للهوى رأي آخر بقلم سارة حسن ج3
………………….
_ صباح الخير.
انتبهت أسيل لذلك الشاب على باب غرفة مكتبها وقالت باستفهام:
_ صباح النور، أفندم.
تنحنح ومسح على جبينه بإحراج وقال:
_ أنا عدي حسن.
ضيقت حاجبيها مشيرة إليه برأسها أنها لم تفهم، فابتسم بحرج:
_ واضح أن كمال بيه ما قالش لحضرتك، أنا حديث هنا وكمال بيه قال إن حضرتك هاتديني شوية معلومات مبدئية للقسم هنا.
تساءلت بحيرة:
_ انت جاي مكان فيروز؟
لم يفهم هو هذه المرة، فاضحك حتى ظهرت تلك الغمازة اليتيمة في جانب خده الأيمن:
_ مش عارف الحقيقة مكان مين بالظبط، أنا جاي على هنا على طول.
ابتسمت بعملية، ثم فكرت أن بالغرفة مكتبين واحد لها والآخر لفيروز، وذلك الشاب سيكون مكانها، ولن يكون مريحًا لها بالمرة أن يمكث معها شاب طوال ساعات العمل بمفردهما، أخرجها من شرودها متنحنحًا فانتبهت إليه، كان طويلًا وجسده طبيعي ليس متكدسًا بالعضلات، شعره مجعد قليلًا يعطيه مظهرًا مشاغبًا عكس ملامحه الهادئة، عينيه مبتسمتان حتى لو لم يبتسم، سوداء واسعة يظللها رموش كثيفة، ملابسه رسمية أنيقة.
أخفضت عينيها حرجًا ثم أشارت إليه على المكتب الوحيد والفارغ قائلة:
_ اتفضل هنا لحد ما أشوف إيه ممكن نبدأ به في أول يوم.
_ آه ياريت، أنا بصراحة متحمس أوي، ما تعرفيش يا آنسة الخبر وصلني إزاي، وقد إيه محتاج للشغل ده الفترة دي، آه صحيح اسمك إيه الأول؟
ثرثار! قالتها أسيل لنفسها متعجبة، لكنها أجابته بنبرة طبيعية:
_ أسيل.
أومأ برأسه وقال معرفًا بنفسه مجددًا:
_ أنا عدي حسن.
_ أيوة عرفت بنفسك على الباب.
ابتسم بحرج، فقالت له بعملية:
_ افتح الجهاز قدامك هابعتلك عليه حاجات، راجعها وقولي ملاحظاتك عليها، وبعدين نقعد ونشوف هنوصل لإيه.
كان حماسه الشديد ظاهرًا على محياه، فابتسمت له وركزت على ما تعمل به، تاركة إياه يتلقى أولى المعلومات على يدها.
.! … ……. …. …..
عودة الماضي
يقف الطفل قاسم خلف باب الغرفة الموارب، يشاهد تلك المشاجرة بين والديه، والتي آتت على أصواتهما العالية من غرفته.
هتف والده بضيق وغير رضا:
_ كل يوم سهر وخروج ووصلت كمان للشرب، إنتي اتجننتي ده أنا ما بشربش.
اجابته كامليا وهي تنفض شعرها أمام المرأة، وكل ما تنظر إليها يزداد غرورها بجمالها الذي ما إن تدخل لأي مكان تكون الأنظار عليها فقط، يلهث خلفها الرجال وتضحك بغرور لكره السيدات.
_ بقولك إيه، أنا خارجة، ما تبوظش المود، كده كده بتفضل قاعد مع ابنك وبتسبني.
