أنا الخائن بقلم نور الشامي

روحنا المستشفي وعرفنا كل حاجه وجيبنا صاحب الرقم ال طلع حمدي بس مكنش موجود في البيت اخته ال خدت تميم هي ال كانت موجوده وحكيتلنا علي كل ال حوصل والحرس بيدوروا علي بدريه وحمدي لوجتي

اتنهدت فاتن بحزن وجاءت لتتحدث ولكن انتبه رحيم لليالي التي تقف تنظر اليه ببكاء فأقترب منها وتحدث بحده:

بهدوء اكده لمي هدومك واخرجي من البيت

ليالي ببكاء:

والله انا عملت اكده علشانك

صرخ رحيم في وجهها وهو يركل الكرسي بغضب مرددا:

جووولت امشي من اهنيه… امشي من اهنيه فورا الله يلعنكم كلكم… انا جسما بالله العظيم لهحاسبكم كلكم… مش هسيب حد فيكم يعيش مرتاح.. انتوا اي مش بني ادمين.. بس انا ال غلطان.. انا استاهل اني دخلت واحده وس**خه زي دي حياتي… هي كان مكانها الزباله انا ازاي كنت اتجوز واحده زي دي… ازاااي

اقتربت هاله منه وتحدثت بحزن:

اهدي يا ابني.. اهدي يا حبيبي متعملش في نفسك اكده

نظر رحيم الي ليالي بغضب ثم اقترب منها ومسكها من خصلات شعرها وتحدث:

انا مش عايزك اهنيه في بيتي دا ثانيه واحده فاهمه يلا امشي من اهنيه دلوجتي حالا

القي رحيم كلماته ثم دفعها علي الارض وجاء ليتحدث ولكنه سمع صوت تميم وهو يتحدث بخوف:

بابا

ألتفت الجميع لتميم كأن هذه المره الاولي الذي يروه فيها فاقترب رحيم منه ومسك يده وهو يتحدث بدموع:

عيوني يا عمري… حبيبي

تميم بخوف:

انت زعلان ليه اكده وكلكم بتعيطوا انا خايف

اقترب رحيم منه ثم احتضنه وتحدث:

متخافش يا حبيبي احنا بنلعب كلنا مفيش حاجه اوعي تخاف بعد اكده طول ما انا جمبك

نظر تميم اليه بابتسامه ثم تحدث :

انت بجيت تحبني صوح علشان اول مره تكلمني اكده يبجي بتحبني

رحيم وهو يحتضنه ويتحدث بدموع:

بحبك جوي والله… انا اسف.. انا السبب في بعادك عني انا ال اختارتلك ام ربنا ينتجم منها

نظر تميم ليه بعدم فهم ثم تحدث :

انت زعلان والله.. انا فاهم حاجه بس متزعلش

اقترب جاسر منه ثم تحدث بابتسامه حزينه:

حبيبي بابا مش زعلان دا فرحان فيه برده واحد يبجي عنده ابن زيك اكده وميبجاش فرحان

تميم بسعاده:

يعني انا ابنكم بجد اهه صدجتوني صوح

جاسر بحزن:

صدجناك يا حبيبي.. صدجناك

وفي مكان اخر عند حمدي كان يتحدث بغضب مردفا:

ايوه جولتله دا ابنه انتي فاكراني اي معنديش رحمه للدرجادي

بدريه بسخريه:

ما انت هتخطف بنته اهه اومال فين الرحمه ال بتجول عليها وهو اصلا دلوجتي اكيد بيدور علينا علشان يجتلنا مكنش ينفع تعرفه