزه بابا

نظرت بدريه اليها بحزن ثم تحدثت :

يا حبيبتي انا معاكم اهه انا هجيبلكم كل الحاجات الحلوه ال انتوا عايزينها

تميم بحده:

مش عايزين حاجه منك انتي شريره

حمدي بضيق:

مش وجته بجا كل الكلام دا انا هتصل بيهم دلوجتي واطلب الفديه ال اتفجنا عليها ماشي

بدريه بحزن:

ماشي اتصل يلا

القت بدريه كلماتها ثم خرجت اما في مكان اخر كانت ليالي تتحدث بحده:

حرام عليكي اتجي الله هو اخيرا رجع لابوه وانا متاكده ان اخوكي هو ال خطفهم مش تميم دا انتي ال ربتيه يرضيكي يتعمل فيه اكده ويتخطف

نظرت اسماء اليها بضيق ثم تحدثت:

انتي متأكده ان حمدي اخوي ال خطفهم

ليالي بلهفه:

ايوه وااله متاكده مفيش غيره ال هيعمل اكده

اسماء بتفكير:

خلاص تعالي وانا هساعدك انا عارفه ممكن يكونوا فين دلوجتي

القت اسماء كلماتها ثم ذهبت اما عند رحيم القي الهاتف في الارض بغضب ثم تحدث:

الحيوان دا هو ال خطفهم واكيد معاه بدريه الحقيره الله يلعنهم كلهم

سهي ببكاء:

ادفعلهم يا اخوي… ادفعلهم اي مبلغ المهم يرجعوا الولاد

بهجت يلهفه:

انا هحضر الفلوس دلوجتي وندفعهم وناخد الولاد

نظر جاسر الي رحيم الذي تحدث بغضب:

انا غلطت غلطه كبيره جوي لما سيبتهم في الاول… كان لازم اجتلهم من زمان بس ما علينا احنا لسه فيها

القي رحيم كلماته ثم صعد الي غرفته واخذ م\سدسه وذهب هو وجاسر وفي مكان اخر كانت ليالي تقف مع اسماء امام احدي البيوت وتحدثت:

انا متاكده انه اهنيه اسمعي يا ليالي انا هدخل الاول وبعدها هتصل بيكي تاخدي الولاد ماشي

ليالي بضيق:

ماشي

القت اسماء كلماتها ثم دخلت فارسلت ليالي رساله الي رحيم واخبرته بكل شئ وارسلت ايضا له موقع المكان الموجوده فيه اما في الداخل كانت تتحدث اسماء بغضب:

انت لسه ماشي ورا الست دي مش كفايه اخوك ال مات بسببهم مش هتسكت هي كمان غير لما تخليك تموت زي اخوك

بدريه بحده:

انتي بتتكلمي اكده ليه احترمي اني زي امك

اسماء بغضب:

امي اي… اعوذ بالله انتي بتشبهي نفسك بامي… امي اشرف واحده في الدنيا مش زيك انتي شيطانه وخلفتي شيطانه والله ياريت ابن السيوفي كان جتلك مع بنتك وخلصنا منك ومن شرك

نظر حمدي اليها بضيق وتحدث:

اسماء يلا امشي من اهنين دلوجتي