رواية المنبـ,ــ,ـوذة بقلم جيجي الجزء الثاني
عمر: _ الووو الله يسلمك يا سيدى ايييه الحكايه انت صحيح اتجوزت مريم من غير ما تقولنا للدرجادى معرفناش نربيكم يعنى ايه جات كدا مش قادرين ترجعوا هنا واحنا كنا جوزناكم مكناش هنرفض انت ابن عمها مش غريب علشان نرفض رفضنا قبل كدا علشان كانت ظروف انت فاهمها كويس بس دلوقتى ماهيتاب اتجوزت خلاص مافيش حاجه هتمنع خلاص ما دام احنا مالناش لازمه فى حياتكم كملوا بقا من غيرنا انسونا خالص سلام.
منصور: _ شوفت وسمعت بنفسك لا وكمان الهانم التانيه اطلقت….
عمر: _ بتقول ايه ماهيتاب اطلقت!
مريم: _ مالك ايه ندمت انك اتجوزتنى
زياد: _ انتى بتهزرى انا اسعد انسان على الكره الارضيه انتى بقيتى ملكى انا بس عارفه دا بالنسبالى ايه اكيد مش عارفه والا مكنتيش هتقولى كدا انا اول راجل واخر راجل فى حياتك مستحيل اسمح انك تبعدى عنى…
مريم فرحت اوى من كلام زياد وسألته اومال مالك شكلك زعلان ….
زياد: _ بابا زعل منى اوى وانا مش متعود انى ازعله…ومش عارف اعمل ايه علشان يرضى عنى….
مريم: _ علشان جوازنا مش كدا انا بحب عمى عمر اوى ولو طلقنا هيخليه يرضى عنك انا موافقه و….
زياد: _ مريم اوعى اسمع كلمه طلاق دى تانى انتى فاهمه انا مش هسيبك ابدا على جثتى حتى لو هخسر الدنيا كلها مش هسيبك انا بحبك فاهمه يعنى ايه بحبك اغنيهالك علشان تفهمى…
مريم: _ ربنا يخليك ليا يا زيزو
زياد: _ احلى زيزو منك بقولك ايه امبارح شكلى محبتكيش كفايه تعالى احب فيكى بذمه…
مريم: _ هههههه عيب يا زيزو اللاه
زياد: _ استعينا على الشقا بالله….
كريم: _ يا بابا دوول ضحكوا عليا خدعونى ازاى متقوليش حاجه زى كدا لا والادهى الهانم بتقولى انها اتجوزتنى علشان تنتقم من مريم مريم اللِ للاسف عرفت قيمتها متأخر اوى بس انا استاهل علشان جرحت مريم انا عاوز اسافر يابابا المانيا تانى انا مش هقدر اعيش هنا والحمدلله لسه مصفتش شركتى اللِ هناك
مرتضى: _ يا ابنى دى بنت عمتك واللِ عملته مايصحش المشكله مابتتحلش كدا انا معاك انهم غلطانيين انهم خبوا عليك وكان لازم يقولولك كل حاجه خصوصا انك مش غريب بس التمسلهم العذر الموضوع مش سهل يمكن مقدروش يقولولك وخصوصا ان زياد اتجوزها وطلقها فاعتبروا ان الموضوع انتهى ومش عاوزين ينبشوا فيه تانى ودى كانت حادثه غصب عنها يابنى سامحها هى مالهاش ذنب…
كريم: _ وانا ذنبى ايه اعيش مع واحده كذابه مخادعه دى بكل بجاحه بتقولى انها خدعتنى ومثلت عليا الحب علشان تنتقم من اختها أئتمنها ازاى على نفسى وبيتى لا يا بابا قرارى دا نهائى مش هرجع فيه ….
مرتضى: _ لا حول ولا قوة الا بالله اللِ تشوفه يا ابنى مقدرش اغصبك على حاجه دى حياتك وانت تتحمل نتيجه افعالك بس ارجع اقولك انت اللِ عملت فى نفسك كدا لما خونت مريم.
كريم: _ عندك حق انا استاهل كدا واكتر…
منصور: _ هاه يا سوسن اخوكى رد عليكى كلم ابنه.
سوسن بحزن: _ رد بس هو قال انه مش عاوزها تانى لانها خدعته وخبت عنه الحقيقه وكمان انها اعترفتله بأنها اتجوزته علشان تنتقم من مريم لانها السبب فى بعد زياد عنها….
منصور بصدمه: _ هى ايه يا بنت ال. يا زفته يا ماهيتاب انتى يا بنت
ماهيتاب بخوف: _ ايوه يا بابا ….
منصور: _ عارفه انا معرفتش اربيكى وكله من امك فضلت تدلع فيكى لغايه لما بوظتى وركبتينا العار بقيتى مطلقه مرتين غير الفضيحه بقا راسنا فى الارض مش قادر اتكلم مع كريم ولا اعاتبه منك لله عارفه انتى السبب فى كل حاجه حصلتنا اوعى تيجيبى سيره مريم دى انضف واحسن منك انا كنت زعلان انها اتجوزت من ورانا بس تعرفى انا دلوقتى فرحتلها انها اتجوزت زياد هما شبه بعض نضاف مش حقوديين زيك مش عاوز المحك قدامى تغورى على اوضك ومتطلعيش منها انتِ فاهمه
سوسن بخوف: _ اهدى يا منصور انت عندك الضغط احنا محتاجينك…. والله هنعمل اللِ عاوزه بس اهدى كدا وصلِ على النبى وكل حاجه هتتحل بأذن الله…
مريم: _ زيزو انت فين….
زياد: _ انا فى البلكونه يا قلبى تعالى هنا….
مريم: _ انا صحيت من النوم مالقيتكش حسبتك خرجت برا ايه بقا اللِ قاعدك فى البلكونه لوحدك بتفكر فى ايه….
زياد: _ انا لازم ارجع امريكا تانى اجازتى خلصت ومش قادر اسيبك لوحدك ايه العمل بقا
مريم: _ فعلا مشكله بص انا مش هقدر اغيب عن محاضراتى انا ماصدقت اتقبلت فى كليه الفنون بصراحه هتنفع مستقبلى اوى…
زياد: _ امممم طيب وبعدين ايه الحل
مريم: _ انا فاضلى شهر واخد اجازه الميدترم وابقى اسافر ليك امريكا واقضى معاك الاجازه ونفضل كدا مره انا عندك ومره انت عندى….
زياد: _ وهى دى عيشه انا مش هقدر استغنى عنك انتى بقيتى ادمان بالنسبالى….
مريم: _ طيب عندى فكره احنا نصبر بس الشهر دا وانا هسأل اذا كان ليهم فرع فى امريكا واحول انا عليه.
زياد: _ ابوس رأسك دى فكره جهنميه ايه الحلاوة دى انا مراتى ذكيه يا ناااس….
مريم: _ احم احم بس الواحد متواضع ومش بيخرج الافكار دى هباءًا علشان الحسد
زياد: _ ايه رأيك علشان الفكره الجميله دى ادخلى غيرى لبسك علشان هسهرك حتت سهره تفتكرينى بيها لما اسافر.
مريم: _ بجد فوريره هلبس بسرعه البرق…
زياد: _ الجو تحفه النهارده ايه رأيك انبسطى يا قلبى…
مريم: _ اوى اوى يا حبيبى…
زياد: _ انتى قولتى ايه قوليها تانى تكسبى فيا ثواب
مريم: _ ح ب ي ب ي حبيبى وروح قلبى كمان انا ماشوفتش حنيه زى اللِ شوفتها معاك…
زياد: _ يا لهوى كفايه انا كنت هيغمى عليا لما سمعت كلمه حبيبى انا مش قد الكلام الحلو دا
مريم: _ طيب انا هعملك مفاجاه شايف الكافيه دا اللِ قدامنا
زياد: _ اه ماله
مريم: _ تعالى ندخله وهناك هتلاقى المفاجأه…
زياد وافق وفعلا دخلوا الكافيه ومريم قالتله انها هتروح الحمام بس بعد خمس دقايق سمع صوت مريم بتغنى التفت وبص وراه شافها ماسكه الميكروفون وبتغنى. زياد مكانش يتخيل ان مريم صوتها حلو بالشكل دا غير احساسها اللِ يدخل القلب على طوول فى اللحظه دى كان بيتمنى ان ماحدش يسمع صوتها غيره هو وبس كان نفسه يخبيها عن عيون الكل
مريم: غنيت الاغنيه وانا عينى مش شايفه غير زياد وبس وبتمنى انها تعجبه وفجأه لقيت زياد بيقرب منى وبيحضنى وبيلف بيا وانا من كسوفى خبيت نفسي فى حضنه ومقدرتش ارفع رأسى من كسوفى من عيون الناس اللِ حوالينا ….
كريم: بابا انا عاوز اتصل بمريم علشان اتأسفلها على اللِ عملته فيها واطلب منها تسامحنى لانى حاسس بالذنب من ناحيتها ومش عارف اعمل ايه ممكن اتصل بيها…
مرتضى: _ دلوقتى يا ابنى الوضع بقى حساس مريم دلوقتى متجوزه وممكن جوزها يعملها مشاكل ويفهم غلط….
كريم: _ يا بابا والله انا مش قصدى حاجه انا خلاص خسرتها ومتقبل دا ربنا يسعدها ويهنيها بس انا عاوز ارتاح يمكن لما اكلمها ارتاح واكمل حياتى وانا سعيد
مرتضى: _ طيب يا ابنى بس انا هكلمها الاول اباركلها وبعدين هخليك تكلمها على اعتبار انك ابن خالها وبس انت سامع بلاش تعملها مشاكل انت فاهمنى طبعا…
مريم: _ كان فعلا اجمل يوم فى عمرى النهارده فعلا زياد ملئ عليا حياتى ومكنتش اتخيل انى هكون فرحانه بالشكل دا فى يوم من الايام روحنا شقتنا واحنا مبسوطين وطايرين من الفرح اخيرا ربنا عوضنا خير والله عوض ربنا ما فى احسن منه بيديك من غير حدود بس انت اصبر واحتسب…
زياد: _ على اد ما انا مبسوط وفرحان هالنهارده على اد ما انا زعلان علشان هسافر بكرا وهتحرم منك شهر ….
مريم: _ بلاش تفكرنى بالسفر خلينا النهارده نكون مبسوطين من غير اى حاجه تعكنن علينا…
ترن ترن ترن
زياد بتعجب: _ موبايلك بيرن يا مريم يا ترى مين بيتصل فى الوقت دا…
مريم: _ دا رقم خالو الوو ازيك يا خالو وحشتنى اوى الله يبارك فيك. معلش انا عارفه انك زعلان منى علشان مقولتلكش قبلها بس انت عارف الظروف انا عارفه انه مش عذر سورى بقى يا خالو سامحنى انا عارفه ان قلبك طيب وهتسامحنى ميرسي يا احلى خالو فى الدنيا كلها ايه مين بس اصل ماشى علشان خاطرك…
زياد: فرحت لما لقيت السعاده مرسومه على وش مريم وهى بتكلم خالها وبيباركلها على جوازنا بس لاحظت ارتباكها ونظرتها ليا وهى بتكلمه كنت لسه هسألها مالك بس سمعتها وهى بتقول…
مريم: _ الله يبارك فيك يا كريم كل شئ نصيب وانت اللِ اخترت عارف انا كنت مصره على انى مش ممكن اسامحك فى يوم بس عارف بسببك انا اسعد انسانه على وش الارض لانى لقيت نصى التانى اللِ ربنا عوضنى بيه عن سنين حرمانى انا بجد مش عارفه اشكرك ازاى انا مسامحاك يا كريم ربنا يهنيك مع ماهيتاب ايه طلقتها ليه
زياد: اول لما سمعتها بتنطق اسم كريم كنت عاوز اكسر الموبيل على دماغها بس مسكت نفسي فى اخر لحظه…وقولت اشوفه عاوز ايه منها تانى ولما سمعت كلامها معاه وردها حسيت بالفرحه مش سايعانى وهى بتشكره لانه بسبب اللِ عمله بقيت انا فى حياتها بس يافرحه ما تمت عرفت انه طلق ماهيتاب ياترى ليه…
مريم بحزن: _ انا السبب مش كدا علشان خاطرى يا كريم ارجعلها تانى هى اكيد بتحبك انا كنت بنتقم منكم مش اكتر بس بعدين فوقت دى بنت عمتك متعملش فيها كدا. ايه قالتلك اييه يعنى هى مش بتحبك واتجوزتك علشان تنتقم منى طيب ممكن اطلب منك طلب يا كريم زى ما انا سامحتك ممكن تسامحها هى كمان وتبدأوا من الاول هى مش وحشه اوى كدا هى بس مدلعه شويه واظن انك عاقبتها كفايه علشان خاطرى يا كريم بلاش تحسسنى بالذنب لانى قولتلك على سرها شكرا اوى يا كريم انت فعلا راجل محترم بس ارجوك متقولهاش على المكالمه دى لتفهم غلط شكرا اوى مع السلامه
زياد بغيره واضحه: _ بقالك ساعه بتكلمى سي زفت كريم ايه كان واحشك يا ست هانم….
مريم بضحك: _ هههههههه شكلك يفطس من الضحك وانت غيران يا زيزو. كريم مين دا اللِ يوحشنى وانا معايا ارجل واطيب واحن راجل فى الدنيا هو انا هلاقى حد زيك يا زيزو يملى عنيا وقلبى وعقلى
زياد بسعادة: _ بجد انتى بتقولى الكلام دا من قلبك ولا دا كلام فض مجالس علشان تهدينى مش اكتر….
مريم: _ عاوزنى اثبتلك ازاى انى بحبك يا زيزو….
زياد بخبث: _ ارقصيلى يا ميرو
مريم: _ ارقصلك! .
