تزوجت حبيبة اخي..بقلم اسراء هاني.الجزء الثاني.

سامر .. زي القمر زي ما تخيلتك طول عمري ربنا يسعدك يا احلى حاجة في حياتي عمري ما هنساكي

بعدها راح ناحية اخوه ورقص معه وانتهى الفرح وروحنا البيت وكان سامر طالب عشا للكل هناك كان عايز يرجع شقته امه رفضت لأنه كان تعبان اكلنا وعمر كان طول الوقت يأكلني ويشدني لحضنه

عمر .. يالا تصبحوا على خير انا فوق اعتبروني مسافر شهر سنة يعني

حط ايد ورا رقبتي وايد تحت ركبي وشالني قصادهم

عمر.. تصبحوا على خير

كان سامر طول الوقت عيونه على الأرض طلعت الشقة نزلني وفكلي الطرحة قرب عليا وكان بياخد نفس

عمر.. واخيرا

قرب لعندي وباسني من جنب شفايفي وكان لسه هيكمل بعدت شويه

عمر .. غيري هدومك وانا هغير

اسراء .. انا أسفة بس عندي ظروف

عمر.. ظروف ايه

اسراء .. ظروف يا عمر

عمر .. ايه الحظ ده كان أجلنا او قربنا

اسراء بخجل.. الايام جاية كتير

عمر بحب .. انتي عندي اهم من كل حاجة غيري هدومك نقعد سوا

لبست بجامة مقفولة ومكنش عندي ظروف دي حجة على ما اشوف هعمل ايه قعدت على كنبة لوحدي سحبني وقعدني جمبه وفضل يبوسني من وشي بعدت شويه وقالت بمحاولة لتشتيته..انا معرفش حاجة عنك اوي احكيلي عنك

بدأ عمر يحكي عن نفسه وقالها على الخلاف اللي حصل على الورث وبعدها عن حبيبته اللي اتجوزت ثم اضاف..انا قلقان عليه حسيته مش مظبوط ده غير سفره اللي مصر عليه

كان سامر في غرفته نايم على سريره وحاطط ايده على قلبه من الوجع وبيفكر قد ايه هو حبها وحاول أن ينسى وبيطمن نفسه ان اخوه هيعرف بحافظ عليها بس متحملش مجرد تخيلها بحضنه كان كافي يقضي عليه حاول يتماسك لكن وجعه كان شديد حط يده على قلبه واستسلم لآلامه حست والدته بيه قامت تشوف ماله دخلت الغرفة لقته مكوم نفسه على السرير وعرقان بشكل كبير

أم عمر بخوف شديد .. في ايه يا حبيبي ايه بيوجعك

سامر .. مش قادر يا امي

أم عمر .. يا قلب امك قوم غسل وشك او خد دوش وصحصح حاولت تقومه

كنت لابسة بجامة وقاعدة جمب عمر وبيلعب بشعري وبيتغزل فيا وانا زي التلج مغمضة عيوني ونفسي اموته واموت نفسي لغاية ما الباب خبط بشكل يخوف كان القيامة قامت انا كنت متأكدة انه سامر مش هيتحمل وعمر جرى يفتح الباب وسمعته بيقول.. في ايه

ندى وهي بتلهث وبتبكي .. سامر وقع على الارض ومش قادر يتحرك الحقه

لم تكمل كلامها جرى عمر بأقصى سرعه ليرى أخاه اما انا بقيت مكاني وكان عاصفة من السماء نزلت وقضت عليا حسيت ان رجليا اتشنجت جلست ابكي بحرقة ثم وضعت العباءة على جسدي وجريت لاسفل عمر لقى سامر على الارض جسمه متلج وبياخد نفس بالعافية وأمه جمبه بتعيط بصوت يقطع القلب