عشق الأدهم لميفو الجزء الأول

في بيت من بيوتنا الطيبه المليئه بالحنان في احدي الاماكن العاديه كبقيه العوام.. نجد بطلنا ادهم يجلس منكبا علي احد الاوراق والمشروعات وكان منهمكا بشده فهو منذ الصباح يعمل في مشروعه وامل حياته لتدخل عليه من تتسحب من خلفه لتدغدغه في جنبه ليلقي ما بيده مخضوضا لتضحك هيا بشده..وتقفز تضربه في ضهره..لينظر اليها بعدم حيله من َمشاكستها ويتنهد .._ مش… هتبطلي عادتك دي بقه وتعقلي..
فاقتربت منه وقالت.._ لا مش هبطل وان كان عاجبك ليضحك علي روحها الجميله…
ليقول بحب.._ من جهه عاجبني دا عاجبني وبموت عليه والله
واستدار ونظر اليها ليتذكر مشَواره معها فهي حبيبته التي يعشقها منذ الصغر والتي تربت وترعرعت امامه وتغلغلت بالبطئ وعافر كثيرا لكي تكون له.. فهي جارتهم في البيت المقابل لبيته تسكن مع والدتها وهو يملك هذا البيت ووالدته.. بيت صغير مكون من دورين بسيط ولكنه سعيد به وهيا سعيده به.. فحبه لها نشأ و َترعرع وتغذي علي مر السنين فاتنه حياته عشقه حبببته… كان كلما كبرت يكبر َمعها حبه حتي تمكنت منه وكان.. وكانت هيا تلاحظ ذلك وتبادله الحب في صمت.. وكان والدها رجلا صالحا طيبا لا ينظر الي المال.. فادهم تخرج من كليه الهندسه ويعمل في احد الشركات الصغيره نسبيا ولكن عنده احلام ومشروع عمره الذي مان ينهيه سيحدث قفزه في عالم المصانع وكافح حتي وصل الي حب عمره كان يراها تكبر وتتهافت عليها العرسان منذ ان كانت في السادسه عشر وهيا ترفض لانه اصبح له مكاننه في قلبها وتتمني ان يبدي لها شيئا اخر غير النظرات المتلاحقه.. كان كل منهم يتمني الاخر في صمت الي ان تمت الثامنه عشر فلم يعد يطيق كان هو قد تعين واصبح له راتب ليس مجزي ولكنه معقول غير مشروعه. امل حياته ليذهب يوما ورائها ليوقفها وهو يشعر بالحرج ويقول.._ انسه عشق ممكن دقيقه
فقفز قلبها من َمكانه فقاالت.._ خير يا بشمهندس..
فابتسم انها تعرفه فقال.._ انا كنت عايز.. عايز يعني..
فهتفت بهمس.._ قول سمعاك والله اهوه ومستنيه تقول..
فاحس بالتشجيع.. وقال .._ كنت عايز اجي اتقدم يا تري هتوافقي لو جيت..
فنظرت اليه بخجل وقالت.._ بابا في البيت الكلام معاه هوا
وانصرفت بعد ان اعطته ابتسامه رائعه ليرجع سعيدا حالما ليذهب الي والدها وكان رجلا طيبا ويعرف ان ادهم محترم ليوافق ابيها عليه ولكنه طلب كتب الكتاب لانه لا يحب ان يدخل عليهم بدون اذن شرعي فسال عشق فوافقت على الفور ولكن امها اقامت الدنيا حريقه وسابت البيت لفتره لتعود مجبوره يوم كتب كتاب ابنتها ومن يومها. وهيا تغل منه بشده وتكرهه وتتمني لو تخلع قلبه من ضلوعه.. كانت ام صعبه قاسيه ماديه وكانت تعلم ان ابنتها تتهافت عليها العرسان ووهناك صاحب الاموال كامل الذي طلبها اكثر من مره علي اي شروط منهَ
وتمر السنين وبعد كتب كتابها مازالت امها تحارب بضراوه فكانت تمقته بشده لان عشق جميله جدا وتستحق في نظرها من معه اموال فهو مازال مغمورا وراتبه ليس عاليا… الا ان والدها اصر وايضا عشق فكانت في الثامنه عشر وكان من المفترض ان يتزوجا بعد ان تدخل جامعتها بسنتين ليستطيع ان يجهز فيهم نفسه لتصاب هيا بفاجعه موت والدها الحنون لتنقلب حياتها مع امها لجحيم ولكنها تعشق حبيبها ولا تعير امها اهتماما وهيا تسمعها وتسمعه افظع الكلام كانت لا تتواني عن افتعال المشاكل لكي ينفصلا ولكن محال فالحب روابطه بينهم كبيره وكان هناك الكثيرون يريدون عشق ومنهم من يمتلك المال الوفير ولكنها اختارت قلبها وحبيبها ادهم لتمر اياَمهم معا ما بين السعاده والحب يتخللها هم اسود من والدتها
كانت والدته ست حنونه تصبره علي هم الدنيا منذ ان توفي والده في الصغر فكان طيبا للغايه لا يعرف معني الغل او الكره كان صادقا حنونا صريحا محبا لحبيبته.. يتناغما معا ويسمع كلامها وهيا تسير علي دربه.. كان الخلاف بعيدا كل البعد من شده العشق فيها عشقه الوحيد.. عشق الادهم.. كان قد مات والده وترك لهم ذلك البيت الصغير المكون من حجرتين وصاله صغيره تكفهم من حوج الدنيا وكان هو يعمل ويكافح يعمل صباحا حتي المساء ويعكف علي مشروعه حتي ينهك ويتعب وكان عشق بالنسبه له روحه التي يتنفسها فهي حنونه وتعطيها من حبها اشكالا
ظل يسرح هكذا حتي زغدته في كتفه وقالت.._ واد يا ادهم انت سرحان في ايه نهارك مهبب ا انت سرحان وانا معاك
ووضعت يدها في خصرها.._ سرحان في مين يا نن عين خالتك…
فضحك وقال .._ ايه يا بت يا زقرده هتردحيلي اشحال ماكنتي شبر.ونص..
فهتفت .._ لا ياخويا انا اللي حلوه وصغننه انت اللي دصنانور اد كدهون ولما بتزعل بتقلب غرندايزر بس علي مين اياك تتغر بالعضلتين دول وتستقوي عليا دانا انفخك..
ليضحك.._ هتقري عليا وانا برضه استقوي عليكي استقوي علي قلبي دانا اموت ساعتها
ردت .._ سلام يا اخويا ولما خاصمتني يومين كاملين ومسكت دراعي جامد مش استقوا ده.
ليهتف بمراضيه.._ طب بزمتك كنت غلطانه..
فخفضت راسها .._ اه كنت غلطانه بس كامل رخم وابوه راجل طيب ومحبيتش احرجه..
فهتف.._ انت عارفه اني بموت عليكي وبالذات سي زفت ده وكان ممكن نتخانق بسببك
كان غاضبا…فوضعت يدها علي قلبه .._ يعني ممكن في يوم تتخانق عشاني يا قمري..
فهتف .._ دانا اهد الدنيا..
لتقول بعشق.._ عارف يا ادهم رغم انك طيب كدهوه بس لما بتقلب بتبقي وحش شويه صغننه.. اوعي يا عمري في يوم تقسي عليا.. انا ماليش غيرك يا قللبي .. اوعي فيوم تنيمني زعلانه اوعدني تفضل تحبني كده لحد مااموت
فهتف.._ ليه السيره دي دانا اموت وراكي َ…
فتنهدت وركنت راسها علي كتفه ثم قامت.. وخبطته .._ ماتخدنيش في دوكه كده يلا اعترف سرحت في ايه اياك تكون شفتلك شوفه وانت حلو وامور كده والبنات في الشركه اكيد بيموتو عليك.. عارف لو قربت من صنف ست اشقك نصين انت بتاعي انا يلا اعترف كنت سرحان في ايه…
فاقترب منها بهيام .._ هكون سرحان في ايه الا حته العشق اللي حيلتي
فاحمرت خجلا فشدها اليه .._ والنبي قمر لما تحمري كده باكل في نفسي.. ماتجيبي ابت..
فزقته وقالت.._ ماتحترم نفسك ايه قله الادب دي..
فرفع حاجبه.._ يا بت انا جوزك..
فابتعدت.._ لا يا اخويا عيب بطل بقه لهنادي لطنط تلمك
فاقترب منها وحاصرها .._ طب ما توريني كده هتندهيلها ازاي
لتتسمر مكانها وهيا تتهته.._ ادهم.. بس..
فاقترب بهيام .._ ابس ايه بس انت..
ثم قام ونزع حجابها ليتساقط شعرها امام عينيه وهتف بها .._ ميت مره اقلك تدخلي الاوضه دي مالقيش البتاعه دي علي راسك.. الا انا من ساعه مشفت تاج النور دا وانا بموت عليه واحب كده اشوفك قمر قدامي وامسكه بايده واملس عليه.. مش مصدق اني معايا حاجه حلوه ومنوره كده انت حلوه اوي يا عشق.. وشعرك يجنن.. يالهوك يا ادهم عاللي بين ايديك..
فهتفت.._ طب يا اخويا مانت اللي لبستهولي..
فهتف بعشق.._ عشان كنت هتجنن وانت ماشيه تدلعي كده والناس بتبص علي جمال حبيبي.. انت بتاعتي انا مايبانش منك طرف الطرف لجنس مخلوق انما معايا حاجه تاتيه يا قلب الادهم . لتنظر اليه بحب ليقبل راسها ويقول انت عارفه انا بحبك اد ايه..
فهتفت .._ عارفه بس احب اعرف تاني..
فضحك منها وقال .._ هاتي كده ايدك
وقال .._ لو حطتيها علي قلبي هتلاقيه مولع.. بيقول عشقي وبس.. انت كل حاجه ليا وبعد الايام اخدك في حضني حاسس اني هطلع دخان كَمان شويه.. انت مش حاسه بيا يا عمري ..
فهمست.._ ادهم..
فهتف.._ عيونه ودنيته..
احست ان الموضوع سيتطور فقالت.._ ابعد بقه انا مش هعرف ابعدك
فهمس في اذنها.._ وليه يا قلبي ما تبعديني هو انا ماسكك..
لم تتكلم فرفع وجهه ليبتسم من خجلها بحب وهمس وقال ببحه عاشقه.._ حطي ايدك كده وحط يدها علي كتفه.._ وزقي.بس عمري راح في حته تاتيه انا عارف..
لم تنطق وهامت به وبحبه.. فضحك بشده…لتفوق من هيامها به.. لتخبطه وتقله .._ هزق ديناصور امشي اواد…
ليبتسم ويشدها .._ عمرك هتفضلي جوايا ولا يوم تبعديني عنك ابدا يا قلبي
واقترب من وجهها بحب وهيام لتهرب من تحت يديه وتذهب الي مشروعه.وتقف مرتبكه ليهز راسه ويتنهد ويذهب اليها..وهيا تهتف.._ واد يا ادهم..
فجاء وخبطها علي راسها .._ ماتلمي لسانك..
فقالت.._ ماشي يا عم مازنجر.. المشروع ده هتخلصه امتي نفسي اشوفك اشهر مهندس في مصر.. بس اوعي يا واد تنسي الحته الطريه بتاعتك دانا اقتلك… وتعمل عليا بقه صاحب شركات وانا بقه الغلبانه اللي تجري وراك دانا ساعتها اقتلك واقطعك حتت
فضحك واقترب .._ واهون عليكي يا عمري..
تنهدت وقالت .._ تهون ايه بس دانت جوا قلبي يا واد…
فهتف.._ لو كبرت مهما كبرت هتفضلي ملكه احطك في قلبي واشيلك علي راسي مهما حصل
فتنهدت وهتفت .._ بس قلي طمني عليك ..
فهتف.._ هانت يا عمري فاضل حاجات بسيطه وكان فيه عميل تقيل في الشركه لمحت ليه بالمشروع انبسط وقالي سعتها هتنقل نقله تانيه واعيشك في العز يا قمر…
فهتفت.._ وهو انا مش عايشه في العز دانا عايشه معاك احلي ايام ربنا يخليك ليا مش مخليني محتاجه حاجه..
فاقترب وقال.._ مراتي بس تشاور اجبلك الدنيا
فهتفت.._ وانا مش عايزه الا ادهمي حبيبي انا وبس.
فهتف وقال .._ عارفه يا عشق ربنا بيحبني انه رزقني حبك واوعدك اني عمري ما هزعلك ولا ااذيكي هعيشك ملكه بس اللعبه تدور وساعتها هدوس وهكبر وانت جانبي وقدام عيني انا جوايا طموح مالوش حدود ممكن ابان غلبان وطيب بس حاسس ان اللي جاي هيبقي حاجه كبيره لاني تعبت وحاسس بالنجاح..
لتنزل دموعها من كلامه لتذهب اليه .._ بكره تبقي اشهر مهندس في مصر وابقي قول عشق قالت
ثم قامت وقالت.._ يلا بقه همشي الا ماما سيباها بتجيب جاز ربنا يهديها…
فهتف ضاحكا.._ ومن امتي هيا بطلت دا. غيه عندها
فاقتربت منه بحنان.._ ادهم حبيبي وحياتي وحيات عشقك اوعي تزعل هيا. ربنا خلقها كده… بكره نتلم في بيت ونقتصر ..
ليقول بحب.._ ومين قالك اني زعلان دانا حتي ببقي مبسوط عشان لما بتعمل حاجه بتيجي انت يا قلبي علي طول تصالحيني وانا مابصدق …
فهتفت ومسكت يديه وقالت.._ انا بحبك اوي….
فشدها .._ مش زيي يا قلبي دانتي مختومه جوايا
ظلت فتره تتنهد .._ طب سيبني بقه امشي…
فتنهد .._ مش عايز.. عايزك تفضلي معايا كده علي اطول
لتهمس.._ بس يا ادهم مش مستحمله والنبي..
ليبتهج وقلبه يدق.. ويرفع وجهها.._ مش مستحمله ايه يا عمري.. َماتقولي يا قلبي
كانت هامت به وقلبها سيقف من فرط انفعالها.. ليهمس.._ وهو انت لما تسهمي كده وتسخسخي في ايدي انا اللي هستحمل
فتنهد وقال.._ يا غلبك يا ادم افوقها ازاي دي وانا هموت عليها
اقترب من خدها وقرضه لتفوق وتخبطه علي صدره.._ايه ده حد بيعمل كده وجعتني يا رخم..
ليشدها .._ طب اعمل ايه وانت بقيت مفيش بين ايديا ههجم عليكي وانت حلوه كده قلت افوق حبيبي اللي هيمان فيا يا لهوي هموت وربنا..
لتخبطه.._ ماتحترم نفسك ايه ده اوعي كده انا ماشيه يا رخم
الا انها ابتعدت وابتسمت ثم تركته وذهبت. وجلس هو يحاول ان يستعيد نفسه بعد كم المشاعر هذه.. لتقول لها والدته.._ هتمشي يا عشق..
فهتفت.._ اه يا طنط انت عارفه ماما هتنيل عيشتي.. يلا اشوفك علي خير
وذهبت وقبلت راسها فهي سيده حنونه بشده يعشقها كل من يعر فها
ذهبت عشق واكَمل ادهم انهماكه في اوراقه بعد ان اخذ جرعه من حبها لتشجعه علي اكمال مشروعه فهو كل امله ان يكبر وتكبر حبيبته معه ليعيشا معا بعيدا عن اي احد
..ذهبت عشق الي بيتها لتقابلها امها.لتقول.._ شرفتي يا سنيوره
لتستغفر عشق.. وتدخل في صمت لتبدا امها موشح كل يوم وكل ساعه.._ انت يا بت جبله مابتحسيس جايه من عنده وهو معبركيش ويجيلك
فهتفت.._ هيجي ليه يا ماما عشان تنغصي عيشته..
فهتفت والدتها بحنق.._ ودا بيحس. البعيد معندوش دم محناش عايزينه ولابد زي القراضه..
فهتفت عشق.._ انت اللي مش عايزاه انا بقه عايزاه دي حياتي يا ماما غلبت اقلك..
لتصرخ امها.._ ابوكي ادعي عليه وهو ميت انه وقعنا في الوقعه الزفت دي.. هو السبب
فصرخت عشق.._ مالكيش دعوه بابا حرام عليكي..
فصرخت فيها اجلال والدتها.._ حرمت عليكي عشتك يا فقر بقي فيه واحده تسيب كامل ابن الحج عبده اللي عنده شئ وشويات وهيموت عليكي.. انت هتعيشي يا فقر في اوضتين مع عيل وقيع.. فقران يجبلنا الفقر ونسيب العز اللي بيترمي تحت رجلنا.
فصرخت عشق.._ كامل ايه وزفت ايه الصايع البلطجي اسيب المهندس ادهم عشان الساقط ده.. لا يا حبيبتي انا مش هسيب جوزي ولو قتلتيني فاهمه فريحي نفسك بقه واهدي لو فيها موتي ما هسيبش ادهم… والي يشاور عليه هعمله وانا دلوقتي تحت طوعه ومراته وبتاعته.. انما سي كامل بتاعك ده يروح ياكل طين مش هيحصل
وتركتها ودخلت حجرتها وامها تغلي.._ يا حزنك يا اجلال حته البت اللي حيلتك فلقه قمر تتجوز المعفن ده الفقران الكحيان.. مش طيقاه يا عالم لا في سما ولا في عما واحنا معاش الراجل مبيكفيش صحيح بجز منه علي ما اد َاقدر بس لا مينفعش .. يا قهري ياني الواد كامل واد عسل ومعاهم فلوس بالكوم هنغرق فيها.. بس لا يمين بالله ما يحصل دانا اموت محصوره.. ابوكي السبب وقعنا. وحلنا منه لله…. البت قلت بتكبر والرجاله هتتهبل عليها وهتجوز جوازه تنقلنا تقوم الفقرانه تجبلي الجربوع ده.. طب يا عشق ان ماكنت اخليكي تسيبيه مابقاش اجلال.اصبري واتقلي يا بنت بطني مش انا اللي ارمي بنتي الراميه دي.. مش انا اللي اسيب العز واتمرمغ في الفقر.. ماشي يا عشق اصبري عليا دانتي هخليكي انتي اللي تقولي يا ماما مش عايزاه وتروحي تقوليله. هتشوفي امك هتعمل ايه…
كنا قد تركنا ام عشق تاكل نفسها من كرهها وغلها لادهم فكانت تظنه لا يستحق ابنتها لتقوم وتاتي بتليفونها وتتكلم مع كامل ليرد عليها متلهفا.._ ايه يا طنط فيه جديد..
فهتفت بحقد.._ لا مفيش زفت شوف بقه يا كامل شفلك صرفه للواد ده يخفي من سكتها خطط لحاجه انا مش قادره عليها.. انت شاب زيهم وتعرف كويس ايه اللي يوجعهم ويبعدو عن بعض البت قافشه. بنتي هبله وصغيره والواد ساحرلها وربنا.. البت بتتحول لو جبت سرته اتصرف وانا من ايدك دي لايدك دي
فهتف وقال.._ طيب يا طنط طالما ادتيني الضوء الاخضر هفكر وامخمخ واتصرف وابعد الجربوع ده عنها.. عشق ست البنات لازم تنام في العز….
. لتهتف هيا.._ ايدي في ايدك يا كمل يابني واللي تشاور عليه هعمله..
فهتف.._ ماشي يا طنط سيبيني يومين كده واضبط الموضوع
ليقفل معها وهيا تمني نفسها بزواجه ملوكي… اما الاخر فظل يفكر كيف يبعدهم.._ متنفعش الخيانه مش هيصدق فيها ولا هيا هتصدق فيه.. مينفعش الفلوس بت فقر مالهاش في الفلوس.. امال يا كامل امال يا كامل لتلمع في راسه خطه ملوكي.عشان يوصل لازم الغرزه تبقي صح وساعتها بخ طار ادهم
وظل يضحك ليذهب لتنفيذ خطته ليفرق بين الحبيبين…
في مكان اخر في شركه ادهم كان ادهم يجلس في عمله كان شخصا طيبا هادئا ليس له في المشاكل حنون يحبه الكل ويحترمه لطيبه أخلاقه وسمعته ليدخل عليهم رجل الاعمال الذي كلمه قبل ذلك عن مشروعه وقال.._ ازيك يا ادهم عامل ايه..
فهتف.._ بخير يا باشمهندس عصام..
ليقول له.._ هتخلص امتي انا علي فكره مستنيك بس متروحش من ورايا وتديه لحد ليفرح ادهم بشده ويقول..
ليقول ادهم.._ لا انا وعدتك َخلاص تقريبا هيكون تحت ايديك..
ليهتف عصام.._ تصدق يا ادهم ساعتها هتبقي شريكي في المشروع وهيفتح علينا ابواب خير من وسع.. عشان انت مجتهد ومحترم وانا بتأمل خير فيك
ليسعد ادهم بشده ويشعر ان ايامه القادمه خير كلها ثم يستاذن عصام ويجلس ادهم يفكر وهو سعيد ثم تاتي علي باله محبوبته ليرفع الفون ويتحدث.._ يا صباح القشطه يا قشطتي.. كانت هيا لم تفق بعد..
لتهمس .._ صباح الخير يا قلبي…..
فهتف.._ انت نايمه يا قلبي وانا اقول قلبه مسخس من صوتك ده ليه…
فقالت.._ صباح الخير يا حبيبي لا مكسله اقوم اعمل ايه مانت مانعني من الشغل فهتف..
فقال.._ ليه متجوز دكر بط.. لا يا عمري انت تخلصي جامعتك وتقعدي هانم كده..
لتهمس .._ ربنا يخليك ليا يا قلبي..
فهتف.._ ويخليكي يا فرحه حياتي.. كنت بفرحك ان قريب مشروعي هيشوف النور..
فقفزت بسعاده .._ بجد يا روحي بجد..
فهتف.._ والله يا روح الروح ادعيلي..
فقالت.._ يالهوي يا ادهم دانا مابسيبش فرض الا وادعيلك يا عمري
ظلا يتحدثان لبعض الوقت ليقفل ويعود لعمله لتنام. تتنهد وتتخيل ايامها القادمه معه بههيام
قامت عشق من نومها وصلت فرضها ودعت لزوجها بالخير والصلاح ولبست ونزلت لتشتري بعض الاشياء لتعود في المساء ليمشي وراءها كامل ليعترض طريقها ويقترب َمنها ويقول.._ ازيك يا عشق ايه الصدفه دي احلي صدفه في الدنيا..
فتاففت لتقول كامل.._ من فضلك ماتعمليش مشاكل.
فهتف مستنكرا.._ واعملك مشاكل ليه يا بنت الناس دانا بعزك اوي وانت مش عايزه تحسي..
فهتفت.._ من فضلك انا ست متجوزه ابعد عني..
ليضحك ويقول.._ انت متجوزتيش يا عشق عشان ابعد… انا مش عارف انت ازاي كده يا بنت الناس انا بحبك ورايدك بحلال ربنا وطلباتك وطلبات والدتك من الالف لمليون وشبكه ماحدش جابها.. َماحدش هيحبك ادي…..
لتهتف بغضب .._ انت اتجننت ايه ده فلوس ايه وزفت ايه انا مش بتاعه فلوس يبقي تحترم نفسك يا ريت بقه وتوريني عرض كتافك تعرف تحس يا اخي مش طيقاك انت ازاي كده وبقلك ابعد عني انا هتجوز ادهم واياك تتعرضلي تاني. يمين بالله لاكون مصرخه ولاَمه عليك الناس.. انت تحس علي دمك وابعد عني بقه دا ايه القرف ده
وتركته ومشت وهيا غاضبه ليهتف ويقف امامها.._ طب يمين علي يمينك ما انت متجوزاه ولو انطبقت السما عالارض يا عشق اذا كنت مش هتتجوزيني يبقي لانا ولا هوا وابقي افتكري اوي ساعتها هتجيلي راكعه ارحمكو.
وتركها وذهب والغل يملا قلبه شعرت عشق بالخوف علي حبيببها فاحست ان كامل مجنون… فهتفت.._ يا رب احفظلي حبيبي..
كان ادهم من بعيد قد اتي بعد انصراف كامل ليري كامل بعد ان انصرف ليذهب اليها وقلبه مشتعل لياخذها من يدها عنوه ويصعد بها شقته وما ان دخلا حتي صرخ بها.._ انت ناويه علي موتي صح اقتلك الواد ده عشان ترتاحي وتقف معاه كويس..
لتنفجر بالبكاء ولم تستطع الرد من تجنيه عليها
لتأتي والدته.._ ايه يابني انت اتجننت بتزعق كده ليه
ليهتف بعنف.._ ماما من فضلك متتدخليش
وقام واخذها من يدها ودخل حجرته وقفل الباب.. وظل ينظر اليها والغيره تنهش قلبه ومنظرها يوجعه.. ليقترب ويقول.._ انت بطلي عياط بقه الله وكلميني..
لترفع نظرها والدموع تنزل من عينها وقامت لتقول.._ انا عايزه اروح سيبني اروح
ليهتف بغضب.._ لا والله تروحي معيطه دا اللي فاكراني هعمله
ليغمض عينيه يحاول ان يسيطر عليها ليجلس بجوارها ليحاول ان تقوم ليمسكها.._ طب اهدي وقولي اهوه بتكلم بالراحه.. واقفه مع الزفت ده ليه…
كانت خائفه من ان تقول له شئ لتقول.._ انا موقفتش هو اللي وقفني يصبح وانا سيبته ومشيت.. اعمل ايه يعني..
ليهتف ساخطا.._ بيصبح بتاع ايه عليكي..
لتصرخ فيه.._ وانا مالي طيب الله
وكانت تبكي بشده من شدها له وزعيقه معها..ليظل واقفا ينظر اليها بلا حيله يعلم انها لم تفعل شئ ليقترب بهدوء ويمسك يدها لتسحبهم منه…ليقول.._ يا عشق انا بغير عليكي موت اعمل ايه ولما شفته ولعت..
ظلت صامته ودموعها تنزل.. ليقول.._ طب هتفضلي ساكته كده وتوجعيلي قلبي..
لتهتف.._ عايزه اروح سيبني امشي..
ليبتسم علي طفوليتها ليقول.._ وعايزه تمشي وتسيبيني والع كده مش تطفي النار اللي جوايا
لم ترد عليه.._ طب عايزه تمشي ليه يا قلبي وتسيبيني….
لتهب وتقوم وتقول بغيظ فهو سيصالحها ككل مره فقررت ان تذهب وتتركه.._ انا عايزه اروح ممكن بقي تفتح الباب ده..
ليقوم ويعلم انها غاضبه ليشدها اليه .._ طب القمر عايز يمشي زعلان كده ويسيبني اكل في نفسي.. رد عليا يا قلبي هتفضلي ساكته كده.. طب هصالحك طيب وانا مابصدق..
لتخجل منه وترد.._ تصالح ايه بعد ما شدتني في الشارع زي البقره وتزعقلي قدام والدتك انت فاكرني هبله هتصالح.. اوعي بقه عشان اروح..
.._ طب والله مانت معتباها الا وانا مصالحك ونايل الرضا
لتقول.._ ماتحترم نفسك.. انت بتزعق ليه وانا مليش ذنب طيب
وبكت مره اخري ليقترب منها بحب.._ والله ما ببقي حاسس بنفسي يا عمري بحس بالولعه شبططت في جتتي مابستحملش حد يقرب منك انت بتاعتي انا لحد اخر نفس
ظلت صامته.. ليقترب ويشدها لتحاول ان تفلت منه فيقول.._ اهدي يا قمري مش هتبعدي وانت حتي مكشره
ازال غطاء راسها وظل يتمتم بكلمات الحب والاعتذار حتي استكانت من حبها له لتقول .._ حرام عليك يا ادم انت بتبقي وحش وانت زعلان انا بتوجع منك كده ومستحملش كده
ليشدد عليها ويقول .._ انا اسف نفسي ادخلك ضلوعي بس اعمل ايه اخطفك واطفش بيكي يقولو الواد اتهبل..
لتتململ من احضانه وتبتعد.._ لا يا اخويا مش كل مره تزعقلي وتيجي تعمل كده وتصالحني انا هروح ومش هكلمك اسبوع بحاله..عشان تبقي تزعقلي كويس
ليشدها اليه.._ واهون عليكي اسبوع بحاله دانا اموت..
لتقول.._ اه عشان تبطل عصبيتك دي اوعي بقه كده مش كل مره..
لشدد عليها اكتر ويضحك.._ يا بت يا هبله انت ما هتخرجي من حضني ابدا فاعقلي كده.. دانت حبيبي اللي بتمناه من الدنيا.. الحته البت اللي هموت وتبقي بتاعتي تقوليلي سيبني اسبوع.. انا عارف انك هبله بس مش كده
لتخبطه في صدره .._ هبله ايه طب اوعي بقه وروح شفلك العاقلين.. ماهو خلاص انت تقعد مع الحلوين في شركتك تهزر وانا هنا تزعقلي.
ليضحك ويقول.._ اقعد َمع الحلوين.. والله ما فيه حلو وناعم غيرك يا قمري
ليرفع وجهها ويقول .._ والله بحبك.. انت قلبي اللي عايشله حتي شوفي
واخذ يدها ووضعه علي قلبه لتذوب فيه ليبتسم وقد هامت فيه كان يعرف تأثيره عليها ليقترب من وجهها ويهمس.._ هتفوقي والا اعمل ايه في نفسي
لم تتحرك من َمكانها .._ يا رب البت مسخسخه اروح فين صبرني يا رب اخدها بالحلال..
ليظلا فتره فاحس انه لم يعد قادرا ليهمس .._ عشق انت هتفضلي كده
لتهمس .._ هفضل ازاي..
ليقول .._ مولعه فيا يا بت انا جوزك..
لتتململ بين يديه .._ بس بقه يا دومي عيب كده
.._ وانت لما تقليلي كده هكون خلاص دا دومي دي بتسيب مفاصلي وانت قمر بين دراعي يا رب هعض في روحي كمان شويه
لتضحك وتقول.._ احسن عشان تبطل تزعقلي..
ليقول.._ وانا لو بطلت ايه النظام هسحسح يا قلبي..
لتبعده وتقول.._ ليه بقيت قليل الادب..
ليهتف .._ انا قليل الادب.. دانت غلبانه دا لسه الف به.. مشوار لحد الية.. يا لهوي هوصل هناك امتي يا عالم..
كانت تحاول ان تتركه ولكنه شدد عليها ليقول.._ ايه خلاص مش زعلانه.. انا حبيبي طيب وساعات انا بجحش كده بس حبيبي بيحبني.. مش كده يا حبيبي
ورفع وجهها لتبتسم وتهز راسها خجلا ليحملها ويدور بها وهيا تضحك ليهتف.._ طب ايه مش هتديني حاجه تبل ريقي كده قبل ماتمشي
لتتصنع الجديه وتربط شعرها وتقول .._ بس يا بابا قفلنا خلاص
وتهم ان تمشي ليوقفها لتتنهد بقوه ويقول.._ هتوحشيني يا حته من قلبي
وظلا هكذا فتره لا تتحرك ليهتف.._ طب ايه هتفضلي معايا كده وانا جتتي مش خالصه اتحرك يا وحش
لتشهق وتدفعه وترحل وهو واقف يتمني اليوم اللي هتبقي بتاعته ساعتها قلبه هيقف
.تركها كامل وهو يغلي والحقد بداخله ليهتف بحنق.._ بقي انا تفضلي عليا الجربوع الشحات ده ليه فيه ايه زياده ان ماكنت احرق قلبك عليه مابقاش كامل يا عشق يبقى ساعتها هتعرفي مين الدكر عن حق
ورفع فونه وتحدث.._ اهلا اهلا بالغالي.. ازيك يا كبير عايز اشوفك… لا يا عم مش عشان السهر والشرب لا عايزك وساعتها هضبطك واحلي سهر بس عايز اقعد معاك.. محتاج لدماغك السم دي الا انت استاذ وانا بحب الدماغ المتكلفه… لا مس عالتليفون لازم احكيلك وش لوش الكلام كتير وكبير.. وحلاوتك هتبقي عليوي اوي.. بس دماغك تضبطها كده وتصحصحلي.. طيب هقابلك بالليل ماشي نفس السهره اللي فاتت بس لوحدنا.. ماتتاخرش.. سلام يا غالي
لينهي المكالمه.._ اهوه ده بقه اللي هيجيب مناخيرك الارض يا عشق ومابقاش كمال ان ماكنت اعرفك انا مين..
في المساء كانت عشق قد جهزت كيكه الشيكولاته التي يحبها ادهم ويعشقها لتذهب اليه…لتهتف امها .._ راحه للمتعوس.. روحي ربنا ياخده عشان ارتاح ونرتاح كلنا..
لتستغفر عشق وتقول.._ بعد الشر حرام عليكي انت ايه يا شيخه..
لتهتف امها.._ واخداله كمان طفح طب يا بنت اجلال..
هتفت عشق.._ والله من خيره من كتر مابيجيب وشي بقي في الارض وانت مابتبطليش.. انت فاكره بكده هيزهق ويطفش والله لو عملتي ايه.. انا ماشيه يا رب ريحني..
فهتفت اجلال.._ يريحك ويريحني وياخده يا بنت قلبي…
خرجت عشق والدموع في عينيها وقد تعبت مما يجري معها لتقف برهه تتنفس وتذهب لحبيبها لتطرق الباب لتفتح لها والدته فقبلتها وقالت.._ ازيك يا ست الكل عامله ايه انهارده
فربتت امه على كتفها وقالت.._ في نعمه يا حبيبتي خشي تعالي.. ادهم جوا يا نن عيني ماعدش بينام قافل علي نفسه شغل في شغل خشي هوني عليه شويه
فاعطتها كيكه وقالت .._ طب دوقي بقه عمايل ايديا..
فهتفت الام بحب.._ تسلميلي با غاليه يا مرات الغالي
لتدخل هيا بهدوء لتجده منشغلا ومنهمك وظلت واقفه ووضعت ما في يدها عالكوميدينو وجلست عالسرير تنظر اليه بهيام ظلت فتره تنظر اليه كان منهمكا ليتنهد ويعتدل ويحاول ان يعدل جسمه ليتفاجا بجميلته تنظر له بهيام ليبتسم وتتسع ابتسامته .._ ودا من امتي ان شاءالله..
فضحكت.._ من زمان يا قلبي وانت مش هنا خالص.
فقام واقترب منها ليلاحظ الكيكه فيبتسم.._ لا وكمان عملالي كيكه ياقلبي دانت راضيه عني قوي..
لتقف وتذهب لتقطع له قطعه وتقول.._ طول عمري راضيه وهفضل راضيه يا نن عين وقلب عشق من جوا..
فاقترب واخذ يدها وظلت تاكله حتي انتهت ما في يدها فقال.._ تسلم ايدك
فابتسمت وقالت .._ عامل ايه يا حبيبي
فهتف بسعاده.._ هانت يا قلبي هانت خلاص اخر تكات وابقي عديت..
لتقفز فرحه وتدور وقالت.._ وتبقي المهندس باشا ادهم ليخطفها ويحملها ويدور بها.. لا ساعتها هبقي جوز عشق هانم مس هستني سنتين يا قلب ادهم ساعتها هخطفك واتجوزك ويبقي حد يقفلي.
فاحمرت وقالت.._ انت مجنون والله..
فانزلها واحتضنها بشده ليقول .._ بيكي وعليكي.. سعات بقعد اقول عملت ايه في دنيتك يا ادهم تستحق عليه الحب ده كله..
لتضع يدها علي فمه لتقول.._ عملتلي كل الحلو يا قلبي دانت الحلو االي في حياتي دانت اللي عايشه عشانه انت سندي وضهري انت كل حاجه ماليا..
هتف بحب.._ يا رب قرب الايام الا انا قللبي هيخرج من مكانه
تنهدن وقالت.._ انا همشي بقه يا قلبى وانت بقي ريح شويه
فهتف.._ اريح طب ماتخليكي شويه
فرفعت يدها وقالت.._ حكم القوي
فتنهد بغلب لتتركه مبتسما لفتره لا يفعل شئ يحس بسعاده طاغية لقرب نوله المراد
في مكان اخر ملئ بالمجون والموبقات نجد كامل جالسا علي نار ليدخل عليه احد الاشخاص.._ حمدالله عالسلامه يا باشا
فهتف القادم.._ لاانت طالما بتقولي باشا يبقي فيها حاجه كبيره..
فضحك كَامل وقال .._ من جهه كبيره كبيره.. ولازم دماغك السم دي…
فهتف فتحي وكان يعمل امين شرطه.. كان قذرا َعدوم الاخلاق ويستغل ما بين يديه من سلطه لايذاء البشر.. فقال فتحي.._ عنيا بس روقها الاول والطاسه تسخن وتلاقي معاك الحلو كله..
فاستدعي كامل الجرسون وطلب له مايريد من خمور ومايلزمه.. وهتف.._ بص بقه يا كبير انا عندي بت داخله دماغي اوي…
فهتف فتحي ضاحكا .._ شمال ولا يمين بس رسيني..
فهتف كامل بقهر.._ يمين ويمين اوي وتنهد
وفاردف فتحي.._ ايه ده دا البرنس واقع ل وشته..
لينفعل كامل.._ واقع دانا واقع ومتنيل..
فهتف فتحي.._ طب هو حد يرفض كامل باشا عز ونغنغه
فقال كَامل بغيظ.._ بت فقر ووش فقر وبتحب جربوع وانا هنجلط عملت معاها كل حاجه..
فهتف فتحي.._ طب ما تروح لاهلها وزغلل عينهم هيخلوها توافق..
هنا قال كَامل.._ يا عم امها معايا بس البت مكتوب كتابها وقافشه في الواد تقولش فلانتينو وهو حته جربوع ولا يسوي في سوق الرجاله..
ليقول فتحي.._ طب امها ساكته…
فهتف كَامل.._ امها مَاخلتش حاجه ماعملتهاش عشان تبوظ الجوازه ولسه البنت مههزئاني امبارح وقالتلي هلم عليك الخلق هموت من قهرتي..
اخذ فتحي كاسا وقال.._ اشرب بس ماعاش اللي يقهرك انت عايز ايه وانا اعمله اشدلك البت تجيلك راكعه
فهتف بسرعه.._ انت عبيط يا فتحي بقلك عايزها وهتجوزها عزيز تحبسهالي قبل ماخش بيها دنيا.. لا البت لا دا حته لوزايه مقشره ماتستحملش..
فصفق فتحي.._ يبقي خلاص العين عالننوس ونحبسه والا اقلك ماهو لو حبسناه البت هتقف جنبه..
فهتف كَامل .._ صح ماينفعش وحبسه هتلزق فيه اكتر ماهي الشرف هياكلها وهتقف جنب جوزها وقرف عليهم..
فقطب ذلك الشيطان قليلا ليقول.._ استني فيه حاجه في دماغي برتبلها اتقل كده وسيبني سيكه تركب بس ونقول براحتنا.. هيا الحته دي مافيهاش مزز والا ايه
فنادي كامل لتحضر فتاتان ليجلسا ويقضيا السهره َمعهم ليفعلا حرمات الله ويفكرا في أذيته
بعد مده صفر فتحي وقال .._ خلاص يا كبير لقيتها وادبت هتجيلك وتتحايل عليك كَمان
فقفز قلب كَامل وقال.._ والنبي يا فتحي..
فهتف.._ بس ساعتها حلاوتي كبيره..
فرد عليه كامل.._ حلاوه ايه دانا هغرقك فلوس بس رسيني ايه القصه
ليقول فتحي بفحيح.._ بص يا سيدي البت دي لازم نذللها الواد ده جامد ونحط عليه ونفهمها ان الواد ده مستقبله خلاص ضاع ونلبسه المصيبه التمام ونتقل شويه ماشي تخش انت بقه بالتقيل كلو انك تقف جنبها ونحاول نفهمها اننا هنطلع الواد…
فهتف كامل .._ ماهو لو لبس نصيبه هنطلعه ازاي..
فهتف فتحي.._ يا عم اتقل انت مالك طلقك حامي كده.. احنا هنلبسه النصيبه ونخرجه منها بمعرفتي انا ليا سككي مالكش دعوه.. تقوم انت بقه رجل علي رجل كده ترحلها وتهددها مش هيا بتحب الننوس. يبقي خلاص تشرب بقه.. يا مستقبله يروح في داهيه يا تطلق منه وتتجوزك ونخرجه غير كده بخ الواد راح وتقعد تغني ظلمو انما لو لبس النصيبه كامله ماهعرفش اخرجه..
صمت كامل ليدور الكلام في دماغه.._ وساعتها البت هتخليه هو اللي يطلقها وهيا اللي هتطلب الطلاق عشان تسيبه.. ايه يا واد الدماغ دي سم فعلا..
فضحك فتحي .._ عيب عليك دول شويه عيال.. لعب يعني.. فهتف كامل لا وحياه ابوك لعب ايه انا عايز شغل شغل تقيل عايز احرق قلبها عليه وتجيلي راكعه.. عايز اعرفها انه مايسواش واني كل حاجه.. انا اه عايزها بس خلاص عايزها مزلوله اتمتع بيها وهيا كده..
ليقول فتحي.._ بص بقه بس ما ينفعش اللي هنفذه يبقي من غير حد معانا من عندهم..
فقطب كامل وقال.._ ازاي يعني..
فاردف ذلك الحقير.._ يكون معانا عميل يا واد جاسوس…لازم حد من جواهم معانا..
فهتف كامل.._ ما فيش الا امها معايا تالت ومتلت..
فسكت فتحي ليشرب قليلا وقال.._ والوليه دي ضمنها يعني ساعه الجد ماتكشش ويصعب عليها بنتها والواد وتخربلي الدنيا..
فقطب كامل جبينه وقال.._ لا ما يتهياليش..
فرد عليه.._ لا وحياه ابوك يتهيالكش ازاي لااااا دا احنا عايزين موافقه بختمها..
فهتف.._ طب استني.. وفتح تليفونه وكلم اجلال واخبرها بالحكايه وقال.._ اسمعي يا حاجه اجلال دلوقتي انت نظامك ايه نخش بصدرنا وانت في ضهرنا والا ساعه الجد هتخلعي وتقليلي بنت وحرام والنحنوح يصعب عليكي..
فهتفت اجلال بحقد.._ لا يا كمال انا معاك دوس وافرم وهتلاقيني راشقه في ضهرك..
ليقول.._ يعني اضغط بنزين يا طنط اجلال واخد الضوء الاخضر انا هنفذ وساعتها ماتجيش تنحيلي علي بنتك
فهتفت اجلال.._ ليه هو انت هتاذي البت..
فصرخ فيها.._ انت اتجننتي هاذيها اذاي وانا عايزها لا العين عالمحروس هننفخه ونشيعه…
هتفتتت اجلال .._ هتعمل ايه طيب فهمني..
فقال .._ هحبسه ايه رايك..
فهتفت.._ يا نهار اسود هتحبس الواد.. لا يا كمال انا اه بكرهه انما حبس وسجن ويضيع مستقبله خالص.. مش كده نعملها ازاي وانت فاكر ان البت هتسيبه دا هتلزق فيه اكتر..
فقال.._ لا يا طنط هنخرجه بس هيا اللي هتطلب وهنعرفها ان في ايدنا نخرجه..
انتفخت اجلال وقالت.._ يا دين النبي وساعتها تروح تخلعه ويبقي الدنيا تمام.. خلاص يا حبيبي تماما يا نن عين خلاص هتنفذ امتي..
فهتف .._ اتقلي بقه بنمخمخ اهوه وكلها سيكه ويطير.بس بقلك اي طلب هتنفذيه مهما كان
ففرحت اجلال.._ عيني انفذ وانفذ بخت يطير مايرجع
قفل معها والتفت لفتحي.._ خلاص الوليه امها معانا تالت ومتلت دوس وافرم وكلنا وراك بس قلي بقه هنعملها ازاي دي وعايزنها مترقده صح عشان ماتجيش في النص والبت تفلت..
فضحك فتحي .._ عيب عليك دانت معاك واحد كيفه يلبس قواضي
فضحك معا وظلا تسامران وبدات خطتهما لتنفيذ مخططهما الشيطاني ليتواتي لشخصا حقير الفرصه لاذيه البشر باستغلال نفوذه واخر يقتل قلوبا ويفرق مابين المتألفين بكل دناءه وحقاره.. فالحب لا ياتي عافيه ولكنه الطمع وسؤء النفس.
بدا كل من كامل والامين فتحي التخطيط لتفريق عشق وادهم بمباركه شيطانيه من ام عشق التي تظن ان بالمال فقط يسعد الانسان ولكن القلوب تنشف من قله الحب ولا تروي بالمال
هنا هتف كَامل.._ قولي بقه ورسيني عالحوار هنلبسه نصيبه ازاي
فنظر فتحي بخبث وقال.._ بص بقه هو كيس بودره بيضه تندس في هدومه يابس وش قضيه وتتفصل عاي مقاسه..
فقطب كامل.._ بودره بيضه يا نهار اسود هروين ودا هنجيبه منين يا عم دا ياخد اعدام ولا هنعرف نطلعه…
فضحك فتحي وقال .._ ما تهدي يا عم انت.. هيا هتبقي بودره بيضه بس نضيفه.. بودره تلج اللي بيحطوها للعيال
فهتف كامل .._ الله ينور تمام بس دي هندسها ازاي والبوليس هيعرف انها فشنك يبقي مش هيتقبض عليه..
فقال فتحي.._ يابني مش امها معانا تتصرف وتحطهم للواد زياره اي حاجه الستات هيعروفو قولها بس… اما بقي البودره هتاخد وقت علي بالي ماتروح المعمل وتتحلل عيش بقه يكون الواد استوي جوه وهوصي عليه يتسوي وساعتها البت هتركع وتنخ علي طول نطلعلها الواد وتسيبيه والا يلبس مؤبد وتتجوزيه سبعينيه…. ساعتها هتقلك امين والحقني يا كوكو
ثم ضحك وجلس كامل منتفخا.._ تصدق يا واد يا فتحي انت دماغك سم السم ومتكلفه وحلاوتك من دماغك يا واد
فهتف فتحي.._ من بعض ما عندكم انت تأشر بس يا كبير
وظلا يتسامران معا ويكملا خطتهما لتكتمل المصائب التي ستحل علي رؤسه الاحبه وتصبح عشق مجبوره علي ترك ادهم
كان ادهم قد انتهي اخيرا من تحقيق مشروعه ليذهب الي عصام رجل الاعمال ليتفق َمعه علي المخططات الموضوعه لاقامه المصنع والعماله والتطوير في المكن ومستلزماته وكان مشروعا عملاقا يحتاج لمال كثير فعصام ينوي شراكه ادهم هو بالتصميم والاختراع. وعصام بالمال لتبدا حياه ادهم في التغير ويضع اول اقدامه علي سلم الصعود قرر ان لا يقول لعشق حتي يمضي العقود وفي طريقه ذهب الي محل الذهب ليشتري لها شيئا بهذه المناسبه ليجد سلسله رقيقه فيها قلبين بسيطين مفرغين كانت مفصله بالجمال لتوضع علي ملكه الجمال اخذها فرحا ولفها وانتظرها لتاتي الي البيت كانت هيا قد اعدت نفسها لتذهب اليه وتنتظر رجوعه من عمله وان يستريح قليلا لتذهب وتنقر الباب ليفتح لها ويحملها فورا ويدور بها لتنصعق وقلبها يرجف وتقول.._ اخص عليك يا دومي خضتني….
وظل هو يدور ويضحك وهيا سعيده لينزلها بهدوء ويقول.._ وحشتيني وحشتيني وحشتيني..
فنظرت اليه بحب.._ وانت كمان يا قلب عشق انت وحشتني اوي
تنهد.. ويقول.._ مش عايزك تبعدي عني ابدا مش عايزك تخرجي من حضني دا ابدا.. اعمل ايه يا ناس بحب وعقلي هيخف قريب..
فضحكت وهتفت.._ مزاجك رايق اكيد فيه حاجه حلوه
اقترب منها وشدد عليها.._ هيا حلوه بعقل
ليزيل حجابها ليتساقط شعرها ليهتف.._ شوفي حلوه ازاي
ليرفع وجهها.._ بس ايه يا رب اعمل ايه.. ويقول قريب اوي هتبقي بتاعتي وفي بيتي ومافيش حاجه تبعدني عنك
لتضحك وتضربه وتقول.._ اتلم بقه
فاخذها وذهب بها للمرأه واخرج العلبه وفتحها ليضعها امامها لتندهش وتقول.._ ايه دي
فهتف.._ افتحي وشوفي
لتفتحها لتجد القلبين يضويان من جمالهما لتشهق وتندهش وادمعت عيناها واستدارت بسرعه وقالت.._ حلوه قوي يا قلب عشق.. تحفه يا دومي ايه الجمال ده…
فابعدها وقال.._ الجمال كله قدامي دي حاجه بسيطه لو طلت اجيبلك دهب الدنيا كنت جبت..
فهتفت .._ وانا مش عايزه الا انت.. انت الدهب االي منور حياتي.. عارف يا ادهم انا من كتر حبي ليك بخاف عليك مني اه والله وساعات اقول لو يوم بعدت عني اعمل ايه اموت نفسي اهون ليا..
فهتف.._ ودا مين قالك ان ممكن يحصل انت هبله دا بروحك يا قلبي تسيبيني دا اقطم رقبتك
فضحككت.._ تصدق رومانسي قوي..
ثم ادارها َرفع شعرها ووضع السلسله وهو ينظر اليها بحب .._ دلوقتي السلسله هيا اللي نورت..
كانت تنظر له في المرأه وتضع يدها علي السلسله تتلمسها.._ عارف يا ادهم السلسله دي بقت زي جلدي خلاص يوم ماتتقلع يوم مابقاش موجوده في الدنيا.. السلسله دي قلبي وقلبك اللي استحاله ينفصلو.. يوم ماموت تبقي جنبي.. دا حاجه كده زي عهد بيني وبينك اقوي من اي رابط ان عمري ما اقلعها وان وجودها معناه قلبك معشش جوايا وحبك مالي حياتي ..دي حبك اللي مغروز ج جوايا.. طول ماهيا لامسه قلبي طول مانت حبيبي ودنيتي..
احتواها بشده متاثرا بكلامها وهو يهتف.._ انت ازاي جميله اوي كده.. ربنا يخليكي ليا واقدر اسعدك…
لتلتفت اليه وتمسك يده وتقول.._ انا عارفه انك هتسعدني وهعيش العمر كله ملكه معاك… كبرت صغرت انا معاك لاخر نفس
وظلا هكذا ولا يعلمان ان هناك من ينتظر ليغرز انيابه في قلبيهما لينتهي ذلك الرابط المقدس ليقتل الحبيب حبيبه بيده رغما عنه
كان فتحي قد اعد الخطه واحضر كيس البودره واعطاه لكامل لكي يعطيه لاجلال وقال له .._ كده تمام وانا بقه عليا الباقي كتبتلك شويه تقاريير عالواد تعلقله المشنقه.. يلا نفذ وقولي وانا علي اشاره منك نطب عليه ناخد اجله
هنا اخذ كامل الكيس وكلم إجلال لتقول له ان عشق مش موجوده فهي تنتظره فذهب مسرعا واعطاها الكيس َقال.._ خدي بالك يا طنط دسيه في حته بعيد عن ايده عشان مانتفضحش.
فهتفت.._ اطمن انا بس مابروحش هناك بس هتصرف ماتحملش اي هم.. اخيرا هخلص منه… يغور بعيد عن بنتي وساعتها يا كامل البت هتبقي ليك وعهد عليا اجوزهالك
فانتفخ كامل وقال.._ تسلمي يا طنط انت والله بتعملي معايا اللي ماحدش عمله..
فهتف مكملا .._ وانا عارف انك قدها يا طنط وساعتها هنضرب ضربتنا ونشيع الواد عشان يعرف مقامه ولما يحصل حطك انت وبنتك في عنيا في حته تانيه.. عشق تستاهل تعيش في عز ونعيم عشق دي ملكه مياخدهاش اي حد مش عيل جربوع فاكر نفسه حاجه وهو ادوسه بجزمتي وهيحصل وساعتها هننصب الافراح وهنخش دنيا بقه واللي تطلبيه هتلاقيه تحت رجليكو.. اسيبك بقه يا حبيبتي بخير
ظلت اجلال تفكر كيف ستضع الكيس في دولابه وهيا مابتروحش هناك فقررت ان تذهب اليهم غدا وتزور امه كبادره هدنه منها لان والدته داذما ماتتعب… وهيا تخطط لكسر قلب ابنتها وقتلها لتفقد ابنتها السعاده لزمن لا يعلم مدته الا الله….
كانت في ذلك الوقت عشق جالسه مع ادهم يتسامران لتدخل عليهم والدته وتجلس معهما وظلا فتره معا لتقوم عشق وتستاذن لان والدتها دائما ما تتشاجر َعها ليتنهد هو وياخذها للباب ويهتف .._ هتوحشيني من هنا لبكره.. هنام واحلم بقلبي وادعي بقربه
لتهتف.._ وانا هنام وجنبي حته منك حطاها علي قللي واشارت السلسله..
فتنهد وقال .._ طب وحياه النبي مانتي ماشي هو انت هتنامي وانا اقعد اكل بعضي
ودخل الي المطبخ واحضر مقصا ومد يده لحجابها ليزيله ويقول.._ والنبي لتديني حته..
فصرخت .._ انت مجنون وربنا…
فهتف بعشق.._ والله مانت ماشيه وهاتليلي حته
فتنهدت من جنونه واخذت المقص وقصت خصله لتحطيها اليه ليضعها علي شفتيه ويقول.._ ايوه كده الواحد يلاقي حاجه تسكته شويه بدل مابقعد اكل بعضي
فخجلت منه ولبست حجابها وقالت.._ انت مجنون والله..
فهتف .._ بيكي يا عمري.. يابت وربنا ماعت قادر ابعد ماتيجي نتجوز وربنا ونطفش واخدك بعيد واشبع منك براحتي وماحدش يلحقنا انا وانت وبس..
فهمست.._ طب يا اخويا انت خدني وانا اتفضح..
ليهمس ويقترب منها.._ ماعاش ولا كان اللي يفضحك دانا اغطيك بعيوني يا بت انت بتاعتي حد يقرب من حاجتي يلا بقه من هنا عشان انا ماسك نفسي بالعافيه وهيبقي فعل فاضح عالسلم وهكلبش فيكي ويقولو الواد العاقل البت هبلته..
لتنسل من بين يديه وتخرج ويبتسم ويقول .._ الصبر يا قلبي الصبر هانت والله هانت
ذهبت عشق الي البيت لتجد امها تتصنع التعب والهدوء ولاول مره لا تتشاجر معها علي غيابها او تسم بدنها بكلامها وموشح كل يوم لتجلس بجوارها لتلاحظ السلسله في رقبتها لتغتاظ.. وتاكل نفسها.._ جايب حته صفيحه بشلن.. لا وزمانه مفكر ان جايب الدنيا بلا هم
لتجلس عشق فتهتف امها .._ حماتك عامله ايه سمعت حقه انها كانت تعبانه..
فهتفت عشق.._ اه شويه بس الحمد لله بقت احسن..
فقالت .._ طب خلاص بكره هروح ازورها.
لتنصعق عشق وتنظر لها باندهاش.._ هتروحي فين يا ماما..
فقالت الام.._ ايه مابتسمعيش هروح للست مش كانت تعبانه
ظلت عشق تنظر اليها لاتصدق فنظرت امها اليها.._ ايه يا بت بتبصيلي كده ليه مش َيعني اني مابحبش الواد اني ماعملش الواحب الناس بتسمعني كلام وحش وانا هروح بكره اشوفها قبل ماتتنيلي تصحي هرجع تكوني صحيتي وروقتي وطبختي وهيا شويه ورجعه.
فرحت عشق وقالت .._ اه والله يا ماما دانت كده تبقي بتعماي الواحب
واتجهت وقبلتها وتنهدت ودخلت لتنام وهيا تتلمس السلسله َتحس ان ادهم معها ويطبطب علي قلبها ……اما ادهم فكان في حال غير الحال اخذ الخصله ووضعها في منديلا ووضعها علي قلبه وكل فتره يقبلها ويتنهد ويدعي بقرب حبيبته.. ويحمد ربه علي وجودها في حياته ونام..
في الصباح استيقظت ام عشق وهيا كلها تصميم علي الاقدام علي تلك الجريمه الشنعاء التي سياتي يوما وتقتل به قلب ابنتها وسياتي بعده يوم تقتل هيا حسره علي ابنتها
نزلت واتجهت الي بيت ادهم الذي يقف قصادهم وكان ادهم في العمل.. لتطرق الباب وتنتظر وتقول .._ يا رب صبرني عالزياره دي بس كله عشان بنتي
فتحت لها والده ادهم لتندهش لتدخل عليها بالاحضان وتهتف .._ والله ماعرف يام ادهم انك كنتي تعبانه البت عشق خرسا مابتنطقش..
فرحبت بها والدة ادهم وجلسو لبعض الوقت يتسامران وهنا قالت لها السيده .._ تشربي ايه يا حبيبتي اجبلك ساقع والا سخن
فهتفت.._ لو عندك قهوه يبقي عسل الا انا بصحي دماغي لازم اشربها وماشربتش عالصبح
فاستاذنت منها والده ادهم تاركه اياها بحسن نيه لتتسحب هيا علي الفور لتدخل حجره ادهم وتدس الكيس تحت المرتبه حتي لا يحس بها ورجعت لمكانها بهدوء والسعاده تنط من عينيها انتظرت حتي اتت السيده وشربت قهوتها واستاذنت وانصرفت وعادت لبيتها كانها من الفاتحين المنتصرين.. لتذهب و َتجلس في بيتها وتشعر بقرب سعاده تدخل حياتهم ولكن يا حسره علي ماسيفعل الحبيب بحبيبه ليعم الشقاء بيتا كان في يوما يظن انه سيملك سعاده الدنيا بقرب حبيبه
اتصلت اجلال بكامل لتخبره بانها تمت المهمه بنحاح..
ليهلل لها ويقول.._ نستني بقه لما نسمع الفضيحه مالناش دعوه وساعتها هنحقق المراد..
لتحمد ربها وتقول.._ خلاص يا جوز بنتي هانت
ليقفل َمعها ويتصل ليخبر فتحي ان العمليه تمت بنجاح وانهم في انتظار خطوته هو لينهي كل شئ ويقضي علي ادهم تماما ليتجه فتحي الي القسم ليضبط اوراقه ويدخل للضابط بمعلومات مزيفه وهنا تم نزول المقصله علي قلوب كل من ادهم وعشق وحكم عليهَ بالموت فمن هنا سيبدا تمزيع قلوبا احبت ببراءه من قلوب غادره يملاء السواد قلبها…
عاد ادهم متعبا من العمل فكان يوما شاقا اجري فيه عده مقابلات لمناقشة مشروعه وتصاميمه مع المهندسين التابعين لعصام ليستلقي علي السرير ليستريح قليلا متعبا متمنيا ان يتم له اموره علي خير لتاتي في باله صوره حبيبته ليهيم بها ويسرح في عالَمه ويتذكر ايامهم معا وكان قد عقد عزم علي ان يتزوجها بعد امضاء المشروع ولن ينتظرها حتي تتم جامعتها.. واثناء ما هو نائم يهيم بحب عمره اذا بصياح شديد ورزع علي الباب ليهب واقفا مذعورا من قوه الخبط ليذهب مسرعا ليخرج من حجرته ملهوفا ليجد امه تفتح الباب ويهجم مجموعه من العساكر ومعم احد الضباط ليعم الهرج المكان وياتي ادهم وهو مخضوض وابعد امه وقال.._ فيه ايه..
فهتف الضابط .._ معانا امر تفتيش يا حيلتها..
فانصدم وهتف مندهشا خائفا فقال .._ حضرتك انا مهندس محترم تفتيش ايه
فزقه الصابط وقال.._ دلوقتي نعرف المحترم
وكان فتحي بين العساكر وظل يبحث معهم وهم يقلبون الشقه وادهم وامه في ذهول والشقه اصبحت عاليها واططيها ليمد فتحي يده تحت المرتبه ليقول.._ يا باشا يت باشا لقيت ده
فاخذها الضابط وظل يقلب الكيس وذهب لادهم وقال .._ وده ايه بقه يا حيلتها.. كيس بنبوني مطحون.. ال محترم ال.. وهتف فيهم يلا هاتو الواد ده وورايا
ظلت الام تصرخ وادهم مشدودا من العساكر ليعم الهرج والمرج ويصل الصوت الي الشارع جميعا لتفتح عشق الشباك لتجدهم يجرون ادهم الي البوكس وامه تقف في البلوكنه تصرخ فاحست ان قلبها سيقف فصرخت ونادت عليه ولكنه لم يسمعها ولبست بسرعه وقلبها يقفز من مكانه وتتجه لتفتح الباب بسرعه لتنزل لتجد كامل يقف امام الباب يسد الباب عليها…
لتصرخ فيه .._ اوعي من وشي بسرعه
فزقها ودخل واقفل الباب وركن عليه لتنصدم وتصرخ.._ يا نهارك اسود بتتهجم علينا يا كلب يا واطي.. اخرج بدل ماصوت والم الناس سيبني هتجنن انزل اشوف جوزي..
فضحك عاليا ونظر الي والدتها وقال.._ ما تهديها يا طنط الا الزعل وحش عليها ولسه قدمنا حوارات ومداولات..
فصرخت.._ اوعي من وشي انزل اشوف جوزي…
فهجمت عليه فمسكها ولوي ذراعها.._ لمي نفسك عشان نتفاهم وان كنت عايزاه يخرج يا حلوه نبقي نتفاهم..
ففتحت عينيها بذهول.._ انت بتقول ايه.. انت.. انت مجنون.. انت عملت فيه ايه
وحاولت ان تفلت منه كانت في حاله هياج شديد..فشدد عليها.._ اهدي عشان رقبته في ايدك انا هسيبك بس لو خرجتي من باب البيت ده انسي انه يخرج للدنيا تاني ويشرف مؤبد واحتمال اعدام وضحك
لتتشنج وتنشل وتشهق بالبكاء وكانت تنتحب وهيا في حاله ذهول وخوف ورعب.. .._ فيه ايه انت عايز ايه. وعملت في ادهم ايه.. ماتنطق انت اللي دبرت له كل ده عملت ايه
كانت مهتاجه تدور وتدَور وهو واقف ببرود ثم هجمت عليه لتغرز اظافرها في وجهه ليقابلها بصفعه علي وجهها لتقع علي الارض. ليتحرك ويجلس علي احد الكراسي ويقول.._ اعقلي احسنلك ومن جه عملت فعملت كل خير
هتف بها واشار.._ اقعدي.. وماسمعش نفسك فاهمه..
لتجلس برعب من منظره والقهر بداخلها ورعبها علي حبيب عمرها وصل مداه.._ بصي يا كتكوته نقول بقه ونركز ماشي… الواد دخل السجن.. الننوس لبس قضيه مخدرات..
لتصرخ عشق وتلطم علي وجهها وتصرخ وظلت تنتحب… فاشار لها بالصمت كان كل ذلك فوق طاقتها فكانت تنتحب بصمت وتشهق من الوجع علي ضياع حبيبها وتنظر لامها لتجدها غير متاثره لا تصدق وجودها وحيده في وسطهم وحبيبها امانها قد غدر به…
ليقول .._ بصي بقه يا قلب كامل دلوقتي من سكات كده هقلك وتنفذي.. من هنا لحد مايخرج دا ان كنتي عايزاه يخرج ماهتعتبيش بره البيت ولا تروحيله ولا تسالي عليه ولا تزوري امه..
فصرخت به.._ انت اتجننت استحاله اسيبه انا هموت عليه ولو انطبقت السما عالارض ماهسيبه.. منك لله..
فقام وقال.._ طب اسيبك بقه تندبي وامشي وابقي استنيه لما يبقي عندك ستين سنه بس ابقي اعزميني
وقام متجها الي الباب لتقوم برعب وتمنعه من الخروج لتقول صارخه وهيا كالمجنونه.._ عايز ايه.. عايز مننا ايه منك لله..
فهتف محذرا .._ هتقلي ادبك يمين بالله لكون خارج وابقي شوفي هتخرجيه ازاي..
فتراجعت وهيا تبكي لتجلس علي الكرسي تنتحب وتضع يدها علي صدرها فكانت تتنفس بصعوبه وقلبها ينهش صدرها
فهتف كامل.._ اقول والا لسه فيه حاجه
لم ترد عليه وظلت تنتحب في صمت.. ليكمل هو.._ اللي هقول عليه يتنفذ. وتقولي حاضر ونعم… القضيه لابساه فلو عايزاه يخرج فيه مقابل تنفذيه من سكاتها اكمل ها والا اسكت
فهزت راسها بعنف والدموع تنزف من عينيها.._ هيقعد فتره علي مايطلع ماهتساليش فيه مرمي زي الكلب ما حدش هيعبره. وبعدين هنخرجه وترحيله من سكات تقوليله طلقني وانك مش هتجوزي واحد رد سجون وانك اتقدملك واحد معاه فلوس وكلمتين منك يوجعوه وشوفي بقه هتشيعيه ازاي.. فكري كويس عشان لو ما طلقكيش هندخله تاني ماحنا ماورناش حاجه.. هااا عيزه اسمعك والا اقوم من سكات واريح نفسي
ظلت تنظر اليه بذهول وكل شئ يمر امامها وضياع حبيبها كان كذبحها حيه…فهزت راسها بوجع…
فقال لها.._ يبقي اتفقنا اقوم بقه اوصي عليه زمانه كل ضرب لما طلع روحه..
لتجري اليه وتقول بنحيب.._ هعمل اللي انت عايزه بس ما تاذيهوش والنبي.. هعمل كل حاجه بس يخرج ابوس ايدك خرجه مستقبله هيضيع انا خلاص زي مابتقول هخليه يطلقني بس تخرجه.
فهتف لها مبتسما.._ شطوره يا حبيبتي عارف انك هتبقي مؤدبه بس يمين بالله لو اتعوجتي لهتبقي المره الجايه دبح بجد فاهمه
خرج فخورا بنفسه وما فعله وجلست هيا غير مصدقه ان حبيبها سيضيع منها احست بوجع في داخلها ماذا تفعل اتجرحه وتقتله كي يطلقها ام تقف بجواره ليمضي بقيه حياته في السجن كانت تبكي بهستيريه. ثم نظرت لامها.. لتجدها هادئه لتهتف بوجع وقهر.._ للدرجه دي هنت عليكي. قلبك ده ايه مش حاسه بوجعي
وكانت تخبط علي صدرها. كانت والدتها فعلا قد تاثرت ولكنها لم ترد.._ انت ازاي كده مش حاسه بخلعه قلبي.. بجد مش حاسه.. دانا نفسي مش قادره اخده
كانت تشهق بشده.._ ليه يا امي للدرجه دي بتكرهيني.. عملك ايه عشان تعملي كده طب انا مش بنتك عملتلك ايه
ولطمت علي وجهها عملتلك.._ ايه يا شيخه قلبي هيطلع من مكانه
وظلت تنهج وحست انها ستموت من كثره شهقاتها.. فكانت انفاسها تخرج كان بداخلها سكاكين تمنع خروجها.._ اه يا عمري اللي ضاع وامي واقفه تتفرج.. دفنتيني وارتاحتي.. لا بجد برافو ام عن حق.. بس انا بقه هبقي بنتك عن حق..
لتقوم عشق لتهتف بحقد.._ انا هعملكو كل حاجه بس اعرفي من هنا ورايح ان انا مت بالنسبالك وبالنسبه لاي حد.. عشق ماتت لما حبيبها هيسيبها ولو كنت فاكره ان هعرف اعيش مع حد غيره يبقي بتحلمي.. هتجوزيي كامل وتنبسطي صح وتاني يوم هتبقي دفنتي.. انا معتش باقيه علي حاجه ربنا يعيني علي وجع بيلسع جوايا… انسي ان لك بنت اسمها عشق وعيشي مبسوطه انك موتيها بالحيا عشان خدتي منها نفسها. دانا لو بنت حرام ماتعمليش فيا كده وتتفقي عليا وتوجعيني كده.وتسيبي كلاب السكك تنهش فيا.. يا قلبي اللي هينشق نصين اتيتمت وامي عايشه وغرزت سكاكينها في قلبي..
ظلت امها مطرقه وعينيها تدمع ولكنها تماسكت لتقول .._ كامل هيعيشك احسن عيشه
فنظرت اليها بغل.._ هيعيشك انت. انا خلاص يا اجلال هانم معتش موجوده
خبطت علي قلبها .._ ده انت طلعتيه بصوابعك وغرزتي فيه ساككين الدنيا.. حسبي الله ونعم الوكيل افوض امري الي الله
تركتها ودخلت حجرتها تنتحب وتكورت حول نفسها وتتذكر حبيبها. وتهمس.._ ادهم حبيبي يا نن عين عشقك هدبحك يا عمري بايدي وانت مش داري. عشانك يا قلبي هوجعك واطلع روحك منك.. انا حاسه بنفسي بيروح مني طب اعيش من غيرك ازاي.. اه يا قلبي. اه يا وجعي مش قادره استحمل هموت يا رب اعمل ايه عشان الكلاب تنهش فيا كده.. طب هو عمل ايه يستاهل عليه كل ده.. دا كفايه طيبته وحنيته. كفايه اخلاقه وقربه منك. كان بيراعي ربنا فيا اقوم ادبحه. يا رب عينه علي وجعه يا رب هون عليه ايامه الللي جايه انا خلاص دفنت نفسي وراه بس هو. هو يا رب انزل عليه الصبر. يا رب هموت قلبي بينخلع هيطلع مني مش قادره اهدي نفسي
وبدات تشهق بشده ووضعت يدها علي سلسلتها.._ دي الللي فضلالي منك يا عمري دي اللي هعيش معاها لحد ماادخل تربتي وحلفان علي حلفانك يا كامل ما هتسمالك ست ولا هتسمي لاي راجل ست.. انا مت خلاص عشان حبيبي معتش عنده عشق ومن هنا ورايح عشق الادهم هتبقي كرهه هتبقي كره الادهم. هتدبحيه يا عشق هتدوسي علي قلبه وتغرزي.. كل ده علشانك يا عمري والله علشانك… يا رب هون عليا موتي وخدني يا رب خدني متخلنيش اتعذب كده.. ايه الوجع ده.. يا رب هموت قلبي يا رب مش قادره سكاكين بتقطع جوايا هعيش ازاي اه يا قهرك يا عشق
ظلت تنتحب وتشعر بشئ يخنقها وقلبها يتمزع بين يديها ولم تنم ليلتها حتي انهكها الوجع وتاهت عن الدنيا غصبا عنها
كان هو في ذلك الوقت يتم التحقيق معه وهو ينكر ولا يعرف مصدر تلك الاشياء والقهر ينهش قلبه وقلق علي امه وعشقه وخاف عليهما بشده ليرمي في الحجز مع المجرمين احس بالذل والاهانه… وعدي اليوم وراء اليوم لتاتي امه ومعها محامي واندهش انها بمفردها فسالها عن عشق…
فبكت وقالت.._ والله يابني ماعرف ولا شفتها بس تلاقيها مصدومه ومش عارفه تيجي تشوفك مرمي كده.
كان غير مصدق حتي انها لم تذهب الي امه ليمر الايام والاسابيع واصابه حاله من الجنون ان عشق حياته لم تسال عليه وان هناك اشاعات تتردد بتردد كامل علي بيتهم ليحس بالنار تشبط في قلبه كان كالمجنون لا يطيق نفسه فكان ممزعا كيف تتركه مرمي هكذا كيف تتركه دون ان تراه اين عشقه التي الهبته حبا.. اين حبيبته اين عمره ودنيته ليمر شهرا واصبح هو مقتولا من غيابها لياتي اخيرا تقرير المعمل الجنائي انها بودره اطفال ويتم الافراج عنه و هو في حاله مفزعه وقد انتقص وزنه وكانت روحه قد انتزعت من داخله لينتظر ان ينهي بفارغ الصبر الإجراءات القانونية ويخرج ليري معذبته كيف تتركه كل تلك الفتره.. وكان يلتمس لها كل الاعذار ولا يصدق اي مما يقال كان ينتظر فقط رؤيه وجهها ليشبع منها فقد وحشته لدرجه الجنون.. ليخرج وينتظرها لتاتي فلم تاتي.. فاضطر ان يذهب لبيتهم لتقابله اجلال ببرود وتقول.._ نعم جاي ليه وليك عين تيجي بعد ما بقيت رد سجون..
ليهتف وهو يتحكم في نفسه.._ خشي ناديلي مراتي من غير لا خناق لا زعيق..
فهتفت .._ مراتك خلاص ياخويا بح انت هتطلقها ما هو مش اخرتها تتجوز رد سجون..
فتجاهلها ونده علي عشق لتخرج اليه لينظر الي حبيبته ويجري عليها لتصبح كالجليد بين يديه حاول ان يعتصرها ليحس بها ولكنه شعر بالخواء والبرود من ناحيتها ليبتعد قليلا ويقول.._ مالك يا قلب ادهم انت فيكي ايه انا حاسس بيكي فيكي ايه.مالك با عمري..
لتحس بقرب دبحها وبوجعه الذي يمزعها. لتبتعد عنه.._ من فضلك يا ادهم احنا لهنا معدش ينفع لبعض بعد الفضيحه اللي حصلت.
ليظر اليها بذهول وينصعق كيف استطاعت ان تنطقها… فهتف مفزوعا.._ انت اتجننتي يا عشق صح
اما هيا فقد ان الاوان لتنزع قلبها رويدا رويدا لتكمل.._ انا معرفش اكمل بعد كده.. انا معتش عندي طاقه لحياتك دي. فمن فضلك طلقني بهدوء وكل حاجتك هترجعلك وهبريك من كل حاجه.. بس تطلقني
مسكها من ذراعها.._ انت اتجننتي يا عشق صح انت استحاله تكوني بعقلك دنا ادهم حبيبك.. يا عشق دانا ادهم اللي بيموت عليكي عشق انت مصدقه نفسك..
فتاففت.._ يووه بقه اهو انا كنت عارفه انك هتقول كده ده اللي عندي ويا ريت نخلص بهدوء ودخلت وتركته ممزوعا منزوعا منه روحه ودنيته…
لتهتف امها .._ ها هنفضل كتير في الهم ده..
فهتف وقال.._ انا في البيت لما تعقل انا مستنيها…
فصرخت امها .._ هو عافيه يا جدع انت…
ليخرج غير مصدق ما حدث من حبيبته وكل ودنيته ليذهب الي بيته ويغلق علي نفسه وانفجر في البكاء فلم يعد يحتمل كل هذا. كله الا فقدانها فهي روحه… ماذا حدث لها اجنت اتتركه لمجرد دخوله السجن ظلما.. اكان حبها له سراب.. لم يصدق نفسه وظل يبكي وهو ينعي حبه ويناجيها لماذا يا يا روح الفواد وعشق السنين. كان في حاله من المس والجنون كان يهتف باسمها لعل وجعه يذهب و شراينه تتسع لتتحمل كل ذلك الالم كان مغيبا تماما في حال غير الحال انسيت حبه ارفضته..كيف نطقتها.. هل جنت.. هل ذهب عقلها.. لا يوجد سبب يصدقه غير ان حبيبته جنت.. لا ليست هيا انها روحي عشيقه دربي.. لا يا ادهم اهدي عشقك بتاعتك عشقك هتعيش وتموت معاك.. دانا خلاص كنت هتجوزها.. ايوه هنتجوز هيا بس اكيد مصدومه لا هيا صح مصدومه مش دي حبيبتي انا هجيبها واحطها في حضني تحس بيا وباللي جوايا.. ايوه هتحس وساعتها هتملس علي وجعي.. ايوه يا ادهم عشق الادهم استحاله تعمل كده.. دي تربيتك روحك اللي كبرت جواك.. دانت حافظها لا مش هيا لا.. ايوه يا قلبي انت زعلانه بس هنتراضي وكل دنيتنا هتتعدل واعمل مشروعي واعيشك ملكه.. صح يا ادهم هو ده اللي هيحصل ماينفعش حاجه تانيه.. حبيبتك مش هتموتك ابدا دي قلبك وروحك ومسح دموعه وظل يرددد ويطمئن نفسه انها نوبه وستذهب نعم فحبيبته استحاله ان تتركه. سينتظرها ويعلم انها لن تتحمل بعده اكثر من ويعلم انها لن تطيق بعده
ونام وهو يمني نفسه بقدومها اليه لتنزل بردها علي قلبه كالبلسم لينعم بها اخرج خصلتها بحنان. لتمر الايام ولم تاتي لدرجه ان والدته ذهبت اليهم لتعود في حال غير الحال وبصدمه عمرها من رفض عشق الشديد لمقابلتها وانها تريد الطلاق بدل ان ترفع قضيه خلع.. ليحس بالجنون الشديد وانه اهون عليه ان يقتلها ويقتل نفسه. وظل يهذي بعد عوده امه ليشعر انه سيصاب بالجنون.._ لا مش هيحصل علي رقبتي مش بعد ما تبقي النفس اللي اتنفسه تسيبني.. عشق.. عشقي انا عايزه تسيبني.. انت اكيد اتجننت يا ادهم او هتتجنن انت ماتصدقش فيها كده.. انت تجيبها يا ادهم وتحطها في قلبك ومتديهاش فرصه تنطق هتحس ايوه هتحس بيك وماهتقدرش توجعك مش عشق الي توجعك..
ظل يبكي كثيرا حبه ليحاول الصمود….ليبعث لها رساله ان تاتي ويتظرها ليتكلما وانه لن يسمع اي حديث من احدا اخرا وطلب من امه ا ن تترك المنزل فهو يريد ان يتواجها دون تاثير من احد لتفتح الرساله وتنتحب وتقرر ان تقف امامه وتجرحه ليس لها حل اخر فلتنزع قلبه وقلبها من اجله… فستاتي الايام وتداوي جراحه فهو في مقتبل حياته ستجعله يكرهها بل يبغضها.. ستجعل منه مسخه امام نفسه حتي تمزقه ويلفظها من قرفه منها… ستوضح له انها مجرد فتاه لا تستحق حتي ان ينظر اليه لانها ستهينه لتنزع كرامته وهيا تعلم عزه نفسه لتقرر ان تتجلد وتذهب اليه وتنهي حياتها بيدها ليعيش هو او هكذاظنت..وتكمل هيا حياتها ميته جثه تتنفس علي الارض.
بعد ان بعث لها الرساله كان ينتظرها علي احر من الجمر كان وصل من الجنون والهوس بها مداه وانها بتركه اياه ممكن ان يقتلها… فهي متغلغله بداخله خصوصا وقد صور له الشيطان انها ارتضت بغيره..
ظل ينهر نفسه ويقول.._ اهدي يا ادهم هيا هتيجي دلوقتي وهتاخدها في حضنك وهتحل امورك.. اهدي وهدي نفسك اول ماتلمسها وتبقي جنبك حنيتها هتطلع لوحدها… عشق دي بتاعتك وانت بتاعها اهدي يا غلبان انت مالكش غيرها اصلا انت عايش عشانها
ليسمع خبطا علي الباب ليندفع اليه لتدخل. ليقفا بعضا من الوقت صامتين كان قرب منهم للاخر هو كل مناه ليسبقها الي حجرته ظلت تتلفت حوليها ولكنها ارجحت ان تكون والدته نائمه.. فدخلت بهدوء وما ان دخلت حتي شدها اليه بشده وازال حجابها وهو يتمتم.._ وحشتيني
وهو يتلمس شعرها ويدفن راسه فيه ليهتف بهمس .._ كده يا عشق اكتر من شهر يا قلب ادهم وانت بعيده هنت عليكي دانا كنت هموت واشوفك والمسك يا قلبي..
كانت تتمزق كانت مستسلمه تماما تحاول ان لا تبدي رده فعل وفي الوقت نفسه تحاول ان تبقي اكتر وقت لتنعم باخر لمسه حانيه منه . شوقها اليها يمزقها اربا.. كان لمساته حانيه كعادته معطاء صبور رائع كانت تعشقه .._.. قلبي انا يسيبني الفتره دي بس مش زعلان واديكي معايا دا كل اللي يهمني انك تبقي راضيه وبخير.. دانا كنت هتحنن عليكي وحشتيني يا قلبي
وشدد عليها بشده… وكانت مازالت متجمده موجوعه عليه.. ولكنها ستقتل نفسها لاجله..فهتفت.._ خلصت…..
ليتجمد هو من كلمتها وبلادتها ليبعدها بهدوء وينظر اليها ليري جمودا غريب علي وجهها.. ليهتف بهمس وتوجس.._ مالك يا عشق.. انت فيكي ايه يا قلب ادهم…
لتتنهد وتتصنع الزهق.. لتبدا بغرز نصالها في قلبه لتبدا اول يوم في دفنها حيه.._ شوف يا بشمهندس اظن احنا قضينا ايام حلوه مع بعض واننا نختمها بخناق بقه وقرف يبقي مش تحضر خالص.
فاقترب منها وصرخ.._ انت بتعملي كده ليه..
لتكمل.._ انت كنت في دماغي حاجه ودلوقتي حاجه تاتيه متنفعنيش وانا معلش يعني صغيره وحلوه ايه اللي يجبرني يعني وانا اشاور يجيلي اللي عايزاه..
كان ينظر اليها بذهول ليهجم عليها ويمسك يدها بعنف .._ انت بتتكلمي كده ليه انطقي انت اكيد اتجننتي
وخبط دماغها .._ لو عايزه تتعالجي قولي وانضبطي بدل ماضبطك انا لحد دلوقتي صابر. بقول فيكي حاجه
.ثم قال بعنف.._ انت قلبي انا حته من جوا رفيقه عمري اللي فات واللي جاي.. اوعي يا عمري تتكلمي كده دانا اموت
ونزلت دمعه من عينه لتتمزق ليكمل.._ انت قلبي والله انت زعلانه ليه طيب والله دي تهمه باطله وانا هبقي حاجة تانيه.. انا مش قليل يا عمري. طب بصي نقعد نفكر ايه اللي ضايقك ونحله بالله عليكي مَا تعملي فيا كده دانا حاسس بنفسي بيتقطع. دانت الحته اللي بتمناها من الدنيا فيكي ايه يا قلبي وانا هعملهولك.. انت بس شاوري وهتلاقيني تحت رجليكي… مش انا ادهمك وانت عشقي.. طب نقعد ونشوف وقولي اللي جواكي دانا خلاص وصلت وهحققلك كل حاجه دانا هفرحك قريب والله انا هكبر وانت معايا يا عمري.. طب ازعلي زي ما تحبي بس وانت معايا اوعي تنزعي قلبي كده انا عارف ان اكيد اعصابك تعبانه مش كده يا قلبي.. ايوه هو كده قولي يا عمري فيكي ايه .
كانت دموعه تسيل قهرا ويشهق بشده ويشدها اليه يعتصرها قهرا ويمسد علي شعرها.. كان في حاله ياس وقهر فوق الاحتمال كانت قد تصلبت ثم دفعته فهتفت به بحده.._ ايوه فيا.. سنين وانت بتقلي مشروع وفلوس وتوهمني اني هبقي ملكه واخرتها تتلقحلي في السجن وتفضحني..
كانت كلماتها تنذل علي قلبه تهوي وراء بعضها ذبحا..لتتجمد دموعه ويشتد قلبه صلدا.._ اوهمك وفلوس انت كنت مستنيه فلوس..
فصرخت به.._ امال مستنيه ايه الفلوس بتعمل كل حاجة وتشتري كل حاجه…. قعدت تقلي وتنفخلي فيك وانت ولا حاجه انا ذنبي ايه عايزه اعيش.. ليه ارضي بواحد ذيك انا
فهتف مبهوتا.._ واحد زيي..
فاكملت.._ واحده بجمالي يتمنولها الرضا ارضي بواحد معدش ماحلتوش حاجه واخرتها رد سجون انت َمش حاسس بالمصيبه اللي فيك..
كان يبتعد عنها ليقيمها وينظر اليها وهيا تقطر سما من فَمها لينظر ببلاهه.._ مين دي الي قدامي..
كان امامها ممزقا لكنها ارادت ذلك حتي تستحضر عزه نفسه ويرميها بالخارج
.._ بص يا ادهم كنا وكان واتفرقنا وخلصت القصه وهتلاقي واحده ترضي بيك وانا اشوف حياتي الدنيا موقفتش ماتبقاش قافش في الدنيا كده… لا خد منها واستغل الفرصه وانا صراحه عندي فرص ليه اسيبها وليه اربط نفسي واعيش معاك تخنقني وانا من حقي اعيش.. انا عايزه العز وانت بعيد عنه.. روح شفلك واحده يا ادهم ترضي بالاوهام اللي في دماغك انما انا لا.. هنتكلم في حب وبتاع وكلام فارغ هتخسر. وهنخسر وانا جايه عشان اكسب وانت تكسب وكل واحد يعيش حياته.. واطمن يا سيدي هبريك من كل حاجه متحملش هم وانا هعوز الكام ملطوش اللي هتديهملي خليهملك ربنا يعينك بقه عاللي جاي..
كان هو قد تجمد تماما واصبح كصخره عاتيه يتكسر عليها كل ما هو لين.. احس بانه تحول وقلبه انتزع من مكانه لتشعره بالدونيه وهو الذي في نفسه سلطان ليهتف ببرود.._ لا والله هتبريني لا كتر خيرك فعلا دانت طلعتي طيبه ولقطه اه والله… انا ازاي ماشفتش المميزات الرهيبه دي.. ايه ده يا ادهم مراتك بلا فخر حاجه تشرف..
فتاففت بضيق.._ ادهم اظن ماعتش له داعي.. انا خلاص انت خرجت من حياتي وجايلي فرص يا اخي بقه ما تحس
فضحك بقهر.._ احس.. احس.. فعلا لازم احس.. لا وانا خلاص خرجت من حياتك كتر خيرك مش كنت تاخدي رايي يا شيخه حتي قبل ما تبريني وتعتبري نفسك مطلقه هو انت متجوزه سوسن.. حد كان قالك عليا اني بقرون اسيب مراتي اول ما اقع تدور هيا وتشفلها سكه.. ماركبتش قرون ولا عمري هركب هتيجي انت تركبهملي..
فهتفت حانقه.._ بقلك ايه انت هتهري كتير متقرفناش بقه وخلصنا من ام الجوازه دي هو عافيه. شوف حالك وسيبني ولو محصلش هخلعك ماهو مش اخرتها افضل مع واحد رد سجون..
كانت تنهج وصمتت لتريح قلبها الممزق لما راته من تحول لحبيبها كانت عيناه حمراء ووجهه قد قُد من حديد وتخشب جسمه كان ماسمعه يكفيه سنين للامام فاقترب منها وقال.._ طب وحقي فين..
لتقطب جبينها وتقول.._ حق ايه انا هرجعلك حاجتك وشوف صرفت كام هديهملك..
فهتف ببروده الثلج.._ جميل والله
ولكنه خبط علي قلبه وقال.._ وحق ده فين..
فهتفت وهيا تتمزق.._ وانا اعملك ايه يعني بكره تنسي زي مانا نسيت
ظل يحوم حولها.._ بقي بكره انسى زي مانت نسيتي… اممم
كانت قد بدات تشعر بالخوف من سكونه فهيا لم تره هكذا من قبل هيئته مرعبه ووجه غريب وهتف بفحيح غاضب .. فقال .._ وهتخلعيني وتعيشي حياتك
وضحك عاليا.._ لا وهترميلي الكام ملطوش عشان افرح بيهم مش كده… انت فاكراني عشان طيب وشكلي غلبان تبقي كده لفتيني علي صباعك عشان حبيتك…. فاكراني عيل برياله هقعد اعيط علي حب السنين واكمل ضاحكا.. لا بس عجبتيني سنين وانت بتتلوني زي الحربايه كل ده عشان الفلوس وتقليلي هموت معاك.. فعلا اديني بشوف الموت اهوه قدامي حاجه تشرف.. انت تعملي كل ده والاخر تقليلي اعملك ايه يعني بكره تنسي.. لا و حياه امك حقي ده هاخده تالت ومتلت ولا هنسي ولا هتنسي وهخليكي تفتكريني لحد اخر يوم في عمرك ونبقي ساعتها نشوف الفرص اللي قدامك هتنوليها ازاي
وهجم عليها لتصاب بالذعر وهو يهتف بغل.._ وحياه امك لتبقي بتاعتي مانا مش هنقهر وانضرب علي قفايا واقف اتفرج عليكي وانت راحه تاخدي فرصتك.. هعلم عليكي قبل مارميكي رميه الَكلاب انا الاول يا روح امك وده اللي هيشفي غليلي واعيش بعاري طول عمري.. دا نا هطلع روحك في ايدي
لتصاب بالذعر وتحاول ان تبعده اما هو فقد فقد صوابه وهو يتخيلها لرجل اخر…. لينقض عليها بوحشيه شديده وهو ينعتها بابشع الالفاظ لياخذ حق وجعه وعشقه منها…. ليدبحها اكتر ما هيا مدبوحه وهيا تتوسل له وتحاول ان ترجعه ولكنه قد حولته الي شيطان لا يفكر الا باخذ حقه منها.. تحول الي جلاد من سمومها التي بختهم بداخله ثم قاضي ليصدر حكما عليها بموتها علي يد من عشقته لينقض عليها ولم يستمع لصرخاتها وتألمها وانهيارها…. فكان كل مايفكر فيه طعناتها النافذه وهيا تغرز سيوفها في داخله ليردها اليها ويغرزهم بها هو كامله… لينتهي تماما قلبا كان يبنبض بالحب قام من عليها اخيرا بعد ان انهي عليها تماما واخذ غرضه منها ثم قال.._ دلوقتي بقه روحي خدي كل الفرص وشوفي مين هيرضي بيك
وبصق فوقها.._ انا كده ارتحت خدت حقي وبقلك انا اللي مش عايزك.. واللي جاي ليا كله خير واللي جاي ليكي عار وقهر.. عيشي بعارك بقه وانبسطي وخد فرص زي ما تحبي.. انا خلصت عليكي وخدت مزاجي اللي بيه خدت حقي منك. انت تستحقي اكتر من كده
ومن غيظه وقهره منها لم يستطع ان يكمل جملته فظل يضرب فيها وهيا كالجثه بين يديه وهجم عليها مره اخري ليعتدي عليها حتي اصبحت كجثه هامده بين يديه ليشدها وهيا ممزقه كالخرقه الباليه ورماها خارج الحجره.._ يلا بره ماشوفش وش امك تاني
ورماها خارجا لتقع علي الارض في حاله من الموت.. كان منظرها بشع ملابسها ممزقه وشعرها مشعث وعيناها حمراء وتشعر بالم رهيب.. كانت قد ماتت تماما روحا وجسدا وكان الذعر والذهول لا يفارقانها والالم فوق الاحتمال.. وشعورها بالمهانه من حبيب قلبها… لقد مزعته لتقتله فاستدار هو ومزقها اربا.. لقد رحل حبيبها للابد ليبقي منه نسخه متوحشه جراء كلامها ينقض عليها ولا يري فيها حبيبه بل حيه رقطاء غادره ليفعل فعلته التي انهت علي ماتبقي من حلمها معه.. انهي حلم جميل لتشعر بانها انتقلت لدنيا اخري دنيا ليس فيها احساس احست بالفضا والخواء بداخلها .كانت ممزقه ولكن ساكنه لا تاتي حركه . لا تعلم كيف قامت واستندت علي الكراسي لتجد شالا وطرحه لوالدته لتاخذهم لتستر بها نفسها وتلملم جثتها التي تتحلل بالبطئ وتساقطط تحت قدميه لتخرج من ذلك المكان تاركه حب عمرها وتاركه دنيا كامله لتدخل دنيا الموت