تزوجت حبيبة اخي..بقلم اسراء هاني.الجزء الثاني.

عمر بدموع .. في ايه سامر فوق يا قلبي فوق سامر

شاله وجرى شوفته وشه اصفر وعرقان كانت اصعب لحظة في حياتي ياريت الزمن بيرجع كنت عملت المستحيل علشان اكون معاه وصل عمر المستشفى وهو بيصرخ.. دكتور دكتور حد يلحقنا

جالوا كذا دكتور اخدوه منه ودخلوا غرفة الكشف بعدها عمليات بسرعة

عمر .. عمليات ليه هو في ايه

الدكتور .. ما فيش وقت بعدين

دخل عرفة العمليات وكان عمر على الباب مرعوب وانا كنت بهدي في والدته واخته وانا عايزة اللي يهديني رنيت على عمر بس مردش طلع الدكتور بعد ساعة

عمر .. في ايه

الدكتور .. بداية جلطة وربنا ستر

عمر بخوف وصدمة .. ايه جلطة انت عارف عنده كام سنة

الدكتور..الجلطة مالهاش عمر محدد بتبقى بسبب صدمة او زعل بس الحمد لله قدرنا نسيطر عليها

عمر بدموع .. ايه الحاجة اللي ممكن تزعل عمر للدرجة دي يا حبيبي يا اخويا وامتى هيخرج يا دكتور

الدكتور .. لسه يومين نطمن بعدها ممكن يمشي بس ممنوع تدخله دلوقتي

وقف عمر قصاد الغرفة يشوفه من الازاز وبكي بحرقة عليه ورجع البيت يغير البجامة اللي كان لابسها ويطمن اهله لانهم مبطلوش رن دخل عمر البيت واحنا قاعدين قومنا فجأة

أم عمر.. طمني يا ابني

عمر.. كويس يا أمي بس ضعف عام ادوله مقويات وبكرة هيخرج

ندى .. بس كدة ولا في حاجة مخببها

عمر وهو بيحاول يبان طبيعي .. هخبي ايه الدكتور طمني الحمد لله

أم عمر بدموع .. الحمد الله الحمد لله ربنا ما يوريني فيك شر يا ابني

طلعت معاه الشقة لانه هيغير هدومه اول ما دخلنا حضني وفضل يبكي قلبي وقف من الخوف

اسراء.. في ايه يا عمر مالك

عمر .. سامر عنده جلطة

اسراء بصراخ .. ايه

بصلي عمر باستغراب لردة فعلي انتبهت لنفسي

اسراء .. قصدي انه في العمر ده مش غريب الجلطة متعرفتش السبب

بصلي شويه ولف وشه ناحية الدولاب هيغير هدومه.. سامر وراه حاجة كبيرة هي اللي مخلياه كدة

اسراء بتوتر .. حاجة ايه

عمر .. اصراره انه يسافر ورجوعه فجأة سرحانه وقلة اكله اكيد في حاجة كبيرة

اسراء بتردد .. احم زي ايه

عمر.. مش عارف هو عمره ما خبى عني حاجة حاسس اللي في ده يخص البنت اللي كان يحبها

سرح شويه في نفسه .. انا مجرب وعارف يعني ايه تروح منك وحدة كانت كل حياتك

اسراء .. احم وانت تعرفها

عمر..هحاول اخليه يتكلم وان مقالش هدور لغاية ما اعرف لو وصلت اني اروح اترجاها ترجعله