عشق الأدهم لميفو الجزء الثاني

تعافت عشق علي نفسها ووجعها لتصل الي بيتها لتدخل لتحمد ربها ان امها لم تراها هكذا لتدخل وتقفل علي نفسها وتقع ارضا. لتسمع بعد برهه خبطات عالباب وامها تقول.._  انت يا بت جيتي من سكات ولا قلتي عملتي ايه.. طلقك يا بت.. افتحي كلميني..

لتصرخ فيها عشق.._  خلاص بقه.. خلاص خلاص كل حاجه راحت خلاص ارحميني وسيبيني في حالي

ظلت تجلس والام الدنيا تصب عليها صبا.._ اه يا وجعك يا عشق.. كده يا ادهم اتوجعت للدرجه دي لتدبحني اوي كده هنت عليك اوي كده كنت رخيصه في عينك اوي كده.. بعتك يا عمري وادورت وقتلتني.. اعمل ايه يا رب في وجعي ده اروح فين ااااااه ياني اااه يا شرايني اللي بتتقطع مش قادره يا عالم هموت.. اندبحت منه بالرخيص. ليه يا حب عمري

ظلت تلطم علي وجهها وتشد شعرها وتتشنج من الوجع.._ اروح فين اروح لمين غيرك يا رب… مافيش غيرك اشتكيله.. يا فضحتك يا عشق بايد حبيبك.. انا موجوعه قوي..

مسكت صدرها وانحنت لتضع راسها علي الارض وتضغط بقدمها علي صدرها لعل وجعها يذهب لتتنفس بصعوبه لتنام علي الارض متكوره نفس يخرج ونفس يدخل ودموعها تنزف.. ما هذا وكيف تحتمل مافعل بها… هو ده اليوم اللي اتمنيته يبقي حلم جميل هو ده اليوم يا عمري اللي قلتلي هتبقي ملكه قلبي التمسلك العذر بس انت دبحتني اوي.. هنت عليك قلبك قدر طب حبك كده راح خلاص.. اللي يعمل كده يبقي بيكره اوي.. كرهتني اوي كده تعيشني ايامي وسنيني مذلوله ليه يا قلبي دانا بعشقك وعملت كل ده عشانك ااااه قلبي يا رب قلبي ووجعي يا رب انتقملي منهم يا رب وصبرني اااه

ظلت تشد في شعرها وبدات تتشنج اكثر لتنام مغشيا عليها من فرط المها النفسي والحسمي

اما هو فكان في حال غير الحال يجلس منهكا يبكي بشده جراد ما فعله ليشعر بالقهر.._ اازاي يا ادهم قدرت تدبحها كده ازاي قدرت عليك نفسك تعمل فيها كده.. هيا الحب كله وايامك وذكرياتك تعمل فيها كده

كان يشهق بالبكاء.._  دا اليوم اللي حلمت بيه تلبسلك الابيض وتبقي ملاك نازل من السما.. دا اليوم االي عشت تحلم بيه.. دي اخرتها قرف..

كانت دموعه تنساب غصبا ويضع يده علي قلبه.._  كده يا عشق توصليني اني ادبحك بايدي… ليصمت قليلا لينغزه شيطانه.._ لا هيا تستاهل.. هيا اللي عملت فيك كده دي واحده رخيصه بتعيط علي ايه انت هتفضل اهبل وبرياله لامتي.. قوم يا ادهم وشد حيلك انت اقوي من كده انت دستها بجزمتك اللي هيا تستحقه خدته قوم شوف خالك واكبر وعيش.. اكبر ودوس ولا ترحمش.. اكبر وعرفها يعني مين ادهم السليماني… انت هتفرح وهتعيش وهتكبر وهيا هتتفضح وتتذل.. انت هيبقي معاك تلال فلوس وهيا هتفصل جربوعه محدش هيهوبلها.. انت صح.. دوس واطلع.. واوعي ترجع الاهبل الطيب اللي يصدق ان فيه حب.. انت قدامك خير الدنيا اكبش وعبي ووريها انك وصلت.. مش كانت عايزه الفلوس اهو انا هيبقي معايا فلوس كانت عايزه تنتهز الفرص انا هيبقي معايا كل حاجه وهعلي واكبر وهيا مش معايا.. هعلي. هتوطي هيا.. قوم يادهم وخد من الدنيا نصيبك اللي موتته الحيه اللي ربيتها في عبك.. بس خلاص ادهم بقي واحد تاني.. بجد يا عشق تشكري من غيرك كنت هفضل اهبل بس لا والف لا من هنا ورايح ادهم بتاع عشق مات كل العشق بقي كره وبقيتي كره الادهم يا عشق.. بقيتي مسخ بالنسبالي عيشي بعارك وانا هعيش بانجازاتي وساعتها هنشوف مين اللي كسب ولسه من بكره. هتحسي الذل عن حق لسه يا عشق ماخلصتش لسه هغرز فيكي وادوس وهفضحك فضيحه السنين.. انت كده طلبتيها ونولتيها.. انا بقه هديكي طلبك وهنشوف هتفرحي ازاي بالفرص بعد اللي هعمله فيكي.. لسالك معايا تكه بسيطه.. وتندفني تماما..