خفقات قلب يأبى النسيان بقلم سما سعيد الجزء الأول

انا بشكرك جدا متتصورش كنت هزعل عليها قد اية

لو مكنتش لقتها ف شنطتى

انا مش عارفة وقعت منى ازاى وامتى

الشاب ……..حصل خير ,,ممكن تكونى وقعتيها وانتى مش واخدة بالك

اسيل مبتسمة……..اة ممكن تكون وقعت وانا بطلع موبايلى من شنطتى,,

شكرا جداا جداااا لحضرتك

الشاب وهو يبادلها الابتسام………..العفو ياانسة اسيل

اندهشت اسيل لمعرفة هذا الشاب الغريب اسمها

لاحظ الشاب اندهاشها فبادر بالقول…..

انا اسف انا قرأت الاسم ف اول صفحة بالمفكرة

واردف قائلا……..مش دا اسم حضرتك برضوا

تنهدت اسيل بضيق ومن ثم قالت لة………

ايوة اسمى وياترى قريت اية تانى ف المفكرة غير اسمى

باتت على ملامح هذا الشاب الانزعاج من جملتها ومن ثم تحدث قائلا…….

هو باين علية انى متطفل وقليل الذوق للدرجة دى

عضت اسيل شفتيها ندماً ومن ثم قالت لة……..

انا مقصدش والله ,,انا اسفة بس انا متضايقة شوية

الشاب ……..حصل خير ياانسة اسيل وعلى فكرة اسمك حلو اوى

اسيل مبتسمة ………ميرسى دا من ذوقك يااستاذ……

ومن ثم قالت لة …….متعرفتش بحضرتك بما انك عرفت اسمى

ممكن اتشرف بمعرفة اسمك

الشاب وهو يدس بأناملة بين خصلات شعرة ومن ثم قال لها…….

اممممم اقولك ومتضحكيش

اندهشت اسيل ومن ثم قالت لة ………اضحك ,, اضحك على اية يااستاذ

الشاب……على اسمى

اسيل مبتسمة وهى تسير بالتراك…………

غريبة,,,,,, على العموم متقلقش مش هضحك

الشاب وهو يسير بجانبها …….توعدينى

اسيل ……..ياة للدرجة دى,,,,,طب اوعدك اتفضل قول

بيـــــــــــــــبرس

اسيل وهى فاغرهً فاها ……..هة

بيبرس اسمى بيبرس

انفجرت اسيل ضاحكة ومن ثم قالت لة………..

سلطان مصر الملك الظاهر ركن الدين بيبرس العلائي البندقدارى

رابع سلاطين الدولة المملوكية

بيبرس بأحراج………..مش قلتلك انك هتضحكى

واديكى وعدتينى وخلفتى بوعدك

احرجت اسيل وتأسفت منة ثانيتاً

بيبرس………بس انتى عرفتى المعلومات دى كلها عنى ازاى

ضحكت اسيل ملئ قلبها ومن ثم قالت…………

انت صدقت انك سلطان مصر ولا اية؟؟؟

بيبرس مبتسما……..لاء ياستى هو انا اطول

اسيل ….انا خريخة اداب قسم تاريخ اسلامى جامعة عين شمس

بيبرس …..اةةة علشان كدا معلوماتك قوية

واردف قائلا………انا بقى ياستى دكتور اطفال بمستشفى استثمارى