ظلـ,ـمني ابن عمي بقلم نور الجزء الأول

: _ يادى العار هي فيها بت تاني

: _ أيوه هنعمل إيه

: _ جوزها لو عرف ان فيها بت هيطلجها المره دي بالتلاته يا حسين
حسين: _ واحنا باايدنا ايه ياعزه نعملوها
عزه: _ لا ما هو بتي لو خلفت بت جوزها هيطلجها وبناتها التلاته هيتحرموا من العز دا كله وولد عوض هيتجوز عليها في الصبح واحده تجيبله الواد يا حسين
حسين: _ خليه يجوز هو راجل وغني وعايز واد يشيل اسمو ويورث كل فلوسه وبتنا دا نصيبها يا عزه هنعملوا ايه يعني
عزه: _ واه واه ياحسين وكماني عايز بتي تتطلج واسكت
حسين: _ ايوه وهتعملي ايه يعني يا عزه
عزه: _ في سرها هعمل كتير انت أيش عرفك في كيد النسا ياحسين بس
عزه فتحت باب اوضه بنتها هند
عزه: _ وااه قاعده ساكته يعني ياهند
هند: _ وانا هعمل ايه ياامه بس ادي الله وادي حكمتوا
عزه: _ أوعى تكوني قولتي لجوزك إنك فيكي بت
هند: _ ليه يعني هو لو مش عرف النهارده بكره يعرف
عزه: _ أيوه مانا جتلك بسرعه علشان عارفكي بهيمه كيف ابوكى
هند: _ واه ياامه عاد بلاش تشتمي ابوي
عزه: _ يا فرحتي دافعي علي نفسك الأول كلها شهور وتولدي وجوزك يطلجك يابت ابوكي بالتلاته
هند باانكسار ودموع: _ وانا هعمل ايه بس ياامه
عزة: _ تعملي إيه اجولك (أقولك) تعملي ايه
هند: _ اه قولي
عزه: _ انتي هتجولي لجوزك إنك حبله (حامل) في واد
هند: _ واه كيف اكدب في حاجه زي دي يامه بس دا كان أدهم دبحني وشرب من دمي كماني
عزه: _ ما انا عرفاكى خايبه وهتشلني انتي هتقولي لجوزك إنك فيكي ولد وملكيش دعوه دلوقتي الفلوس بتشتري كل حاجه
هند: _ واه كيف يعني مليش دعوه والفلوس هتجبلي واد كيف يامه بس
عزه: _ هنتفق مع ممرضه من اياهم أول ماتخلفي انتي تاخد البت وتجيب واد من واحده لسه والده ولد وتبدل العيال يعني
هند: _ بتخبط علي سدره واه ياامه وارمي ضاني واربي عيال غيري علشان ايه يعني ثم مين قالك انو حسين هيطلجني لما يعرف اني فيا بت
عزه: _ انتي بهيمه يابت انتي معاكي بنتين والتالته في الطريق ودا واد عمدت البلد يعني واد أغناه راجل في البلد وعايزه تبقا خلفتوا بنات ويسكت اكديه اكيد هجوز تاني علشان يثبت للناس انو مش بيخلف بنات والعيب منك اسكتي انتي متعرفيش الرجاله قدي احنا ماصدقنا العمل يمشي واجوزك كماني هنعملوا عمل يحب خلفتك الشينه ياحيلت امك ياك
هند بدموع: _ بس انا مش كنت عايزه اتجوز وانتي اللي خططي لكل حاجه من الأول وجوزتنيي غصب عني
عزه: _ امال اجوزك لواحد كحيان يسود عليكي عيشتك وكل شويه تجي تقرفيني ياك بصي يابتي انتي هاتلي حاجه من اتره وانا هروح لشيخ يكون مبرووك وهخليه مش يشوف غيرك ويحب علي رجل كماني ولما يجي الواد هتاخدي كل حاجه بيه ومحدش هيقولك تلت التلاته كام
هند: _ بس انا خايفه يامه جوي
عزه: _ لاه اوعي تخافي طول مانا جنبك
هند: _ يامرك ياهند لو ادهم عرف الحقيقه هدبح كيف البهيمه ولا حد هيسمي عليكي