رواية المنبـ,ــ,ـوذة بقلم جيجي الجزء الثاني
مريم: _ ههههههه لا هو انت معرفتش يقطعنى مش مريم اللِ انت بتتكلم عنها ماتت ااه صدقنى ماتت وشبعت موت كمان انا واحده تانيه غيرها بس ايه اعجبك اوى تحب تجربنى.
_ ااه انت اتجننت بتضربنى…!
زياد: _ انتى مين! مستحيل تكونى مريم…
مريم بغضب وصوت مرتفع: _ اااه انا مش مريم انا خلاص بطلت ابقى مريم الضعيفه اللِ كلكم بتحبوا تدوسوا عليها اللِ مالهاش حق تدافع عن نفسها او تاخد حقها انتوا قتـ,ــ,ـلتونى انا مش موجوده خلاص بح انا دلوقتى بقيت ميرو البنت القويه اللِ مفيش حد يجرئ ياخد حاجه بتاعتها انا بقيت حره احب اللِ عاوزاه واتسلى باللِ عاوزاه انت عارف انا بقى عندى كام بوى فريند امممم مش فاكره هما كتير اوى بس تعرف انا بقيت اسعد انسانه فى الدنيا ….
زياد بصدمه: _ انتى بتقولى ايه انتى بتخرفى اكيد بتخرفى بوى فريند وزفت ايه على دماغك انتى لازم ترجعى معايا مصر فورًا
مريم: _ هههههه ارجع فين انت بتخرف اكيد انا مش منقوله من هنا ولو مبطلتش تخاريف انا مضطره ابلغ البوليس وهما يتصرفوا انا مش ناقصه على الصبح…
زياد: _ انتى ايه اللِ حصلك انتى اكيد اتجننتى مريم انتى مش طبيعيه طيب بلاش نرجع مصر بس ممكن اطلب منك طلب…
مريم بزهق: _ امممم اطلب وخلصنى…
زياد: _ انتى محتاجه دكتور نفسي علشان خاطرى حاولى تتعالجى انتى مش طبيعيه…
مريم: _ امممم خلصت شكرا على النصيحه الغاليه بس للاسف مش هنفذها انا مرتاحه كدا يا اخى انت مالك…
زياد: _ مريم حبيبتى انا زياد ابن عمك اللِ بيحبك وبيتمناكى ايه اللِ حصلك بس هما عملوا فيكى ايه احكيلى
مريم: _ امممم عاوز تعرف ايه مع انه مش هيفرق معرفتك او عدمها واحد بالنسبالى لانى خلاص قررت اعيش لنفسي وبس وطز فى كل حاجه…عاوز تعرف ان اختى خانتنى مع خطيبى وحبيبى عاوز تعرف انه باعنى واشتراها واكنى كنت محطه بالنسباله. عاوز تعرف ان اهلى انا مش فارقه معاهم ولا بيسألوا عنى ولا حتى اهمهم اعيش ولا اموت. عاوز تعرف ان قلبى خلاص اتكسر ومبقاش ليه وجود انى بدل ما انتحر قررت انى اموت روحى بس وجسمى لسه موجود فى الحياة…هاه كدا كفايه ولا لسه عاوز تعرف حاجه تانيه انا بيتهيألى كفايه لانك مش هتستحمل اكتر من كدا…
زياد: _ مكنتش قادر اتخيل كميه الوجع اللِ باين فى صوتها ماحستش بنفسي الا وانا بحضنها اوى اوى كنت عاوز اخبيها عن العالم ده كنت عاوز اطمنها بس اتفاجأت وهى بتبادلنى الحضن ومش بس كدا كانت منهاره من العياط اكنها كانت مستنيه الحضن دا من زمان اوى…
زياد: _ اشششش اهدى انا جمبك ومستحيل اتخلى عنك انتى حبيبتى مهما يحصل انا مش هسيبك هفضل دايمًا فى ضهرك انا سندك واللِ هحميكى من كل دووول انتى فاهمه انا بحبك اوى يا مريم اوى
مريم ببكاء: _ لا انت زيهم هتتخلى عنى وتسيبنى هو كمان كان بيقولى كدا بس طلع كداب وخانى انا مبقتش قادره اصدق حد انا مش بثق فى حد خلاص.
زياد بغيرة: _ اوعى فاهمه اوعى تقارنينى بكريييم انتى فاهمه انا بحبك افهمى بقا اعمل ايه يثبتلك انى بحبك.
مريم: _ لو فعلا بتحبنى سيبونى اعيش لوحدى انا مرتاحه كدا ابعدوا عنى انسونى اكنكم متعرفونيش…
زياد: _ مريم لو روحتى المريخ هاجى معاكى انتى فاهمه انا مش مستعد اتخلى عنك مهما يكون تتجوزينى
مريم: _ عاوز تتجوزنى شفقه مش كدا…انا صعبت عليك للدرجادى
زياد: _ انتى هبله يا مريم…. بقولك بحبك بعشقك …مستعد اروح معاكى لاخر الدنيا مادام هتكونى معايا وفى حضنى…
مريم: _ وتفتكر اهلنا هيوافقوا بكدا…. عايز الناس تاكل وشهم ويقولوا البنات اتجوزوا اجواز بعض…ههههه تبقى بتحلم…
زياد: _ انا ميهمنيش حد ومش مستنى موافقه حد انا هتجوزك دلوقتى حالا يلا بينا على السفارة المصريه نتجوز هناك انتى كملتى سن الرشد يعنى مش محتاجين حد….
مريم: مش خايف لتندم على قرارك…
زياد: _ اندم! هههههه انتى شكلك مش مستوعبه انا بحبك قد ايه….
مريم: _ وانا موافقه بس على شرط…
زياد: _ انا موافق من غير ما اعرف شرطك…
مريم: _ استنى بس مش يمكن لما تعرفه تغير رأيك….
زياد: _ قولى انا سامعك ….
مريم: _ ………… هو دا شرطى.
زياد: _!
مريم: _ الو ازيك يا ماهيتاب الف مبروك الفرح ….
ماهيتاب: _ الله يبارك فيكى امبارح كان فرحنا لسه فاكره تباركى لينا دلوقتى ااه سورى نسيت انك زعلانه لانى خطفت خطيبك هارد لاك يا حبيبتى بس انتى اللِ بدأتى ولا نسيتى بسببك زياد اتخلى عنى.
مريم: _ لا بلاش تفترى عليا انا اتخليت عن زياد علشانك ولا نسيتى بس للاسف انتى مقدرتيش تخليه يحبك وده مش ذنبى لكن انتى خطفتى خطيبى وانتى قاصده كدا على العموم احب اقولك اشبعى بيه انا خلاص اتجوزت وعارفه اتجوزت مين اممم حذرى فزرى زياد ايه مفاجأه حلوه مش كدا…
ماهيتاب: _ انتى كدابه زياد فى امريكا ايه اللِ هيجيبه عندك.
مريم: _ اوكيه انا عارفه ان الصدمه كبيره عليكى انا هبعتلك صورنا واحنا بنتجوز…يمكن تصدقى…سلااام يا قطه…تعيشى وتاخدى غيرها
ماهيتاب: _ استلمت رسايل فيها صور لجواز مريم وزياد لا مستحيل هقـ,ــ,ـتلك يا مريم….
مريم: _ الووو ازيك يا كريم اخس عليك يا وحش برضوا متعزمنيش على فرحك دا انا حتى ابقى اخت العروسه وخطيبتك السابقة طيب بلاش كل دا انا بنت عمتك يا جدع…
كريم بتوتر وخجل: _ انا اسف والله يا مريم انا كنت هفهمك كل حاجه مكنتش عاوزك تعرفى بعلاقتى مع ماهيتاب بالطريقه دى صدقينى انا اسف والله سامحينى يا مريم…
مريم: _ اسامحك! هههههههه لا سيب السماح دا للِ بيعرفوا يسامحوا انا خلاص بح بس عارف انت اضحك عليك اه والله ضحكوا عليك انت فاكر ان زياد كان متجوز ماهيتاب بحق وحقيقى ههههههههه تبقى غلطان الهانم الله واعلم غلطت مع مين وزياد علشان ابن عمنا وشهم غطى على الفضيحه واتجوزها علشان يستر عليها وعلى فكره زياد مالمسهاش واه احب اقولك على المفاجأة التانيه انا اتجوزت زياد اصله راجل وشهم مش زى ناس تانيه خاينه وغداره ومش قد وعدها انت تستحق ماهيتاب سلام يا ابن خالى
كريم: _ لا مش معقول اكيد مريم كدابه وعاوزه توقع بينى انا وماهيتاب بس انا لازم اواجه ماهيتاب
“كريم ركب عربيته وكان سايق بأقصى سرعه وروح البيت _ ماهيتاب ماهيتاب
ماهيتاب: _ ايه بتزعق ليه مالك فى ايه…
كريم: _ انا هسألك وانتى تجاوبى بصراحه ومن غير كدب لانى هعرف…وساعتها اقسم بالله هقـ,ــ,ـتلك…
ماهيتاب بتوتر: _ سؤال ايه دا…
كريم: _ زياد لمسك ولا لأ ولو لأ اومال مين….
ماهيتاب بخوف: _ انت بتسأل ليه زياد كان جوزى واطلقنا….
كريم: _ سؤالى واضح مش عاوز لف ودوران جاوبى…
ماهيتاب ببكاء: _ انا هحكيلك كل حاجه بس صدقنى مش ذنبى والله غصب عنى انا كنت فى عيد ميلاد واحده صحبتى ساكنه فى المقطم و………………. بس دا اللِ حصل والله وزياد اتجوزنى علشان كلام الناس والفضايح بس مالمسنيش علشان بيحب اختى وكان شايفنى زى اخته لغايه لما طلقنى وسافر…
كريم بضحك هستيرى: _ ههههه يعنى ضحكتوا عليا خدعتونى ازاى مقولتليش حاجه زى دى …
ماهيتاب ببكاء: _ والله يا كريم.
كريم: _ لااخرسى مش عاوز اسمع صوتك انتى ايه شيطان خلتينى اسيب مريم اللِ ضافرها برقبتك ووهمتينى ان زياد انسان وحش حب اختك وانتى يا عينى مغلوبه على امرك بس تصدقى انتى اسوأ انسانه شوفتها انتى طالق طالق طالق غورى من وشى
ماهيتاب ببكاء: _ حرام عليك الناس هتمسك سيرتى ازاى تطلقنى بعد يوم واحد جواز….
كريم بسخريه: _ هههههه ابقى ألفى حكايه ليهم هو انتى هتغلبى دا انا اتهريت قصص وحكايات منك تعرفى انك اشطر ممثله شوفتها بس انتى عارفه انا استاهل اه والله استاهل اللِ حصلى علشان بدلت الجوهره الاصليه بالفالصوا انا مش بعاقبك على الحادثه اللِ حصلتلك انا بعاقبك على انك خبيتى عليا وقرطستينى وخدعتينى وكدبتى عليا ووهمتينى ان زياد انسان قذر بيحب اختك وهو متجوزك مع انه ارجل راجل انا شوفته ضحى بحبه علشان يستر عليكى ومش بس كدا اختك خبت عليا الحادثه اللِ حصلتلك علشان ماتقليش فى نظرى وكان جزائها انك خطفتى خطيبها وحبيبها انا ندمان انى ضيعت مريم وللاسف اتجوزت خلاص اكيد دا عقابى
ماهيتاب بصراخ: _ كفايه بقا كفايه مريم مريم ايه مفيش غيرها كلكم بتجروا وراها عاوز تعرف انا اتجوزتك ليه هقولك علشان انتقم منها ااه علشان انتقم منها لان بسبببها حب حياتى مش شايفنى ولا بيحس بيا بيحبها هى ورفضنى انا علشانها وهى طبعا قامت بدور المضحيه وسابت البلد كلها وسافرت عندكم ولما حصلتلى الحادثه وزياد اتجوزنى قولت خلاص اخيرا الحظ ضحكلى وتجوزت اللِ بحبه بس للاسف سعادتى مكملتش الهانم رجعت تانى وزياد بعد اكتر عنى وكان هيتجنن عليها ومرتحتش الا لما سافر وسابنى وعلشان كدا قررت احرق قلبها وادوقها من نفس وجعى واحسرها عليك بس تعرف انت طلعت خفيف اوى مخدتش فى ايدى غلوه ووقعت فى حبى بكل سهولة بس برضوا بعد دا كله هى اللِ كسبت واتجوزت زياد….
كريم كان مصدوم وهو بيسمع اعترافات ماهيتاب وانها خدعته علشان تنتقم من اختها للدرجادى
كريم بصوت هز ارجاء الشقه: _ اطلعى برا برا مش عاوز اشوف خلقتك تانى….
سوسن: _ ماهيتاب! مالك يا بنتى ايه اللِ مبهدلك كدا وبتعيطى ليه حصل حاجه انطقى….
ماهيتاب ببكاء: _ انا اطلقت يا ماما
سوسن: _ يالهوى يا مصيبتى ايه اللِ حصل …
ماهيتاب: _ هحكيلك يا ماما الاول مريم اتصلت بيا وقالتلى.
سوسن: _ اتجوزت زياد من غير ما نعرف ليه موتنا خلاص عيارها فلت…
ماهيتاب: _ هو دا اللِ همك دى خربت بيتى لتانى مره…. .
زياد: _ همممم ارتحتى كدا لما انتقمتى منهم فى حاجه تانيه عاوزه تعمليها….
مريم بضحك وسعاده: _ ههههه انا مبسوطه اوى اخيرا اخذت حقى منهم انت مش عارف هما حسسونى بأيه دوول وصلونى للانتـ,ــ,ـحار عارف يعنى ايه انسان يبقى عاوز يقتـ,ــ,ـل نفسه بأيده بسببهم…
زياد: _ انتى كدابه عنيكى مش بتقول كدا انتى بتتألمى علشانهم مش كدا…
مريم ببكاء: _ علشان انا غبيه لسه بحبهم وبزعل على زعلهم انا زى ما اذتهم اذيت نفسي معاهم…
زياد: _ لا يا حبيبتى انتى مش غبيه انتى احسن منهم مش ذيهم انتى عندك ضمير بيحاسبك لما تغلطى لكن هما معدومين الضمير والاحساس اظن كدا انتى انتقمتى كفايه وحققتى شرطك من غير اعتراض منى ممكن بقى اخدك فى حضنى علشان انتى وحشانى اوى
مريم بكسوف: _ انت مش زعلان منى يا زيزو
زياد: _ قولتى ايه مره كمان والنبى.
مريم: _ مش زعلان منى…
زياد: _ لا مش دى اللِ بعديها.
مريم: _ زيزو
زياد: _ يا دين النبى مين دا اللِ يزعل منك هو فى حد يزعل من الملبن القشطه بالعسل …
مريم: _ لو كنت لسه مش جميله زى الاول كنت حبيتنى…
زياد: _ يا حبيبتى انتى شكل زاكرتك ضعيفه انتى نسيتى باقات الورد اللِ يوميا كنت ببعتهالك على المدرسه ولا اعترافى بحبك ودا طبعا قبل سفرك وقبل ماتعملى عمليه التجميل هاه افتكرتى يعنى من الاخر انا بحبك انتى مش شكلك. بقولك ايه ماتيجى اثبتلك حبى بشكل عملى….
مريم بكسوف: _ زياد اللاه….
منصور: _ بتقولى ايه يعنى ايه اطلقت انتى يا ماهيتاااب انتى يا زفته…
ماهيتاب بخوف: _ ايوه يا بابا عاوز حاجه…
منصور: _ كريم طلقك ليه!
ماهيتاب ببكاء: _ علشان عرف موضوع الحادثه القديمه ….
منصور: _ ليه هو انتى ماحكيتلوش اللِ حصل…
ماهيتاب: _ بصراحه لا ماحكتش لييه حاجه بس مش عارفه مين اللِ قاله مفيش حد يعرف غيرنا احنا …
منصور: _ اكيد فهم اننا خدعناه وخبينا عليه المفروض يا بنتى تفهميه كل حاجه دا ابن خالك مش غريب يعنى…
سوسن: _ انا هتصل بأخويا علشان يشوف حل مع ابنه دا هيفضحنا وسط الجيران….
سوسن: _ الووو ازيك يا مرتضى الحمدلله شوفت يا اخويا ابنك عمل ايييه فى بنتى طلقها بعد جواز يوم واحد الناس هتمسك سيرتنا روح والنبى وعقله عيييب كدا دا ابن عمتها ازاى يفرط فى لحمه كدا طيب اللِ تشوفه ماشى سلام عليكم.
منصور: _ هاه قالك ايه…
سوسن: _ هيروح لابنه ويتفاهم معاه دا يا حبة عينى اتصدم لما عرف انهم اتطلقوا
ماهيتاب: _ مريم السبب اكيد ليها دخل فى خراب بيتى هى السبب
ماهيتاب: _ على فكره يا بابا مريم اتجوزت زياد….
منصور: _ اتجوزت! زياد مييين…
سوسن: _ اهدى كدا يا حج دى مريم اتجوزت زياد ابن عمها هناك فى انجلترا…
منصور: _ اتجوزت من غير ما نعرف ليه موتنا ولا احنا مالناش لازمه انا طالع فوق عند عمر ابوه اشوف ايه اللِ حصل حاجه تقرف انتى معرفتيش تربى حد دى تربيه زباله….
عمر: _ اتفضل يا منصور ايه يا راجل استنيتك امبارح علشان نلعب دور شطرنج بس انت مجتش خير…
منصور: _ خير! وهيجى منين الخير شوفت ابنك عمل ايه….
عمر: _ زياد عمل ايه…
منصور: _ اتجوز مريم من غير ما يكلف نفسه يقولنا اكننا مالناش لازمه موتونا بالحيا
عمر: _ اتجوز! والله ما اعرف يا منصور كل اللِ حصل انه طلب منى عنوان مريم فى انجلترا لما عرف انها سافرت علشان يطمن عليها انا هتصل بيه دلوقتى ونعرف ايه اللِ حصل بس انت عرفت منين الكلام دا…
منصور: _ الهانم اتصلت بأختها وقالتلها انها اتجوزت زياد ماهو احنا اخر من يعلم خلاص كبرنا وعجزنا ومبقاش لينا لازمه…
عمر: _ اهدى يا منصور وانا هتصل دلوقتى ونعرف كل حاجه….
