تزوجت حبيبة اخي..بقلم اسراء هاني.الجزء الثاني.

في الشركة اسراء فجأة .. اه قلبي وجعني حاسة في نغزة شديدة ااااه اااه

لمحها عمر من الازاز قاعدة على ركبتها وحاطة ايدها على قلبها ومغمضة عينيها وبتبكي ركض لعندها بخضة

عمر .. اسراء في ايه مالك انتي كويسة

..

عمر .. اسراء ردي فيكي ايه

اسراء بخنقة .. قلبي وجعني اوي حاسة بنغزة قوية ومش قادرة اخد نفسي مش عارفة من ايه

عمر بقلق .. قومي نروح المستشفي

اسراء .. مش قادرة

عمر .. أعمل ايه يا ربي اشيلك

شاورت له في ايدها لا نده عمر ٢ من زمايلها البنات ساعدوها تقوم وقعدوها عالكنبة شربت مية وحاولت تاخد نفس جابلها برفان تصحصح كان باصص عليها بقلق شديد وهي بتاخد نفسها بصعوبة ودموعها موقفتش

عمر .. احنا لازم نروح المستشفى

اسراء .. انا بقيت كويسه شويا و حتروح

عمر .. طب هيا جتلك قبل كدة

اسراء بدموع .. لا بس حاسة في قبضة في قلبي

عمر .. وده ممكن يكون سببه ايه

غمضت عيونها واجه في بالها سامر حطت ايدها على قلبها ودعت.. يارب يكون بخير يارب سلموا ليا واحميه انا مقدرش اعيش من غيره

عمر .. انا هكلم محمد

بعدها بشوية جه محمد وجرى عليها واخدها في حضنه وفضل يهدي في نفسه

عمر في نفسه .. يا بختك من الصبح نفسي اعمل كدة مش عارف

محمد .. انا هاخدها اروحها و ان فضلت كدة نروح المستشفى

عمر .. تمام انا هوصلكم

محمد .. لا ما فيش داعي

بصلها نظرة كلها حب وخوف .. لا طبعا لازم

طلعت إسراء في العربية وكانت نايمة على كتف اخوها وعمر طول الوقت باصصلها من الشباك وبيسأل نفسه.. يا ترى فيكي ايه يا قلبي لو ينفع بس اخدك في حضني

وصلوا البيت ونزلت اسراء ومحمد ساندها وشكر عمر وطلع فوق وفضل عمر يبص عليهم لغاية ما طلعوا ورجع الشركة خلص شغله ورجع البيت وكل تفكيره فيها هيموت ويكلمها يطمن عليها لكن ايه الحجة مش عارف فضل طول اليوم على نار بالاخر مسك تليفونه يكلم محمد وهو يقول لنفسه.. اللي يحصل يحصل

محمد .. اهلا يا عمر

عمر .. احم اهلا يا حبيبي إزاي اسراء دلوقتي

محمد .. كويسة بس مبطلتش عياط

عمر باستغراب .. طب ايه السبب

محمد .. مش عارف مش راضية تتكلم انا هسيبها تروق وبعدين اتكلم معها

عمر .. تمام حمد الله على السلامة

محمد .. الله يسلمك

عند اسراء كانت متأكدة انه وجع قلبها انه حصل حاجة لحبيبها فضلت تكلمه لكن تليفونه كان بيرن ومحدش بيرد بعدها تليفونه اتقفل كانت هتموت من الرعب كان أول ما ترن عليه يرد من قبل ما تكمل او رنة.. يا ترى فيك ايه يا قلبي يارب يكون بخير يارب يارب.