خفقات قلب يأبى النسيان بقلم سما سعيد الجزء الأول
فارس مبتسماً………مش بقولك بحط هنا الفايلات المهمة
بخاف بس حد من الخدامين مياخدش بالة من ورقة مهمة فــ توقف الصفقة
وانا ف غنى عن دة كلة ,,انتى عارفة ان لسة الشركة ف بدايتها
ورأس المال بتاعها صغير مقارنة بالشركات الكبيرة التانية
يارا …..ممكن تبقى تتصل بية وتقوللى ع الفايل اللى انت محتاجة
وانا افتح الدرج واجيبة وتبقى تبعتلى الساعى ييجى
ياخدة بدل ما تتعب نفسك ,,واردفت بخجل …..دا يعنى لو تحب طبعا
فارس مبتسما …..والله فكرة تصدقى,,بس اخاف اتعبك معايا وادوشك بشغلى
يارا مبتسمة….لالالاء عادى ولا يهمك ومفيش تعب ولا دوشة
فارس وهو يغلق خزانة ملابسة ……اوك اتفقنا عن اذنك بقى انا رايح الشغل
واوعدك انى احاول اخلص بدرى واكون هنا ف استقبال اصحابك
يارا ممتنة ………..اوك اتفقنا
وقبل مغادرتة باب الغرفة التفت وقال لها……..
اة متنسيش تفطرى وتاخدى علاجك
وبعد كدا اشربى النسكافية زى ماانتى عايزة
يارا مبتسمة ………حاضر مش هنسى
فارس مودعا ………..باااى
يارا…………مع السلامة
وبعد ان ودعتة وغادر ذهبت الى غرفتها ,,,,,
جلست على فراشها واخذت تفكر بحالها
والحياة التى تعيشها,,,
يالها من حياة صعبة ومشاعر مرهفة تحتاج لمن يحتضنها
………………………………..
داخل سيارة أسر
:::::::::::::::::::::::::::::::::
أسر وهو يقود سيارتة متجها الى منزل يارا
وبصحبتة مها خطيبتة واسيل شقيقتة……..
هاة يامها طمنينى حضرتى محاضراتك كلها وخلصتى البحث
اجابت مها الجالسة بجوارة…..ايوة طبعا الحمد لله يااسر
والمعيد مبسوط منى جداااااا
قطب جبينة وقال…….مبسوط منك ,,,طب كويس,,,,
اممممم الا قوليلى هو شاب ولا عجوز
ضحكت مها وقالت………يالهووووى دا شاب موز وزى القمر كمان
دا مجنن كل بنات الكلية واصحابى هيموتوا علية وهو ولا معبرهم
اوقف اسر سيارتة سريعا بدون وعى ,,,,,
وصوت فرملة العجلات قد بث الرعب بقلب مها واسيل
التى كانت تحتل المقعد الخلفى
لقد استفزت رجولتة دون قصد منها
التفت وامسك بمعصم مهاوقال بضيق…انتى اتجننتى وللا اية
ما تاخدى بالك من كلامك للآلطشلك
تنفست مها فى فزع ومن ثم قالت………آآآآآآآة ,, اية يااسر انا بضحك معاك مقصدش والله
اسر بغضب شديد……….شكلك هتتجننى علية ياحلوة يامحترمة
