عشق الرجال بقلم سارة مجدي ج4

– سليمان أنت تعبان بجد خلينا نروح المستشفى

نظر إليها بطرف عينه الحمراء من شده التعب وقلة النوم وقال

– أنا تعبان من قلة النوم بجد نفسى أغمض عنى وأناااااام

وقفت على قدميها ومدت يدها له وقالت

– طيب يلا قوم معايا

وضع يده فى يدها لتجذبه وتدلف به إلى الغرفه أخرجت له ملابس بيتيه مريحه ثم قالت

– غير هدومك على ما أجبلك حاجه سريعه تاكلها وتنام

لم يعترض أو يتكلم هو فى الأساس لا يقوى على فعل أى شىء وضع الملابس على الكرسى ثم خلع قميصه وحذائه وتمدد على السرير ليغرق فى النوم فى ثوانى دلفت حور إلى الغرفه بعد عدة دقائق لتجده على هذه الحالة وضعت ما بيدها على الطاولة واقتربت منه تنظر إليه بشفقه ودثرته جيداً وحملت قميصه الملقى أرضاً ووضعته فى مكانه وحملت حذائه ووضعته جانباً ثم أخذت صحن الشطائر وغادرت الغرفه

••••••••••••••••••••••••••••••••••••••••••••••••

بعد أن علم أكرم من الطبيب حالة علياء قرر أن يؤجل لقائها للغد وأن يهتم الأن بالأخرى

نظر إلى رحيم وقال

– طيب خلينى أشوف مدام مسك دلوقتى ومدام علياء الصبح

هز رحيم رأسه بنعم وأخرج هاتفه وأتصل بأمه يسألها عن مسك فعلم أنها رحلت مع جدها

قطب جبينه ونفخ الهواء بضيق ليقول أكرم مستفهماً

– فى أيه ؟

نظر إليه رحيم بحيره وعجز وقال

– فى بيت جدها ومش عارف دلوقتى هينفع نروح ونشوفها ولا لأ

– جدها مش كان عارف حالتها وإللى حصل مؤخراً

هز رحيم رأسه بلا وقال

– لسه محدش يعرف أننا اتخطفنا

ليرفع أكرم كتفيه وهو يقول

– فى جميع الأحوال الموضوع هيتعرف خلينا نروحلها دلوقتى

وبالفعل فى غضون دقائق كانوا الأثنين يقفان أمام نعمان الذى كان يشعر بالحيره والقلق قص رحيم كل ما حدث معهم وحالة مسك الأن

خيم الصمت على الجميع وظل نعمان ينظر أرضاً ثم قال

– طيب وأنت جايب دكتور تانى ليها ليه ما أنت موجود

ثم نظر لأكرم وقال

– أنا آسف يا ابنى أنت تشرف فى أى وقت بس أنا عايز أفهم

أبتسم أكرم إبتسامه صغيره وقال

– ولا يهم حضرتك بس اسمحلى أنا أجاوب

هز الجد نعمان رأسه بنعم ليكمل أكرم قائلاً

– المدام مسك كان مصدر الأمان ليها بعد حادثة والدها هو رحيم ….. كان بيمثل ليها شىء كبير جداً …. ولما أكتشفت بالخطىء أنه ممكن يكون أتجوزها علشان يحميها بس وبالأمر من ابن عمته الظابط الله يرحمه حست أنها حمل تقيل عليه وبعدها حصل الخطف فبقت بتحس بعدم الأمان معاه ولكل الأسباب دى هو محتاج تدخل خارجى ده غير بقى أنه دلوقتى قلبه هو إللى بيتحكم فيه مش عقله ومش هيعرف يوزن الأمور