رواية المنبـ,ــ,ـوذة بقلم جيجي الجزء الثاني
كريم بتوتر: _ اااه طبعا انتى قولتيلى الطريق منين للقاعه اصلى مش من هنا ومعرفش الطريق كويس ركزى معايا…
“فى الفرح……”
ماهيتاب: _ ممكن يا كريم ترقص سلو معايا …اصلى بحب الاغنيه دى اوى
كريم: _ اوكيه يلا بينا ….
ماهيتاب قربت على كريم اوى شبه جوه حضنه ووضعت رأسها على كتفه وظلت تتمايل مع الاغنيه. اما كريم فشعر بأحاسيس لاول مره تحدث له فمن الممنوع حدوثها الا مع من ملكت قلبه وهى مريم فقرر الهروب
كريم: _ كفايه كدا يا ماهيتاب انا تعبت يلااا نروح البيت
ماهيتاب: _ انت تعبان الف سلامه عليك ماشى يلااا نروح المهم راحتك وصحتك…
مريم ظلت تراقب عقارب الساعه فالوقت اقترب على نصف الليل وهما لم يأتوا بعد وبدأت الشكوك تراودها من جديد.كريم وصل الشقه وهو يضحك بشده مع ماهيتاب لدرجه انه لم يلاحظ وجود مريم…
مريم: _ امممم شكلكوا انبسطوا اوى ضحكونى معاكم….
ماهيتاب بتسبيله لكريم: _ كان اجمل يوم بالنسبالى النهارده يوم مش هيتكرر تانى….
كريم: _ عندك حق.
مريم: _ ممكن عادى اجبلكم اتنين لمون. وكرسيين تحت الشجره دا انا شكلى بقا عزول بينكم
كريم: _ مريم حاسبى على الفاظك وتصرفاتك…
مريم: _ ياراجل المفروض انا اللِ هحاسب شوف نفسكم انتوا الاول جايين الساعه كام ومش بس كدا ضحك ومسخره وتسبيلات انا داخله انام تصبحوا على…ولا بلاش
ماهيتاب بدموع: _ شوفت يا كريم مريم بتقول ايييه ازاى تفكر فيا كدا عن اذنك يا كريم اشوفها وافهمها اننا مش بينا حاجه انت ابن خالى.
كريم: _ اوعى تكلميها دى انسانه متخلفه واسلوبها همجى ادخلى نامى وانا الصبح ليا كلام تانى معاها…
زياد: _ الو ازيك يا بابا عامل ايه معلش بكلمك فى وقت متأخر عندكم بس انت عارف فرق التوقيت وكدا طمنى عليك انت صحتك كويسه….
عمر: _ الحمدلله يا بنى وانت اخبارك ايه مرتاح هناك فى شغلك وعيشتك فى الغربه.
زياد: _ الحمدلله كله تمام…اخبار عمى واولاده ايه كويسين
عمر: _ الحمدلله كله تمام هو انت مش بتتصل بمراتك ليه يابنى.
زياد: _ هههههه مراتى تصدق انها مرنتش حتى عليا ولو بالغلط مع انى كنت حاسس بالذنب ناحيتها بس شكلها اتاقلمت من عدم وجودى خلاص يا بابا كل واحد ينام على الجنب اللِ يريحه وقريب اوى هتخلص منى نهائي وتشوف حياتها بقا
عمر: _ لا حول ولا قوة الا بالله ربنا يريح بالك وقلبك يا بنى…
زياد: _ اخبار مريم ايه سعيده مع كريم…
عمر: _ ااه متشغلش بالك يا ابنى شوف حياتك انت ماتوقفش حياتك على حد تانى.
زياد: _ تمام تصبح على خير
مريم: _ انا زهقت يا كريم كل يوم خناق ومن ساعه ما اشتريتوا الفله الجديده وعيشتوا فيها وانا مش بشوفك غير قليل اوى تتصور انى بعرف اخبارك من اختى!
كريم: _ عادى يعنى بحاول اتاقلم على البلد واشوف ازاى هفتح شركتى هنا بدل المانيا وبدرس السوق المصرى علشان ما خسرش فلوسى واسمى اللِ بنيته فى المانيا….
مريم: _ اوكيه كل دا تمام بس مش غريبه ان اختى هى اللِ تعرف كل دا وانا خطيبتك ما تعرفش ومش بس كدا لا وكمان بتطمنى عليك انت شايف ان دا طبيعى!
كريم بتوتر: _ يووه بدأنا واصله النكد سلام يا مريم انتى بقيتى ست نكديه…
مريم ببكاء: _ سلام يا كريم
مريم وهى تبكى لا تعلم هل هى تبكى على نفسها فكريم اصبح مثل اهلها تماما وهى تعانى من الوحده والاكتئاب ام هى اصبحت شديده الحساسيه ام للموضوع وجه اخر ماهيتاب هل بعد طلاقها من زياد تقوم بمحاوله اخذ شئ اخر منى الا هو كريييم لن اسمح لها بذلك…
الدكتوره النفسيه: _ بقالك كتير يا مريم ما بتحضريش الجلسه…
مريم: _ معلش يا دكتوره حصلت مشاكل كتير اوى فى البيت والجو كان متوتر
الدكتوره: _ ممكن تحكيلى يمكن نعرف نحلها…
مريم: _ هبدأ من زياد ابن عمى اللِ بقا ممنوع اتواصل معاه وهو فى الغربه انا مقدره حساسيه الوضع علشان كدا معترضتش بس هو طلق ماهيتاب اختى والعجيبه انها ماهتمتش ولا زعلت اكنه مش فارق معاها مع انها كانت هتمووت عليه وهى كانت السبب فى عدم ارتباطه بيا….
الدكتوره: _ ازاى كانت السبب فى عدم ارتباطه بيكى وضحى اكتر…
مريم: _ لما زياد اعترف ليا بحبه وانه عاوز يتجوزنى ماما وماهيتاب اعترضوا بحجه انها بتحبه ومينفعش اتجوز واحد اختى بتحبه
الدكتوره: _ وانتى اتصرفتى ازاى….
مريم: _ انسحبت بهدوء وسافرت المانيا عند خالى وبعد فتره زياد واختى ماهيتاب اتجوزوا.
الدكتوره: _ مش غريب ان زياد يتجوز اختك وهو عارف انها السبب فى بعد حبيبته عنه.
مريم: _ ماهو جواز مع ايقاف التنفيذ.
الدكتوره: _ وضحى انا مش فاهمه…
مريم: _ بصراحه كدا اختى اتعرضت لحادثه اغتصاب وكان لازم يداروا على الفضيحه دى وماكانش قدامهم غير زياد يتجوزها قدام الناس علشان يستر عليها بس اللِ عرفته انه مالمسهاش ابدا كانوا زى الاخوات وبعدين زياد سافر امريكا وطلقها بعد كام شهر…
الدكتوره: _ وااو زياد دا طلع شهم اوى مفيش حد فى الزمن دا بيعمل كدا هاه وبعدين.
مريم: _ كريم!
الدكتوره: _ ماله كريم مش دا خطيبك.
مريم: _ خطيبى الحاضر الغائب مالوش وجود فى حياتى بقا سراب انا حاسه ان اختى عينها منه وبتقرب منه وبتبعده عنى وانا مش عارفه اتصرف ازاى عارفه انا بدأت افكر فى الانتـ,ــ,ـحار تانى علشان كدا رجعت لجلسات العلاج تانى.
الدكتوره: _ كويس انك فكرتى انك ترجعى للعلاج عندى تانى وبلاش تهور امسحى الافكار الهدامه دى من عقلك…
مريم: _ طيب قوليلى ارجع كريم تانى ازاى وابعده عن اختى اللِ بتخطف اى حاجه تكون معايا من طفولتنا وهى بتعمل كدا وللاسف امى كانت بتسمحلها بكدا بحجه اختى الصغيره ولازم اتنازل عن حاجتى ليها علشان تفرح هى ومش مهم انا احس بأيه.
الدكتوره: _ انا عاوزه اسألك سؤال انتى بتحبى كريم ولا حبه ليكى واهتمامه.
مريم: _ صدقينى مش عارفه الاول حبيت اهتمامه بيا وخوفه عليا لان دا اول امره احس بيه عمرى ما حد اهتم بيا وخاف عليا بالشكل دا وعلشان كدا حبيته
الدكتوره: _ دا اسمه تعلق مش حب انت اتعلقتى بيه وحبيتى اهتمامه وخوفه عليكى وان فى شخص بيحبك انتى لشخصك لو افترضنا ان فى شخص تانى ظهر فى حياتك دلوقتى وقدملك كل ده ويمكن اكتر من كريم ودا فى الوقت اللِ كريم بدأ يبعد عنك هتعملى ايه.
مريم: _ مش عارفه انا تعبت اوى ممكن اروح….
الدكتوره: _ مفيش مشاكل نكمل فى الجلسه التانيه سلام يا مريم وحافظى على نفسك حياتك غاليه اوى خساره انك تقللي منها علشان حد ممكن يكون مايستهلش حبك اشوفك الجلسه الجايه.
مريم وهى بتوقف تاكسى علشان تروح لمحت عربيه كريم ومعاه اختها ماهيتاب.
مريم للسواق التاكسي: _ من فضلك امشى ورا العربيه دى.
مريم نزلت من التاكسي فى المكان اللِ وقفت فيه عربيه كريم وبشوف ايه المكان ده لقيته كافي شوب دخلت بهدوء جوا الكافيه ولقيت كريم مع ماهيتاب على طاوله وماسك ايديها. حاولت اتماسك وقربت منهم بس شكلهم مكنوش حاسين باللِ حواليهم وسمعت كريم بيقولها _ انا بحبك يا ماهي ومش هقدر ابعد عنك ومش عارف اتصرف ازاى مع مريم ….
مريم بمقاطعه لكلامه: _ لا متشغلش بالك مريم خلاص عرفت وفهمت كل حاجه مش محتاج تفهمنى عارف انت اقذر انسان انا عرفته.
ماهيتاب: _ مريم اسمعى بس احنا.
مريم: _ انتى تخرسي خالص انتى خساره فيكى كلمه اختى من النهارده انا مايشرفنيش انك تكونى اختى عارفين انتوا ليقين على بعض اوى انتوا شكل بعض خاينين
وجريت من المكان دا وانا مش شايفه الطريق من كتر دموعى واول تاكسي شوفته وقفته على طول وروحت البيت وانا منهاره حرفيًا…بس عارفين ما دخلتش شقتنا دخلت شقه عمى عمر هو اللِ هيفهمنى…
ترن ترن ترن
عمر: _ مريم! مالك يا بنتى في ايه حد حصله حاجه اخويا كويس ما تتكلمى مالك.
مريم حضنت عمى وانا منهاره مش قادره اتكلم….
عمر: _ طيب ادخلى جوه هروح اجبلك مايه.
عمر: _ هاه هديتى مالك قلقتينى عليكى حصل ايه فهمينى يا بنتى
مريم: _ بيخونى يا عمى بيخونى….
عمر: _ لا حول ولا قوة الا بالله مين يا بنتى واحده واحده وفهمينى…
مريم ببكاء: _ كريم بيخونى مع اختى ماهيتاب يا عمى كانوا مع بعض فى كافيه وسمعته وهو بيعترفلها بحبه وانه مش عارف يواجهنى ازاى انا كنت حاسه بكدا من الاول اختى يا عمى اختى عارف يعنى ايه اختى بتطعنى فى ضهرى وانا اللِ سيبت زياد علشانها علشان كنت فاكره انها بتحبه ومقدرتش اكسرها لان بالنسبه ليا اختى ابقا ليه من اى حد تعمل فيا انا كدا….
عمر: _ اهدى يا بنتى متعمليش فى نفسك كدا هتموتى نفسك ما فى داهيه كريم بس انتى واثقه ان اختك على علاقه مع كريم ان بعض الظن اثم اتأكدى الاول.
مريم ببكاء: _ يا عمى انا كنت بقالى فتره شاكه فى ماهيتاب عارف من امتى من ايام ما كنت فى المستشفى لما حاولت انتحر وهى تصرفاتها مريبه مع كريم وانا سكت وماردتش اتكلم واقول لبابا ولا لماما لانهم ممكن ميصدقونيش قولى يا عمى انا بيحصل ليييه معايا كدا الاول قولت يمكن علشان مكونتش حلوه وكلهم كانوا بيتنمروا عليا ودلوقتى بعد لما بقيت حلوه برضوا ما سلمتش منهم يااارب اموت واريحكم منى انا تعبت والله تعبت يا عمى.
عمر: _ متقوليش كدا استغفرى ربنا مفيش حاجه تستاهل لقهرتك بالشكل دا يغوروا هما الاتنين فى مثل شعبى بيقول الطيور على اشكالها تقع ربنا هيعوضك باللِ احسن منه الف مرة وابقى قولى عمى قالى مفيش حاجه تستاهل دموعك صدقينى هو اللِ خسرك اهدى يا بنتى وادخلى نامى فى اوضه زياد وانا ليه كلام مع ابوكى متقلقيش استريحى انتى بس
منصور: _ ايه الكلام اللِ بتقوله دا يا عمر مش ممكن ماهيتاب تعمل كدا.
انا هناديها بنفسي _ ماهيتاب ماهيتاب….
ماهيتاب بخوف وتوتر: _ ايوه يا بابا عاوز حاجه…
منصور: _ ايه يا بنتى الكلام اللِ سمعته دا
ماهيتاب: _ ك كلااام ايييه!
منصور: _ على اخر الزمن تخطفى خطيب اختك وتقهريها….
ماهيتاب: _ انا وكريم بنحب بعض و. ااااااه انت بتضربنى يا بابا…
منصور: _ وأكسر دماغك وعضمك كمان انتى اييييه حلوفه مش بتحسي دى اختك لحمك ودمك ازاى تعملى فيها كدا.
ماهيتاب ببكاء: _ اختك اختك انا زهقت اختى هى السبب ان زياد ميحبنيش ويسبنى ويطلقنى وكريم حبنى انا مش هى خلاص بقا سيبونى اتجوز اللِ بيحبنى وانا بحبه وعايزه اتجوزه الدنيا مش بتدور حوالين الست مريم….
مريم: _ عندك حق انا موافقه يا بابا ان ماهيتاب تتجوز كريم بس بشرط انا عاوزه اكمل دراستى برا انا مش قادره اتعامل مع الناس اللِ هنا ولا حتى قادره اتعايش مع عيلتى…
سوسن: _ عاوزه تسافرى يا بنتى تانى وتسيبينا….
مريم بسخريه: _ ههه اوعى يا ماما تقولى انى بوحشكم ولا حاجه دا انا ساعات بحس انكم بترموا ورايا قُله….
سوسن: _ احنا بنحبك يا مريم…ليه بتقولى كدا احنا اهلك….
مريم: _ اهلى ولا زمالك ههههه انا بريحكم منى وخصوصا بريح ماهيتاب من حضورى لانه بيزعجها على العموم ارتاحى يا ماهيتاب انا ماشيه وسيبهالك بس افتكرى انك موتى بالنسبالى ماعدش ليكى وجود انتى انتهيتى اتهنى بكريم…
منصور: _ انتى متأكده يا بنتى من قرارك…
مريم بتنهيده طويله: _ ايوه يا بابا ومن فضلك انا عاوزه اسافر انجلترا مجال دراستى هيكون احسن هناك بيهتموا اوى بالفنون…
عمر: _ هتوحشينى يا مريومه انتى كنتى مونسانى بعد سفر زياد اعمل ايه دلوقتى من غيركم…
مريم: _ متقلقش يا عموره انا مش هسيبك هكلمك كل يوم فيديو كوول لغايه لما تزهق منى…
بعد مرور شهرين
كريم: _ انا فرحان اوى ان النهارده يوم فرحنا. انا بحبك اوى يا ماهي….
ماهيتاب: _ امممم وانا كمان فرحانه.
كريم باستغراب: _ دا صوت واحده فرحانه بفرحها مالك حد ضايقك مريم اتصلت بيكى ضايقتك بكلمه.
ماهيتاب: _ لا متصلتش بالرغم انها عارفه انه يوم فرحنا….
كريم: _ ما هو دا طبيعى انتى عارفه حساسيه الموقف هتقولك ايه يعنى مبروك انك هتتجوزى خطيبى
ماهيتاب فى نفسها: _ كنت عاوزه اشوف قهرتها ولا حتى اسمع صوتها وهى منهاره علشان ابرد نارى منها. بس ملحوقه انا هتصرف.
كريم: _ الووو ماهي انتى روحتى فين مش بتردى ليييه…
ماهيتاب: _ معلش يا كريم هقفل معاك علشان ميك اب ارتست بتحطلى المكياج سلام دلوقتى….
زياد: _ الوو ازيك يا بابا عامل ايه وحشتنى اوى بقولك ايه هتصل بيك فيديو كول…
ايه ده يا عموره انت عجزت ولا ايه …
عمر: _ اتلم يا زفت عموره فى عينك قول بابا مفيش غير مريومه هى بس اللِ بسمحلها تقولى عموره
زياد: _ امممم بس ايه الانوار والزينه دى اللِ حواليك اوعى تقولى انه فرح مريم!
عمر: _ هو فرح كريم بس مش مريم….
زياد: _ مش فاهم هو كريم هيتجوز نفسه. …
عمر: _ افهم يا غبى دا فرح كريم على ماهيتاب.
زياد بعد لحظات من صمت: _ كريم هيتجوز ماهيتاب…! انا كدا فهمت صح مش كدا….
عمر: _ ايوه فهمت صح….
زياد: _ ازاى ومريم ايه اللِ حصل ومقولتليش ليه ان مريم وكريم سابوا بعض….
عمر: _ وده هيفرق معاك فى ايه…
زياد: _ بابا انت هتجننى انت عارف سبب غربتى عن بلدى ايه وانا بحب مين وبعد دا كله بتسألنى هيفرق معايا ايه اعرف ان مريم مش هتتجوز ولا هتسيبنى وتروح لحد غيرى.
عمر: _ كفايه لحد كدا الناس اكلت وشنا بعمايل بنت عمك ماهيتاب الناس بتقول عليها خطافه الرجاله ومش اى رجاله دى خطفت خطيب اختها وطفشتها من بلدها….
زياد: _ قصدك ايه بطفشتها من بلدها هى مريم فين…!
عمر: _ فى انجلترا بتدرس فنون مش فاهم بالظبط حاجه زى كدا…
زياد: _ لوحدها! قاعده لوحدها فى بلد غريبه محدش معاها
عمر: _ هى مش صغيره يا زياد وهى كبيره وواعيه.
زياد: _ كبيره ايه ازاى عمى يسمح بكدا وهى سافرت من امتى….
عمر: _ تقريبا من شهرين…
زياد: _ وهى بتتصل عليكم يعنى ايه اخبارها.
عمر: _ بتتصل بس مش بشكل دائم…
زياد: _ طيب تعرف عنوانها هناك. ….
عمر: _ اه اعرف بتسأل ليه اوعى يكون اللِ فى دماغى صح.
زياد: _ اه صح انا هروحلها اطمن عليها انا مش عارف عمى ومراته معجونين من ايه ازاى يسيبوا بنتهم لوحدها فى بلد غريبه…
عمر: _ انت صحيح معلقتش على جواز ماهيتاب وكريم ليه…
زياد: _ علشان مايهمنيش يتجوزا ولا يتزفتوا ربنا يهنيهم سلام بقى يا بابا….
زياد: _ الوو شركه الطيران لو سمحتى عاوز تذكره لانجلترا النهارده لو سمحتى ميرسي جدا…
زياد: _ اخيرا وصلت انجلترا فين العنوان اهه كويس ان بابا بعته واتس اب taxi ايوه هى دى العماره بس الدور الكام. هروح اسأل الراجل اللِ نازل من العماره…
Please، can you help me
الرجل: of course.
زياد: which apartment، does marim live in
الرجل: ooh، marim …she is a beautiful girl…
زياد: What did you say
الرجل: Are you anew boyfriend
زياد: _ الراجل دا شكله مجنون.
مريم: _ زياااد! بتعمل ايه هنا….
زياد: _ مريم! ايه اللِ مهبباه فى نفسك دا
مريم: _ امممم بدأنا بقا خير ايه اللِ جابك هنا….
زياد: _ نعم انتى بتتكلمى بالاسلوب ده ازاى…
مريم: _ عاوز ايه يا زياد اخلص انا مش فيقالك عاوزه انام…
زياد: _ انتى شاربه حاجه نهار مش معدي هى حصلت كمان بقيتى خمورجيه وايه اللبس اللِ لبساه ده اطلعى قدامى على شقتك اشوف هفوقك ازاى….
مريم: _ اوعى سيبنى انت اتجننت اقفل الحنفيه دى….
زياد: _ اخرسى خالص لازم تفوقى من القرف اللِ شرباه الدش ده هيفوقك ادخلى غيرى هدومك لغايه لما اعملك قهوه.
مريم: _ يععع القهوه دى مره اوى…
زياد: _ على ما اعتقد انك فوقتى دلوقتى ممكن اعرف ايه اللِ انتى عملاه فى نفسك دا….
مريم ببرود: _ عامله ايه ما انا زى الفل اهه وقمر ١٤
زياد: _ مريم انتى بتستهبلى انتى جرا لعقلك حاجه انتى بقيتى ازاى كدا.
مريم بسخريه: _ ههههه البركه فيكم دى النسخه اللِ انتوا صنعتوها ايه رايك فى انجازكم تحفه مش كدا…
زياد: _ مريم حبيبتى انتى مش كدا ولا هتكونى كدا انتى اكتر بنت بريئه شوفتها فى حياتى واطيب واحن بنت
